Սոնա Եսայան

Սոնա Եսայան;
	; հայ խորեոգրաֆ և պարուհի
Ծնվել է	1993 ապրիլի 8
Ամուսին	Գրիգ Գևորգյան

Վիքիպեդիայում կան հոդվածներ Եսայան ազգանունով այլ մարդկանց մասին։

Սոնա Եսայան (ապրիլի 8, 1993, Երևան, Հայաստան^[2]) հայ խորեոգրաֆ և պարուհի, «Sona Yesayan Dance Studio»-ի գեղարվեստական ղեկավար և տնօրեն^[3]։ Պարային ուսումնառությունը սկսել է 7 տարեկանից և այսօր համարվում է ունիվերսալ պարուհի, մասնագիտացված հիփ հոփ պարաոճում^[4]։

Կենսագրություն խմբագրել

2000-2010 թվականներին սովորել է Երևանի Դ. Դեմիրճյանի անվան թիվ 27 դպրոցում։ Պարային ուսումնառությունը սկսել է դեռ մանկուց և ավարտել է 2 պարային դպրոց։ 2010-2014 թվականներին սովորել է ԵՊՀ ռոմանո-գերմանական թարգմանչական բաժնում։ Տիրապետում է հայերեն, անգլերեն, ռուսերեն և իսպաներեն լեզուներին։ 2019 թվականին ամուսնացել է հայտնի հումորիստ, հաղորդավար և պրոդյուսեր Գրիգ Գևորգյանի հետ^[5]^[6]։

Ստեղծագործական գործունեություն խմբագրել

2012 թվականին մասնակցել է Շանթ հեռուստաընկերության «Պարիր թե կարող ես 3» նախագծին, և դարձել ֆինալիստ.

2013 թվականին հիմնադրել է «Sona Yesayan Dance Studio»-ն, որտեղ հանդիսանում է գեղարվեստական ղեկավար և տնօրեն^[7]։

2015 թվականից սկսած բուռն գործունեություն է ծավալել հայկական շոու-բիզնեսում և աշխատել է Հայաստանի թոփ արտիստների և ռեժիսորների հետ՝ որպես տեսահոլովակների, համերգների, շոուների խորեոգրաֆ և պարուհի։ «Sona Yesayan Dance Studio»-ի պարային թիմը ևս ընդգրկված է եղել այս բոլոր նախագծերում^[8]։

2016-2017 թվականներից սկսած համագործակցել է Լիլիթ Հովհաննիսյանի հետ։ Եղել է նրա հինգ տասնյակից ավելի մենահամերգների խորեոգրաֆն ու պարուհին և Հայաստանում, և Հայաստանից դուրս։ Ինչպես նաև իր պարախմբի հետ մասնակցել է 2016-2017-ի շրջագայություններին։

2017 թվականին Սոնա Եսայանը հրավեր է ստացել Կրասնոյարսկի պարային համույթի կողմից՝ անցկացնելու հատուկ պարային մաստեր կլաս։

2018-2019 թվականներին եղել է Շանթ հեռուստաընկերության «Women’s Club» նախագծի պարային շոուի ղեկավարն ու խորեոգրաֆը, «Sona Yesayan Dance Studio»-ի պարային թիմը ևս ընդգրկված է եղել այս նախագծում։ Սոնան անցկացրել է նաև մի շարք պարային մաստեր կլասսեր Հայաստանում։

2020 թվականի հունիսից աշխատում է Շանթ հեռուստաընկերության «Երեկոն Շանթում Գրիգի հետ» նախագծում, որպես պարային շոուի ղեկավար, խորեոգրաֆ և պարուհի։

Սոնան Եսայանը YouTube-ում ունի բազմաթիվ անհատական նախագծեր` «Պարիր Սոնայի հետ», «Սոնան տանը չի», «Carpool»: «Պարիր Սոնայի հետ» YouTube նախագծում` բաղկացած մոտ երկու տասնյակ հաղորդումներից, Սոնան մանրակրկտորեն սովորեցնում է տարբեր պարեր ու պարաոճեր։ Այս նախագծի հաղորդումների դիտումները հասնում են մի քանի հարյուր հազարի։ Մեկ այլ Youtube նախագիծ է «Carpool»- ը, որտեղ Սոնան իր մեքենայում հյուրընկալում է արտիստների` միասին երգելու և հետաքրքիր զրույց ունենալու նպատակով։ Այս նախագծի դիտումները հասնում են մի քանի միլիոնի։ «Սոնան տանը չի» travel vlog-ի շրջանակներում, Սոնան հանգստի կամ աշխատանքային նպատակով շրջում է աշխարհի տարբեր երկրներով և ներկայացնում իր առօրյան։ Այս նախագծի դիտումները ևս հասնում են մի քանի հարյուր հազարի։

Ընդհանուր առմամբ «Sona Yesayan Dance Studio» յութուբյան ալիքը ունի 100 հազարից ավել հետևորդ, պաշտոնապես հաստատվել է YouTube-ի կողմից և արժանացել է “Արծաթե կոճակի”:

Որոշ նախագծերում բացի պարելուց Սոնան նաև երգում է։

Խորեոգրաֆիկ կատարումներ խմբագրել

Սոնա Եսայանն իր խմբի հետ բեմադրել է հետևյալ երաժշտական տեսահոլովակների պարային դրվագները։

Sona Yesayan Dance Studio - «Դու դախ չես»
Արման Հովհաննիսյան - «Դու ես»
Dj Davo F.t Սուրո - «Մոտա-Մոտա»
DJ Hakop և Սուրո- «Լավն ես»
Իվետա Մուկուչյան - «Հայաստանի աղջիկներ»^[9]
Լիլիթ Հովհաննիսյան - «Բուլղարական»
Анна Марти - «Забываю»
Անդո, Ռաֆո, Սպիտակցի Հայկո - «Լեդի Քոբուլեթի»
Սարո Թովմասյան - «Են ում սիրուննա»
Ka Re Prod - «Папа Папа Папа»
Armeni - «Իմ կյանք»
EDGAR и BOSSON - «Она»
Միհրան Ծառուկյան - «Քո Ծնունդը»
Kamil Show - «Puerto Rico»
Լիլիթ Հովհաննիսյան - «BALKAN SONG»
Արմենչիկ Արման Հովհաննիսյան - «Հայ Աղջիկներ»
Լիանա - Շնորհավոր լինի
Արամ Mp3 Միկա - «Time to Dance»
Լիլիթ Հովհաննիսյան - «HETDIMO»
Լիլիթ Հովհաննիսյան և Արման Հովհաննիսյան - «Իմ բաժին սերը»
Սիլվա Հակոբյան - «Մրութիկ»

Ծանոթագրություններ խմբագրել

Արտաքին հղումներ խմբագրել

[1] Սոնա Եսայանի հարսանիք

[2] Սոնա Եսայան

[3] Սոնա Եսայանի հարցազրույցը

[4] Սոնա Եսայանի հարցազրույցը

[5] Հայկական շոու բիզնեսի և սպորտի 5 ամենագեղեցիկ զույգերը

[6] Սոնա Եսայանի հարցազրույցը Bravo.am-ին

[7] ՊՐԵՄԻԵՐԱ, Սոնա Եսայան՝ «Minimalistic»

[8] "Լավ երեկո" Սոնա Եսայան,Գրիգ Գևորգյան

[9] Իվետա Մուկուչյանի տեսահոլովակ

[2]

[3]

[4]

[1]

[5]

[6]

[7]

[8]

[9]

Սոնա Եսայան
հայ խորեոգրաֆ և պարուհի
Ծնվել է	1993 ապրիլի 8
Ամուսին	Գրիգ Գևորգյան^[1]