Սեդա Վարդիկյան
Սեդա Ավագի Վարդիկյան (1920, Դիլիջան - 2001, Երևան, Հայաստան), հայ կենդանաբան։ Կենսաբանական գիտությունների դոկտոր (1996)։
Սեդա Ավագի Վարդիկյան | |
---|---|
Ծնվել է | 1920 |
Ծննդավայր | Դիլիջան |
Մահացել է | 2001 |
Մահվան վայր | Երևան |
Քաղաքացիություն | Հայաստան |
Ազգություն | հայ |
Կրթություն | Երևանի պետական համալսարան |
Գիտական աստիճան | կենսաբանական գիտությունների դոկտոր |
Մասնագիտություն | կենդանաբան |
Կենսագրություն խմբագրել
1942 թվականին ավարտել է Երևանի պետական համալսարանը։ 1945 թվականից աշխատել է ՀԽՍՀ ԳԱ կենդանաբանության ինստիտուտում, 1961-1966 թվականներին, միաժամանակ՝ գիտքարտուղար, 1978-1990 թվականներին՝ փոխտնօրեն։
Աշխատանքները վերաբերում են Հայաստանի երկրաչափ թիթեռների ֆաունային։ Հայտնաբերել է 321 տեսակի երկրաչափ թիթեռներ՝ 12-ը՝ նոր և 73-ը՝ գյուղատնտեսական մշակաբույսերի վնասատու[1]։
Հեղինակ է «Հայաստանի ցերեկային թիթեռները» (1959), «Հայաստանի վնասակար երկրաչափ թիթեռները» (1969) և «Հայկական ԽՍՀ վնասակար երկրաչափ թիթեռների որոշիչ» (1980) գրքերի[2]։
Երկեր խմբագրել
- Հայաստանի ցերեկային թիթեռները։ Վարդիկյան Սեդա Ավագի, Հարությունյան Ի., Երևան, Հայպետուսմանկհրատ, 1959։
- Վնասատու երկրաչափ թիթեռները։ Վարդիկյան Սեդա Ավագի, Երևան, Հայաստան, 1969։
- Հայկական ԽՍՀ վնասակար երկրաչափ թիթեռների որոշիչ։ Վարդիկյան Սեդա Ավագի, Առաքելան Ա. Հ, Տերտերյան Հ. Ե, Հարությունյան Գ. Ա., Կենդանաբանության ինստիտուտ, ՀԽՍՀ ԳԱ, Երևան, ՀԽՍՀ ԳԱ հրատարակչություն, 1980։
Ծանոթագրություններ խմբագրել
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.
- ↑ ՀՀ Գիտությունների ազգային ակադեմիայի հիմնարար գիտական գրադարան