Սոֆյա Պոլգար
Սոֆյա Պոլգար (հունգ.՝ Polgár Zsófia, նոյեմբերի 2, 1974, Բուդապեշտ, Հունգարիա), հունգարացի շախմատիստուհի, կանանց գրոսմայստեր (1989 թ.), տղամարդկանց միջազգային վարպետ (1990 թ.)։
| Սոֆյա Պոլգար | |
|---|---|
| հունգ.՝ Polgár Zsófia | |
 | |
| Պետություն(ներ) |  Հունգարիա |
| Ծննդյան ամսաթիվ | նոյեմբերի 2, 1974 (49 տարեկան) |
| Ծննդավայր | Բուդապեշտ, Հունգարիա |
| Կոչում | Միջազգային վարպետ (1990) |
| Առավելագույն վարկանիշ | 2501 (հուլիս 2000) |
| Ներկայիս վարկանիշ | 2450 |
| ՖԻԴԵ համար | 700231 |
| 365chess | Sofia_Polgar |
| Chesstempo համար | 166123 |
| ICCF համար | 166123 |
| Մասնակցել է | Կանանց շախմատային օլիմպիադա 1988[1], Կանանց շախմատային օլիմպիադա 1990[1], Կանանց շախմատային օլիմպիադա 1994[1] և Կանանց շախմատային օլիմպիադա 1996[1] |
| sofiapolgar.com | |
 Zsófia Polgár Վիքիպահեստում | |
Կենսագրություն խմբագրել
Սոֆյա Պոլգարը ծնվել է հրեական ընտանիքում, Բուդապեշտում։ Ընտանիքի բոլոր երեք երեխաները՝ Ժուժա, Սոֆյա և Հուդիթ քույրերը, ստացել են տնային կրթություն։ Երեխաների ուսուցմամբ զբաղվել է նրանց մայրը՝ Ուկրաինայի Վիլոկ գյուղում ծնված և Ուժգորոդի համալսարանն ավարտած Կլարա Պոլգարը (օրիորդական ազգանունը՝ Ալտբերգեր, ծնվ.՝ 1946 թ.)[2][3]։ Վաղ մանկությունից երեխաներին շախմատ էր սովորեցնում հայրը՝ հոգեբան և մանկավարժ Լասլո Պոլգարը (ծնվ.՝ 1946)։ Քույրերը դարձան ուժեղ շախմատիստուհիներ. միջազգային գրոսմայստեր Ժուժա Պոլգարն իր ամուսնու հետ ապրում է Նյու Յորքում, ԱՄՆ, գրոսմայստեր Հուդիթ Պոլգարը՝ Հունգարիայում, իսկ միջազգային վարպետ, կանանց գրոսմայստեր Սոֆյա Պոլգարը (Կոսաշվիլի)՝ Իսրայելում։
Մարզական արդյունքներ խմբագրել
- Մինչև 14 տարեկան տղաների աշխարհի առաջնություն (Պուերտո Ռիկո, 1986 թ.)՝ 2-3-րդ տեղեր
- Կադետների աշխարհի առաջնություն (Ռիո Գալիեգոս, 1986 թ.)՝ 6-11-րդ տեղեր
Սոֆյան մասնակցել է տղամարդկանց մի շարք խոշոր միջազգային մրցաշարերի, այդ թվում Նյու Յորքի շախմատային փառատոնին (1985 թ.)՝ բաժանելով 2-3-րդ տեղերը, Սան Բեռնարդինոյի միջազգային մրցաշարին (1987 թ.), որտեղ բաժանել է 12-21-րդ տեղերը (71 մասնակից)։
Անձնական կյանք խմբագրել
1999 թվականի փետրվարի 7-ին Սոֆյան ամուսնացել է Վրաստանում ծնված իսրայելցի գրոսմայստեր Յոնա Կոսաշվիլու հետ և տեղափոխվել Իսրայել։ Հետագայում նրանք տեղափոխվել են Տորոնտո։ Զույգն ունի երկու երեխա՝ Ալոնը (ծնվ. 2000 թ.) և Յոավը (ծնվ. 2003 թ.)։
Սոֆյա Պոլգարը, բացի հունգարերենից, մանկուց խոսում է էսպերանտո լեզվով։
Քույրեր խմբագրել
Վարկանիշի փոփոխության գծապատկեր խմբագրել
Գրականություն խմբագրել
- Шахматы : энциклопедический словарь / гл. ред. А. Е. Карпов. — М.: Советская энциклопедия, 1990. — С. 309. — 624 с. — 100 000 экз. — ISBN 5-85270-005-3.
Ծանոթագրություններ խմբագրել
- ↑ 1,0 1,1 1,2 1,3 OlimpBase
- ↑ «Հարցազրույց Ժուժա Պոլգարի հետ»։ Արխիվացված է օրիգինալից 2016-03-06-ին։ Վերցված է 2016-02-27
- ↑ Ի՜նչ հանճարեղ երեխաներ ենք մենք ունենալու։ Ծնողները ծանոթացել են նամակագրությամբ և հանդիպել են 1965 թվականին Բուդապեշտում, որտեղ Կլարա Ալտբերգերը հյուրընկալվում էր քեռուն։
- ↑ Էլոյի վարկանիշը ՖԻԴԵ ցանկերից։ Աղբյուրներ՝ fide.com, benoni.de, olimpbase.org