Սթիվեն Դիլեյն
Սթիվեն Ջոն Դիլեյն (անգլ.՝ Stephen John Dillane; մարտի 27, 1957[1], Քենսինգթոն, Լոնդոն), թատրոնի, կինոյի և հեռուստատեսության անգլիացի դերասան։ «Թոնի» և BAFTA մրցանակների դափնեկիր։ Լոուրենս Օլիվիեի մրցանակի և Էմմիի նոմինանտ։ Առավել հայտնի է դարձել Ստանիս Բարատեոնի դերով, որը նա մարմնավորել է Գահերի խաղը հեռուստասերիալում։
 | |
|---|---|
 | |
| Ծնվել է | մարտի 27, 1957[1] (67 տարեկան) |
| Ծննդավայր | Քենսինգթոն, Լոնդոն |
| Կրթություն | Էքստերի համալսարան և Բրիստոլ Օլդ Վիկ թատերական դպրոց |
| Քաղաքացիություն | .svg){kind=small} Միացյալ Թագավորություն[2] |
| Մասնագիտություն | թատրոնի դերասան, կինոդերասան և հեռուստատեսային դերասան |
| Ժանրեր | Շեքսպիրի կատակերգություն |
| Երեխա(ներ) | Ֆրենկ Դիլեյն |
| Պարգևներ և մրցանակներ | |
Վաղ կյանք խմբագրել
Սթիվեն Դիլեյնը ծնվել է 1957 թվականի մարտի 27-ին Քենսինգթոնում, Լոնդոն՝ ավստրալիացի վիրաբույժ Ջոն Դիլեյնի և անգլիացի Բրիջիթի ընտանիքում[4][5]։ Ունի քույր և կրտսեր եղբայր՝ Ռիչարդ Դիլեյնը, ով նույնպես դերասան է։
Էքսեթերի համալսարանում սովորել է պատմություն և քաղաքագիտություն, հատկապես ռուսական հեղափոխության ժամանակաշրջանը[6]։ Ուսումն ավարտելուց հետո, երեք տարի աշխատել է որպես թղթակից։ Այնուհետև փոշմանել է և դարձել դերասան՝ 25 տարեկանում ընդունվելով Բրիսթոլի թատերական դպրոցը[7][8]։
Կարիերա խմբագրել
Կինոյում իր առաջնախաղն է ունեցել 1985 թվականին՝ նկարահանվելով հայտնի «Ռեմինգթոնյան ոճ» հեռուստասերիալում։ Դրանից հետո մի քանի տարի աշխատել է թատրոնում։ 5 տարի անց Դիլեյնը խաղացել է Հորացիոյի դերը «Համլետ» հեռուստաֆիլմում։ 1994 թվականին Սթիվենը խաղացել է նաև միևնույն հեռուստաֆիլմի թատերական տարբերակում։ Նրա ամենահայտնի դերերից է Լեոնարդ Վուլֆի դերը «Ժամացույցներ» ֆիլմում։ Նկարահանվել է նաև «Տրիումֆ», «Գոլ» և «Գոլ 2» ֆիլմերում։
Թատրոնում նրա ամենահայտնի դերերից Արչերի դերը «Հիասքանչ խորամանկություն», Ուոլթերի դերը «Հրեշտակները Ամերիկայում», Քլովի դերը «Էնդշփիլ», Հենրիի դերը «Արտացոլում» ներկայացումներում։ Խաղացել է նաև «Մակբեթ», «Չորս կվարտետ», «Փոթորիկ» և «Ինչպես Ձեզ դուր է գալիս» թատերական ներկայացումներում։
Նկարահանվել է նաև մի քանի հեռուստասերիալներում։ Այսպես, նկարահանվել է «Ջոն Ադամս» հեռուստասերիալում, մարմնավորել է Ստանիս Բարատեոնի դերը «Գահերի խաղը հեռուստասերիալում», ինչպես նաև դետեկտիվ Կարլ Ռոբակի դերը «Թունել» հեռուստասերիալում։
Ծանոթագրություններ խմբագրել
- ↑ 1,0 1,1 Theatre World — NYC. — ISSN 0082-3856; 1088-4564
- ↑ Ֆրանսիայի ազգային գրադարան — 1537.
- ↑ http://www.theatreworldawards.org/past-recipients.html
- ↑ Биография Стивена Диллэйна на сайте filmreference.com
- ↑ Wolf, Matt (16 апреля 2000). «Getting Out of the Way of 'The Real Thing'». The New York Times. Արխիվացված օրիգինալից 2009 թ․ օգոստոսի 8-ին. Վերցված է 07-07-2015-ին.
- ↑ Rorke, Robert (13 апреля 2008). «'Adams' alter-ego». New York Post. Արխիվացված օրիգինալից 2016 թ․ մարտի 15-ին. Վերցված է 19-07-2015-ին.
- ↑ de Lisle, Tim (16 ноября 1997). «The unwilling war hero». The Independent. Արխիվացված օրիգինալից 2016 թ․ մարտի 11-ին. Վերցված է 07-07-2015-ին.
- ↑ «The unknown heart-throb». The Guardian. 13 января 2000. Արխիվացված օրիգինալից 2016 թ․ մարտի 15-ին. Վերցված է 19-07-2015-ին.
 | Վիքիպահեստն ունի նյութեր, որոնք վերաբերում են «Սթիվեն Դիլեյն» հոդվածին։ |