«Խեժեր»–ի խմբագրումների տարբերություն

Բնական խեժերը պինդ նյութեր են, որոնք առաջանում են խեժատու բույսերում բնականոն ֆիզիոլոգիական փոխանակության, ինչպես նաև վնասվածքների դեպքում։ Բնական խեժերը կազմում են [[փշատերև բույսեր]]ի հյութի հիմնական մասը (65%), առավել հարուստ են արևադարձային բույսերը։ Բնական խեժերը չեն լուծվում ջրում, լուծվում կամ ուռչում են օրգանական լուծիչներում, ընդունակ են առաջացնելու բարակ թաղանթներ:թաղանթներ։ Տաքացնելիս փափկում են ու հալվում։ Այրվում են մրոտ բոցով։ Մի քանիսը հիմքերի ազդեցությամբ ենթարկվում են օճառացման։ Բնական խեժերի մեծամասնությունը ամորֆ և տարբեր գույնի, օրինակ, դեղնանարնջագույն ([[դեղնախեժ]]), կարմիր (վիշապի արյուն), դարչնագույն ([[դոճախեժ]]), դեղինից մինչև մուգ դարչնագույն ([[բևեկնախեժ]], [[սաթ]]) նյութեր են։ Մի քանիսն ունեն բնորոշ հոտ ու համ (օրինակ [[խունկ]]ը)։ Բնական խեժերի բաղադրության մեջ մտնում են խեժաթթուներ, մեկ կամ բազմատոմ խեժասպիրտներ (ռեզինոլներ), խեժաթթուների, խեժասպիրտների կամ միատոմ ֆենոլների էսթերներ ու եթերներ, որոշ իներտ նյութեր, որոնք պատկանում են, ըստ երևույթին, հետերոցիկլավոր միացությունների շարքին։ Բնական խեժերը կարող են պարունակել նաև եթերային յուղեր և ջուր (մեծամասնության քիմիական բաղադրությունը ճշգրիտ հաստատված չէ)։ Ներկայումս բնական խեժերից առավել շատ կիրառվում են [[բևեկնախեժ]]ը, [[դոճախեժ]]ը և [[սաթ]]ը։ Շատերը դուրս են եկել գործածությունից՝ իրենց տեղը զիջելով սինթետիկ խեժերին։ Բնական խեժերը կիրառվում են [[օճառագործություն|օճառագործության]], [[լաքեր]]ի ու [[ներկեր]]ի արտադրության մեջ, լուսատու բաղադրություններ, [[փայլալաք]]եր, կոսմետիկ նյութեր, [[սպեղանի]] պատրաստելու համար:համար։

Սինթետիկ խեժերը լայնորեն կիրառվում են [[պլաստմասսա]]ների, [[լաքեր]]ի ու [[ներկեր]]ի, [[սոսինձ]]ների և այլ նյութերի արտադրության մեջ, ինչպես նաև [[գործվածք]]ները, [[թուղթ]]ը և այլ նյութեր մշակելու համար:համար։

[[Հայաստան]]ում աճում են խեժատու ծառեր ([[սոճի]], [[նոճի]], [[եղևնի]], [[խեժափիճի]], [[գիհի]], [[ակացիա]]) և բույսեր ([[չարհոտ]], [[կանգար]], գազ, աղբրաց արյուն, [[լոշտակ]]), որոնցից ստացվել կամ արտաթորվել են տարբեր տեսակի խեժեր:խեժեր։ Խեժափիճու խեժն անվանել են [[անզրութ]] կամ անծրութ, փշատերև ծառերինը՝ մարխի խեժ, [[բևեկնախեժ]], [[բևեկնայուղ]], գիհի ծառինը՝ [[սանդալուզ]] կամ սանդալոս, ակացիայինը՝ [[ախախիա]] կամ աղաղիա, չարհոտինը՝ [[անկիտան]] կամ անճիտան։ Ստացել են նաև քարախունկ, որն անուշահոտ խեժ է և, ըստ ավանդության, կարծրանում է քարի մեջ։ Վերոհիշյալ խեժերն օգտագործվել են բժշկության մեջ՝ որպես դեղորայքների բաղկացուցիչ մաս կամ մաքուր վիճակում։ Դրանցից պատրաստել են սոսնձանյութ, [[ներկ]]եր և [[թանաք]]ներ:ներ։ Ջրդեղերին խառնած՝ քսել են ձեռագրերի և [[մանրանկար]]ների մակերևույթին՝ ջրի նկատմամբ անթափանց դարձնելու, մեխանիկական հարվածներից պահպանելու և փայլ տալու համար:համար։ Որոշ խեժեր (օրինակ, բևեկնախեժ) այնքան շատ են արտադրվել, որ ներքին շուկայի պահանջները բավարարելուց բացի համարվել են Հայաստանից արտահանվող գլխավոր նյութեր:նյութեր։