Սիլվա Յուզբաշյան
Սիլվա Համբարձումի Յուզբաշյան (հունիսի 10, 1954[1], Լենինական, Հայկական ԽՍՀ, ԽՍՀՄ), հայ ասմունքող։ Հայաստանի վաստակավոր արտիստ (2008)։
| Սիլվա Յուզբաշյան | |
|---|---|
 | |
| Ծնվել է | հունիսի 10, 1954[1] (70 տարեկան) |
| Ծննդավայր | Լենինական, Հայկական ԽՍՀ, ԽՍՀՄ |
| Կրթություն | Երևանի պետական գեղարվեստա-թատերական ինստիտուտ (1975) |
| Մասնագիտություն | դերասանուհի և ասմունքող |
| Աշխատատու | Ալեքսանդր Սպենդիարյանի անվան օպերայի և բալետի ազգային ակադեմիական թատրոն, Հայֆիլհարմոնիա և Հայաստանի հանրային ռադիո |
| Պարգևներ և մրցանակներ | |
Կենսագրություն
խմբագրելՍիլվա Յուզբաշյանը ծնվել է Գյումրիում։ 1975 թ. ավարտել է Երևանի գեղարվեստա-թատերական ինստիտուտը։ 1976 թվականից եղել է Երևանի Սունդուկյանի անվան թատրոնի դերասանուհի (Վասիլիսա, Գորկու «Հատակում», Թուխծամ, Վ. Դավթյանի «Ծիրանի ծառ» և այլն), միաժամանակ՝ Հայֆիլհարմոնիայի ասմունքող, 1984 թվականից՝ հեռուստառադիոպետկոմի ռեժիսոր։ Երկացանկում՝ Գրիգոր Նարեկացու, Ավետիք Իսահակյանի, Հովհաննես Շիրազի, Վահագն Դավթյանի, Համո Սահյանի և այլոց երկերից[2]։ 1976-1980 թթ. Վարդան Աճեմյանի հրավերով աշխատել է Գաբրիել Սունդուկյանի անվան պետական ակադեմիական թատրոնում։ 1980 թ. մինչ այսօր Հայաստանի պետական ֆիլհարմոնիայի մենակատար է։ 1984-2005 թթ. աշխատել է հանրային ռադիոյի գրական խմբագրությունում ռեժիսոր-ասմունքող։ Մենահամերգներով բազմիցս հանդես է եկել հայրենիքում և արտերկրում Մոնրեալ, Տորոնտո, Բոստոն, Նյու-Յորք, Վաշինգտոն, Չիկագո, Դեթրոյթ, Տեխաս, Բեյրութ, Հալեպ, Թեհրան, Իսպահան, Աբու-Դաբի, Արգենտինա, Բրազիլիա, Չեխիա և այլն։ 1988 թ. և 1992 թ. ամերիկահայ համայնքի հրավերով Համո Սահյանի և Վահագն Դավթյանի հետ շրջագայել է ԱՄՆ տարբեր քաղաքներում՝ ներկայացնելով բանաստեղծների ստեղծագործությունները։ Սիլվա Կապուտիկյանի հետ եղել է իրանահայության հյուրը։ 2004 թ. Լոս Անջելեսի «Ալեքս» թատրոնում կայացած մենահամերգից հետո պարգևատրվել է Գլենդեյլի քաղաքապետի հատուկ շնորհակալագրով։ Այժմ Հայֆիլհարմոնիայի մենակատար-ասմունքող է, Հանրային ռադիոյում ունի իր հեղինակային գրական ծրագիրը։
2015 թվականից «Պոեզիա» ռադիոհաղորդումը հեռարձակվում է Հայաստանի միակ մշակութային հեռուստաալիքի եթերում։
Պարգևներ
խմբագրել- ՀԼԿԵՄ պետական մրցանակի դափնեկիր, 1986
- Հարավային Կալիֆոռնիայի «Motion Picture» ընկերության սահմանած «Golden Halo Award» ամենամյա մրցանակ, 1991, 1999
- ՀՀ Վարչապետի շնորհակալագիր, 2006
- ՀՀ մշակույթի նախարարության ոսկե մեդալ, 2007
- ՀՀ սփյուռքի նախարարության «Վիլյամ Սարոյան» մեդալ, 2011
- ՀՀ վաստակավոր արտիստ, 2008
- ՀՀ Ազգային ժողովի ոսկե մեդալ, 2012
- «Համո Սահյան» մեդալ, 2014
- Գրիգոր Նարեկացի հուշամեդալ, 2016 ․ Երևանի քաղաքապետի ոսկե մեդալ
Ծանոթագրություններ
խմբագրել- ↑ 1,0 1,1 http://armradioarchive.am/ar/OPeHmi6
- ↑ «Ով ով է։ Հայեր» հանրագիտարան, հատոր երկրորդ, Հայկական հանրագիտարան հրատ., Երևան, 2007, էջ 191
Արտաքին հղումներ
խմբագրել- Սիլվա Յուզբաշյան(չաշխատող հղում)
- Ֆեյսբուքյան էջը