Սեռա դա Կանաստրա ազգային պարկ
Սեռա դա Կանաստրա ազգային պարկ (պորտ.՝ Parque Nacional da Serra da Canastra), ազգային պարկ Մինաս Ժերայս նահանգի Կանաստրա կոչվող լեռներում, Բրազիլիա։
 Parque Nacional da Serra da Canastra | |
|---|---|
 | |
| Տեսակ | ազգային պարկ |
| Կազմված է | Սեռադո |
| Երկիր |  Բրազիլիա |
| Վարչատարածք | Մինաս Ժերաիս |
| Հիմնվել է | ապրիլի 3, 1972 |
| Մակերես | 1979 կմ² և 197 973 հեկտար |
| ԲԾՄ | 1106 մետր |
| Կառավարում | Բրազիլիայի դաշնային կառավարություն |
  | |
Տեղագրություն խմբագրել
Սեռա դա Կանաստրա ազգային պարկը գտնվում է Մինաս ժերայսի հարավ-արևմուքում՝ Ռիո Գրանդի գետի հյուսիսում[1]։ Այն մտնում է Սեռադո բիոմի մեջ։ Պարկը ստեղծվել է 1972 թվականի ապրիլի 3-ին 70.355 հրամանագրով։ Ընդգրկում է 197810 հա տարածք և կառավարվում է Չիկո Մենդեսի Կենսաբազմազանության պահպանության ինստիտուտի կողմից[2]։ Ազգային պարկը սփռված է Սան Ռոկի դի Մինաս, Սակրամենտու, Կապիտոլիու, Վարժեն Բոնիտա, Սան Ժուան Բատիստա դու Գլորիա ու Դելֆինոպոլիս մունիցիպալիտետներում՝ Մինաս Ժերայս նահանգում[3]։ 2016 թվականի դրությամբ, Կանաստրայի սարահարթում միայն պարկի 70000 հա տարածքն էր կանոնակարգված նախկին սեփականատերերի փոխհատուցմամբ[1]։
Պարկն ընկած է Սան Ֆրանցիսկու և Պարանա գետերի ջրկիցում։ Այն պաշտպանում է Սան Ֆրանցիսկու գետի ակունքը, որը հոսում է պարկից դեպի արևելք։ Հարավում այն սնուցում է Ռիո Գրանդին, իսկ հարավում՝ Արագուարի գետը, որը հանդիսանում է Պարանաիբա գետի վտակը։ Ռիո Գրանդի և Պարանաիբա գետերը հոսելով դեպի արևմուտք՝ առաջացնում են Պարանան[1]։
Պարկը գտնվում է 750-1490 մետր բարձրության վրա[3]։ Ճանապարհը հատում է պարկի ամենաբարձր հատվածը՝ արևելքից արևմուտք, ավելի քան 60 կիլոմետր։ Ազգային պարկը ներառում է մի շարք գեղատեսիլ վայրեր, ինչպիսիք են քարափները՝ կտրուկ ջրվեժներով, ներառյալ Կասկա Դ'անտան, որն առաջին ջրվեժն է Սան Ֆրանցիսկու գետի վրա՝ 186 մետր անկումով։ Մյուս տեսարժան վայրերն են Գարագեմ դե Պեդրասը և Կուրրալ դե Պեդրասը։ Դիտակետերին կարելի է հասնել՝ անցնելով հողային ճանապարհով լավ եղանակին։ Ամենաբարձր գագաթներն ունեն գրեթե 1500 մետր բարձրություն[1]։
Շրջակա միջավայր խմբագրել
Ջերմաստիճանը տատանվում է 1-ից մինչև 29 °C, իսկ միջինը՝ 18 °C է։ Տարեկան տեղումների միջին քանակը 1250 մմ է[3]։ Բուսականության մեծ մասը ժայռոտ դաշտերն են և Սեռադո՝ գետեզերյա անտառի հովիտներով և կիրճերով։ Պարկում կան բուսական աշխարհի 45 էնդեմիկ տեսակներ։ Դրանց թվում են Hololepis, հալևորուկը, սղոցին, երջնակը և այլն[3]։
Կենդանական աշխարհն ընդգկում է թփուտների շուն, պամպաների եղնիկ, բաշավոր գայլ, հսկայական զրահակիր, մեծ ջրասամույր, պումա, գուան և այլն։
Պահպանություն խմբագրել
Պարկը դասվում է Բնության պահպանության միջազգային միության II կատեգորիային (ազգային պարկ)։ Նպատակն է՝ պահպանել բնական էկոհամակարգերը և նպաստել գիտական հետազոտությունների զարգացմանը, բնապահպանական կրթական գործունեության բարելավմանը, ինչպես նաև ապահովել բացօթյա հանգիստ ու էկոտուրիզմ[3]։
Պարկում պահպանվող թռչուններից են Alectrurus tricolor, Amazona vinacea, Coryphaspiza melanotis, ինչպես նաև օնցիլլան (Leopardus tigrinus), օցելոտը (Leopardus pardalis), Leopardus pajeros[2]։
Պատկերասրահ խմբագրել
-
-
Սան Ֆրանցիսկու ջրվեժ -
-
Ծանոթագրություններ խմբագրել
- ↑ 1,0 1,1 1,2 1,3 «Parque Nacional da Serra da Canastra – ICMBio». Արխիվացված է օրիգինալից 2019 թ․ մարտի 30-ին. Վերցված է 2019 թ․ մարտի 31-ին.
- ↑ 2,0 2,1 «Parque Nacional da Serra da Canastra – Chico Mendes». Արխիվացված է օրիգինալից 2017 թ․ փետրվարի 10-ին. Վերցված է 2019 թ․ մարտի 31-ին.
- ↑ 3,0 3,1 3,2 3,3 3,4 Unidade de Conservação ... MMA
Աղբյուրներ խմբագրել
- Parque Nacional da Serra da Canastra (Portuguese), Chico Mendes Institute for Biodiversity Conservation, Արխիվացված է օրիգինալից 2016 թ․ մարտի 3-ին, Վերցված է 2016 թ․ մայիսի 3-ին
{{citation}}: CS1 սպաս․ չճանաչված լեզու (link) - Parque Nacional da Serra da Canastra (Portuguese), ICMBio, Արխիվացված է օրիգինալից 2019 թ․ մարտի 30-ին, Վերցված է 2016 թ․ մայիսի 3-ին
{{citation}}: CS1 սպաս․ չճանաչված լեզու (link) - Unidade de Conservação: Parque Nacional da Serra da Canastra (Portuguese), MMA: Ministério do Meio Ambiente, Վերցված է 2016 թ․ մայիսի 3-ին
{{citation}}: CS1 սպաս․ չճանաչված լեզու (link)
 | Վիքիպահեստն ունի նյութեր, որոնք վերաբերում են «Սեռա դա Կանաստրա ազգային պարկ» հոդվածին։ |