Սուլուգունի

Սուլուգունի (վրաց.` სულუგუნი, մեգր.` სელეგინ, աբխ.` ашә, ашәлагәан), վրացական ազգային աղաջրած պանրի տեսակ։ Պատրաստվում է կովի պաստերիզացված կաթից` պանրային եղանակի հալեցման եղանակով։ Աղադրումից հետո օգտագործում են թարմ վիճակում։ Սուլուգունիները, որպես կանոն, պետք է ունենան կիսափափուկ կազմություն, առաձգական շերտավոր կառուցվածք, հաճելի կաթնաթթվային համ, գույնը՝ սպիտակից մինչև բաց դեղին։ Աչքեր չունի, կարող են նկատվել ճեղքաձև դատարկություններ։ Արտադրվում է 0,3-ից 1,5 կգ քաշ ունեցող բլիթների տեսքով։

Սուլուգունի
Առաջացման երկիր	Վրաստան
Տարածաշրջան	Սվանեթ և Մեգրելիա
Կաթ	հում կաթ և կովի կաթ
Sulguni Վիքիպահեստում

Սովորաբար վաճառվում են վակուումային պոլիմերային թաղանթի մեջ փաթեթավորված։

Սուլուգունիները լայն կերպով օգտագործվում են որպես նախուտեստ, ինչպես նաև պիցցա, խաչապուրի, տաք բուտերբրոդներ պատրաստելու համար։

Բաղադրություն

Բաղադրիչը	%
յուղի պարունակությունը չոր նյութերում	45-50 %
ջուր	46-50 %
աղ	1,0-2,0 %

Աղբյուրներ

• Արաքսյանց, Անդրեյ (2007). Հայկական պանրի գույները
• Ջոնս, Էվան (1984). Պանրի աշխարհում
• Գուդկով, Ա. Վ. (1999). Նախկին ԽՍՀՄ-ի պանիրները, Ֆոքս, Պատրիկ (1999). Պանիր. քիմիական և ֆիզիկական կազմը, մանրէաբանությունը. պանրի հիմնական խմբերը, երկրորդ հատոր ISBN 0-8342-1339-7, ISBN 978-0-8342-1339-5.