'''Խաչիկ Ա Արշարունի''' (Արշարունեցի, ծ. թ. անհայտ – 992թ992 թ., ամփոփված է Արգինայի Կաթողիկե եկեղեցի), [[Ամենայն Հայոց Կաթողիկոս|Ամենայն հայոց կաթողիկոս]] 973 թ-ից: Հաջորդել է [[Ստեփանոս Գ Սևանցի|Ստեփանոս Գ Սևանցուն]]: Նախքան կաթողիկոս ընտրվելը [[Արշարունիք]]ի եպիսկոպոսն էր, որի համար էլ Մ. Օրմանյանն անվանել է «Արշարունի»: Պաշտպանել է [[Հայ Առաքելական եկեղեցի|Հայ առաքելական եկեղեցու]] դավանությունը [[Սեբաստիա]]յի և [[Մալաթիա|Մելիտինե]]ի հույն մետրոպոլիտների ոտնձգություններից: Բյուզանդական կայսրության արևելյան շրջաններում` Անտիոքում, Տարսոնում, Իսավրիայում և այլուր, որտեղ առաջացել էին հոծ հայ համայնքներ, նշանակել է եպիսկոպոսներ: Զբաղվել է եկեղեցաշինությամբ` [[Արգինա]]յում կառուցել երեք կաթողիկե եկեղեցի, հիմնել մատենադարան: Կաթողիկոսական գահին նրան հաջորդել է [[Սարգիս Ա Սևանցի]]ն:
== Աղբյուրներ ==
*[http://araratian-tem.am/media/Qrist.%20Hayast..pdf «Քրիստոնյա Հայաստան» հանրագիտարան, Երևան, 2002]
