'''Հազար''' (մառոլ, կաթնուկ, (''{{lang|lat|Lactuca''}})) աստղածաղկազգիների (բարդածաղկավորներ) ընտանիքի միամյա, երկամյա կամ բազմամյա խոտաբույսերի ցեղ: Հանդիպում է 100 տեսակ, ՀՀ-ում` 4-5: Աճում է [[Գեղարքունիքի մարզ|Գեղարքունիքի]], [[Լոռու մարզ|Լոռու]], [[Արագածոտնի մարզ|Արագածոտնի]], [[Կոտայքի մարզ]]երում և այլուր: Մշակվում է ամենուրեք: Ցողունի բարձր. 10-120 սմ: Տերևները նշտարանման են, ամբողջական կամ փետրաձև բաժան, ծաղկաբույլը` հուրանանման կամ ողկույզանման զամբյուղ, ծաղիկը` դեղին, երբեմն` երկնագույն կամ վարդագույն, պտուղը` թռչող սերմիկ: Դեղաբույս է: Պարունակում է խեժ, վիտամիններ C, B, PP, կարոտին, երկաթի և ֆոսֆորի աղեր: Օգտագործվում է սննդի մեջ:
