Սուրեն Սարգսյան

Սուրեն Արտաշեսի Սարգսյան (հոկտեմբերի 31, 1924(1924-10-31), Ոսկեվազ, Էջմիածնի գավառ, Հայկական ԽՍՀ, ԱԽՖՍՀ, ԽՍՀՄ - 2009, Երևան, Հայաստան), Խորհրդային Միության հերոս (մարտի 24, 1945 թվական), գվարդիայի սերժանտ։

Սուրեն Սարգսյան
Ծնվել է	հոկտեմբերի 31, 1924(1924-10-31)
Ծննդավայր	Ոսկեվազ, Էջմիածնի գավառ, Հայկական ԽՍՀ, ԱԽՖՍՀ, ԽՍՀՄ
Մահացել է	2009
Մահվան վայր	Երևան, Հայաստան
Ազգություն	հայ
Կրթություն	Հայաստանի ազգային պոլիտեխնիկական համալսարան
Կուսակցություն	ԽՄԿԿ
Պարգևներ և մրցանակներ	և

Կենսագրություն

1942 թվականին զորակոչվել է կարմիր բանակ։ Երկրորդ համաշխարհային պատերազմի ժամանակ մասնակցել է Օրյոլի մարզի, Բելառուսիայի ազատագրմանը, Լեհաստանի վերագրավմանը։ Եղել է կապավոր։ Հերոսի կոչման արժանացել է Դնեպրի գետանցման ժամանակ (1944 թվականի հունիս) ցուցաբերած խիզախության և արիության համար։ 1945 թվականին զորացրվել է։ Ավարտել է Երևանի Կառլ Մարքսի անվան պոլիտեխնիկական ինստիտուտը (1951 թվական)։ Աշխատել է ինժեներ Ավտոպահեստամասերի գործարանում, 1963 թվականից` «Հայմետաղմատ» վարչության պետ։

Մահացել է 2009 թվականի նոյեմբերի 14-ին։ Թաղված է հայրենի Ոսկեվազ գյուղում։

Պարգևներ

• Լենինի շքանշան
• Կարմիր աստղի շքանշան, 1944
• Կարմիր դրոշի շքանշան, 1945
• Հայրենական պատերազմի 1-ին աստիճանի շքանշան, 1985
• Աշխատանքային Կարմիր դրոշի շքանշան, 1971
• «Պատվո նշան» շքանշան, 1966,
• «Մարտական վաստակի համար» մեդալ
• Մեդալներ
  • «Խիզախության համար» մեդալ» (06.07.1944)
  • «Մարտական ծառայությունների» մեդալ, № 969288 (12.06.1944)
  • «Վլադիմիր Իլյիչ Լենինի ծննդյան 100-ամյակի հոբելյանական մեդալ»
  • «Աշխատանքի վետերան»

Գրականություն

• Герои Советского Союза: Краткий биографический словарь / Пред. ред. коллегии И. Н. Шкадов. - М.: Воениздат, 1988. - Т. 2 /Любов - Ящук/. - 863 с.- 100 000 экз. - ISBN 5-203-00536-2.

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 10, էջ 225)։