Սուրբ Հարություն եկեղեցի (Հադրութ)
Սուրբ Հարություն եկեղեցի, Հայ Առաքելական եկեղեցուն պատկանող եկեղեցի Արցախի Հանրապետության Հադրութի շրջանի շրջկենտրոն Հադրութ քաղաքի հարավ-արևմտյան հատվածում[1]։
Սուրբ Հարություն եկեղեցի (Հադրութ)
| |
 | |
| Տեղադրություն |  Արցախ Հադրութի շրջան, Հադրութ |
|---|---|
| Աշխարհ | Արցախ |
| Երկիր | Արցախի Հանրապետություն |
| Կրոնադավանանք |  Հայ Առաքելական եկեղեցի |
Ճարտարապետություն | |
| Ակտիվ է | 2020 թ. հոկտեմբերից այլև չի գործում |
| Ժառանգության կարգավիճակում | Տեղական նշանակություն ունեցող պատմամշակութային հուշարձան |
| Ճարտարապ. ոճ | Հայկական |
| Կառուցման սկիզբ | 1621 |
  |
|
 |
|
| 39°31′11″ հս․ լ. 47°01′34″ ավ. ե.Հանրապետություն_ HGЯO | |
Պատմություն խմբագրել
Սուրբ Հարություն եկեղեցին գտնվում է Հադրութ քաղաքի հին տներով շրջապատված թաղամասում[1]։
1887 թվականին Հադրութ գյուղի երկդասյա վարժարանի տեսուչ Ի․ Դավիդբեկովը նշում է, որ բուն «Հադրութ գյուղում կա երկու եկեղեցի՝ մեկը գյուղի ստորին մասում, ․․․ և մյուսը` գյուղի կենտրոնում բավականին գեղեցիկ տեսք ունեցող եկեղեցին»[1][2]։
Ըստ Մակար Բարխուդարյանի` եկեղեցին կառուցվել է 1621 թվականին[3]։ Եկեղեցին վերանորոգվել է 1819 թվականին, որի ժամանակ էլ տեղադրվել է գմբեթը[4]։ Վերանորոգումը իրականացվել է 2007 թվականին արմատներով ազոխեցի ռուսաստանաբնակ բարերար Միխայիլ Բաղդասարովի ֆինանսական օժանդակությամբ[1]։
Ճարտարապետություն խմբագրել
Եկեղեցին միանավ բազիլիկ է, կառուցված անմշակ քարից, ունի 18,35 մետր երկարություն, 9,4 մետր լայնություն։ Գլանաձև թաղը հենվում է երեք զույգ պատկից սյուներից բարձրացող կամարների վրա։ Արևելյան կողմից ունի կիսակլոր աբսիդ՝ երկու կողային նեղ ավանդատներով։ Ուղղանկյուն դահլիճի մեջտեղում՝ շրջանաձև երդիկի վրա, բարձրանում է զանգակատունը` սրբատաշ քարից կառուցված վեց սյուներով և բրգաձև վեղարով ռոտոնդան։ Ունի երկու փոքր, երեք մեծ լուսամուտ։ Մուտքը բացվում է արևմուտքից, այն կամարակապ է, գեղեցիկ զարդանախշերով։ Տանիքն ամբողջությամբ ծածկված է հարթ և կիսագլանաձև սալերով։ Եկեղեցու բակում կան մեկ տասնյակից ավելի տարբեր ժամանակաշրջանների տապանաքարեր[1]։
հետագա ճակատագիրը խմբագրել
Պատերազմից առաջ եկեղեցին գտնվում էր գերազանց վիճակում, գործող եկեղեցի էր, պատերազմի ժամանակ չի տուժել, 2020 թվականի հոկտեմբերի 12-ին Հադրութ քաղաքի ամբողջությամբ ադրբեջանական վերահսկողության տակ անցնելուց հետո սոցցանցերում ադրբեջանցիների տեղադրած նյութերում երևում են եկեղեցու պատերի վրա ներկով արված գրառումները, ինչպես նաև տապալված են բակի տապանաքարերից մի քանիսը[1]։ Եկեղեցու զանգակատան գմբեթից հանված է խաչը;
Պատկերասրահ խմբագրել
-
Եկեղեցին 2010 թվականին -
Եկեղեցին 2015 թվականին -
Եկեղեցին 2016 թվականին
Ծանոթագրություններ խմբագրել
- ↑ 1,0 1,1 1,2 1,3 1,4 1,5 Հադրութի Սուրբ Հարություն եկեղեցի
- ↑ Давидбеков И. Село Гадрут Елисаветпольской губернии Джебраильского уезда // Сборник материалов для описания местностей и племён Кавказа. Вып. 6. — Тифлис, 1888. — С. 153—192.
- ↑ «Արցախ», Մակար Բարխուդարյան, 1895, Բաքու, էջ 69․
- ↑ «Լեռնային Ղարաբաղի պատմա-ճարտարապետական հուշարձանները», Մկրտչյան Շ․, 1987, Երևան, էջ 3․