'''Գաբեղյաններ''', նախարարական տոհմ [[Մեծ Հայք]]ի [[Այրարատ]] նահանգի [[Գաբեղեանք|Գաբեղյանք]] գավառում։ Ավանդական պատմությունը Գաբեղեյանների տոհմանունը կապում է նրանց նահապետ Գաբեղ իշխանի անվան հետ, որին իբրև Վաղարշակ թագավորը կալվածներ է պարգևել և կարգել արքունիքի փոխադրամիջոցների ու ձիերի երամակների տեսուչ։ Վերջին [[Արշակունիներ]]ի օրոք Գաբեղյանները արքունիքում զբաղեցրել են 25-րդ գահը։ [[Զորանամակ]]ի համաձայն, Գաբեղյանների զորաթիվը եղել է 300 ձիավոր։ Vդ Գաբեղյաններից հիշատակվում են Արտեմ և Խոսրով իշխանները։ V դ վերջում Գաբեղ սեպուհը հիշատակվում է որպես [[Վահան Մամիկոնյան]]ի զինակից։ Գաբեղյանների շառավիղներից IXդ կեսին Վարդան և Խոսրով պայազետները՝ որպես [[Արծրունիներ]]ի նիզակակից։
{{ծանոթագրություններ|#Հայկական Սովետական Հանրագիտարան}}
