Սերգեյ Ներսիսյան

Վիքիպեդիայում կան հոդվածներ Ներսիսյան ազգանունով այլ մարդկանց մասին։

Սերգեյ Ռուբենի Ներսիսյան (հունվարի 10, 1924, Ստեփանավան - նոյեմբերի 22, 1992, Երևան), հայ ճարտարապետ, ՀԽՍՀ վաստակավոր ճարտարապետ (1971)։ Հայաստանի ճարտարապետների միության անդամ (1955)։

Սերգեյ Ներսիսյան
Ի ծնե	Սերգեյ Ռուբենի Ներսիսյան
Ծնվել է	1924 հունվարի 10
Ծննդավայր	Ստեփանավան
Մահացել է	նոյեմբերի 22, 1992(1992-11-22) (տարիքը 68)
Վախճանի վայր	Երևան
Ազգություն	հայ
Ճյուղ(եր)	ճարտարապետություն
Գործունեություն	ճարտարապետ
Կրթություն	ՀԱՊՀ (1951)
Աշխատավայր	Երևաննախագիծ
Ուշագրավ աշխատանքներ	Երևանի ճոպանուղի, Սասունցի Դավիթ և Գրքի պալատի շենք
Պարգևներ
Անդամություն	Հայաստանի ճարտարապետների միություն

Կենսագրություն

1951 թվականին ավարտել է Երևանի պոլիտեխնիկական ինստիտուտը և նույն թվականից աշխատանքի է անցել Հայարդնախագիծ, 1961-1992 թվականներին՝ Երևաննախագիծ ինստիտուտներում։

Ստեղծագործություններ

Ներսիսյանի և համահեղինակների նախագծերով Երևանում կառուցվել են՝

• Գրապալատի համալիրը (1960)
• Ճոպանուղին (1967)
• Մետրոպոլիտենի «Սասունցի Դավիթ» կայարանը (1980)
• Տաշքենդում կառուցապատվել է թաղամաս (1989)
• Չափագրել է հայկական ճարտարապետական հուշարձաններ
• Երևանի №1 միկրոշրջանի Մայակովսկի փողոցի բնակելի շենքեր
• Երևանի Թամանցիների և Կալինինի փողոցների բնակելի շենքեր
• Ֆինանասների նախարարության բնակելի շենք Լենինի պողոտայում
• Երևանի Ջերմաէլեկտրակենտրոնի բնակելի շենք Տերյան փողոցում
• «Սովետական Հայաստան» թերթի բնակելի շենք Նալբանդյան փողոցում
• Հայգազշինի լաբորատոր-արտադրական կորպուս Երևանում
• Կոնյակի գործարանի կուպաժավnրման կորպուս Երևանում
• Երևանի մանկական ֆուտբոլային դպրոց
• Երևանի թիվ 1 ինտերնատ-դպրոց
• Լենինականի երկաթուղայինների բնակելի շենք

Պարգևներ, մրցանակներ

• ՀԽՍՀ վաստակավոր ճարտարապետ, 1971
• «Տարվա լավագույն կառույց» համամիութենական ստուգատեսի դափնեկիր, 1989
• ԽԱՀՄ գեղարվեստի ակադեմիայի ոսկե մեդալ
• Հայրենական պատերազմի I աստիճանի շքանշան

Պատկերասրահ

• 
  Մետրոպոլիտենի «Սասունցի Դավիթ» կայարանը
• 
  Գրքի պալատի շենքի Տերյան փողոցի հատվածը
• 
  Երևանի ճոպանուղի

Արտաքին հղումներ

• Սերգեյ Ներսիսյան(չաշխատող հղում)