Սարգիս Մուսայելյան
Սարգիս Գրիգորի Մուսայելյան (նոյեմբերի 14 (26) 1882, գյուղ Գետաշեն (Ադրբեջանի ԽՍՀ Խանլարի շրջանում) - օգոստոսի 14, 1920, Երևան), հայ բոլշևիկ, Հայաստանի առաջին Հանրապետությունում 1920 թվականի այսպես կոչված՝ Մայիսյան ապստամբության ղեկավարներից։
| Սարգիս Մուսայելյան | |
|---|---|
| Ծնվել է | նոյեմբերի 14, 1882 |
| Ծննդավայր | Չայքենդ, Դաշկեսանի շրջան, Ադրբեջանական ԽՍՀ |
| Մահացել է | օգոստոսի 14, 1920 (37 տարեկան) |
| Մահվան վայր | Ալեքսանդրապոլ, Հայաստանի Առաջին Հանրապետություն |
| Գերեզման | Երևան |
| Քաղաքացիություն |  Ռուսական կայսրություն և .svg){kind=small} Հայկական ԽՍՀ |
| Մասնագիտություն | հեղափոխական |
Ավարտել է Գորիի ուսուցչական սեմինարիան։ 1901-1915 թվականներին ուսուցչություն է արել նախ Նուխիի գավառի Սաբաթլու գյուղում, ապա՝ Գորիսում։ 1915 թվականին զորակոչվել է Առաջին համաշխարհային պատերազմի Արևմտյան ռազմաճակատ։ 1917 թվականի Փետրվարյան հեղափոխությունից հետո ընտրվել է գնդի հեղկոմի նախագահ։ Այնուհետև գործել է Գանձակում և Բաքվում։ 1918 թվականի վերջին, որպես կարմիր բանակի զորամասերից մեկի հրամանատար և զրահագնացքի պետ, Բաքվում մասնակցել է մուսավաթականների դեմ մղվող քաղաքացիական պատերազմին։ 1919 թվականի փետրվարից տեղափոխվել է Ալեքսանդրապոլ։ Նշանակվել է «Վարդան զորավար» զրահագնացքի պետ և, կապվելով տեղի բոլշևիկների հետ, քարոզչական աշխատանք է տարել զինվորների և երկաթուղային բանվորների շրջանում։ Ղեկավար մասնակցություն է ունեցել Ալեքսանդրապոլի 1920 թվականի մայիսմեկյան հակադաշնակցական ցույցերին։ 1920 թվականի մայիսի 7-ին ընտրվել է Հայաստանի ռազմահեղափոխական կոմիտեի կազմում։ Որպես կարմիր զորքերի հրամանատար և «Վարդան զորավար» զրահագնացքի պետ, մասնակցել է մայիսյան ապստամբությանը։ Մայիսյան ապստամբության պարտությունից հետո գնդակահարվել է Անկախ Հայաստանի կառավարության կողմից։
Գրականություն Խմբագրել
- Արզումանյան Մ. Վ. Սարգիս Մուսայելյան, Երևան, 1955։
,_ArmAg.JPG)
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 87)։ 
|