Մոդեռնիզմը (իտալ. modernismo — «ժամանակակից հոսանք»; լատիներեն modernus — «ժամանակակից, ոչ հին») — XX դարի ուղղություն է մշակույթի մեջ, որը բնութագրվում է մշակութային, պատմական փորձի հետ կապի խզմամբ, ձգտումով հաստատել նոր` ոչ տրադիցիոն սկիզբ արվեստում, ոճի պայմանականություն:
Մոդեռնիզմը գրականության մեջ եկավ փոխարինելու դասական վեպին: Կյանքի նկարագրության փոխարեն ընթերցողին սկսեցին առաջարկել տարբեր գրական ինտերպրետացիաներ` փիլիսոփաների, հոգեբանների աշխարհընկալումներ: Ի հայտ եկավ մի ոճ, որը կոչվեց Գիտակցության Հոսք (անգլ. Stream of consciousness), որը բնութագրվում էր հերոսների ներքին աշխարհ մտնելով: Կարևոր դեր էր խաղում մոդեռնիստական գրականության մեջ պատերազմի անիմաստության թեման. արդիական դարձավ Կորուսյալ Սերունդ հասկացությունը (ռուս. потерянного поколения)
