«Բագրատիոնիներ»–ի խմբագրումների տարբերություն

<!-- Comment -->'''Բագրատունիներ վրաց''', թագավորական հարստություն [[Վրաստան]]ում IX-XIXդդ.։ Մի շարք գիտնականների ուսումնասիրություններում պարզված է, որ վրաց Բագրատունիների հիմնադիրը եղել է 775–ին [[Վասակ Բագրատունի]]ն։ IXդ. կեսից Բագրատունիները հաջողությամբ պայքարել են Տփղիսի արաբական ամիրայության դեմ. նրան աջակցել են հայ Բագրատունիները։ Վերջիններս խալիֆայի կողմից 862-ից, սկսած [[Աշոտ Ա]]–ից, ճանաչված էին Հայոց և Վրաց իշխանաց իշխաններ։ Այնուհետև Բագրատունիները պայքարել են վրացական հողերը միավորելու համար։ Այս ուղղությամբ առաջինը լուրջ քայլեր է արել [[Բագրատ III]] ([[978]]-[[1014]])։ Բագրատի հաջորդները պայքարել են սելջուկ–թուրքերի և տեղական անհնազանդ իշխանների դեմ։ վրաց Բագրատունիների ականավոր ներկայացուցիչներն էին [[Դավիթ Շինարար]]ը ([[1089]]-[[1125]]), [[Գեորգի III]] ([[1156]]-[[1184]]), [[Թամար]]ը ([[1184]]-[[1213]]):։

Սելջուկ–թաթարների արշավանքների հետևանքով Բագրատունիները թուլացել են և դարձել հարկատու [[Ոսկե Հորդա]]յին։ [[Գեորգի V]]–ին հաջողվել է ազատվել մոնղոլներին հարկ տալուց, միավորել երկիրը։ [[Լենկթեմուր]]ի արշավանքների, ֆեոդալական երկպառակտությունների հետևանքով Բագրատունիների իշխանությունը վերստին թուլացել է։

1801-ին, Վրաստանի [[Ռուսաստան]]ին միանալուց հետո, Բագրատունիների թագավորական իշխանությունը վերացվել է։