Սառա Լեբեդևա
Սառա Դմիտրևնա Լեբեդևա (ռուս.՝ Сарра Дмитриевна Лебедева, դեկտեմբերի 11 (23), 1892[1], Սանկտ Պետերբուրգ, Ռուսական կայսրություն[1] - մարտի 7, 1967[2][3][1], Մոսկվա, ԽՍՀՄ[1]), խորհրդային քանդակագործ, ՌՍՖՍՀ արվեստի վաստակավոր գործիչ (1945), ԽՍՀՄ Գեղարվեստի ակադեմիայի թղթակից անդամ (1958)։
| Սառա Լեբեդևա Сарра Лебедева | |
|---|---|
| Ծնվել է | դեկտեմբերի 11 (23), 1892[1] |
| Ծննդավայր |  Սանկտ Պետերբուրգ, Ռուսական կայսրություն |
| Մահացել է | մարտի 7, 1967[2][3][1] (74 տարեկան) |
| Մահվան վայր |  Մոսկվա, ՌԽՍՖՀ, ԽՍՀՄ |
| Գերեզման | Նովոդեվիչյան գերեզմանոց |
| Քաղաքացիություն | Ռուսական կայսրություն և ԽՍՀՄ |
| Մասնագիտություն | քանդակագործ և վիզուալ արտիստ |
| Ամուսին | Վլադիմիր Լեբեդև |
| Պարգևներ և մրցանակներ |  |
1910–1915 թվականներին սովորել է Միխայիլ Բերնշտեյնի, Լեոնիդ Շերվուդի և Վասիլի Կուզնեցովի արվեստանոցներում։ Մասնակցել է մոնումենտալ պրոպագանդայի ծրագրի իրականացմանը։ 1925 թվականից ապրել է Մոսկվայում։ Ստեղծել է դիմաքանդակներ («Ֆ. Է. Ձերժինսկի», բրոնզ, 1925, Ժամանակակից պատմության պետական կենտրոնական թանգարան, «Ս. Մ. Միխոելս», 1939, բրոնզ, 1961, «Ա. Տ. Տվարդովսկի», 1943, բրոնզ, 1961, «Լ. Ա. Բաժբեուկ–Մելիքյան», գիպս, 1946, «Բ. Լ. Պաստեռնակ», կրաքար, 1961–63, բոլորը՝ Տրետյակովյան պատկերասրահում) ու մերկ մարմինների քանդակներ, հախճապակյա և ճենապակյա դեկորատիվ–կիրառական իրեր, արձանիկներ։ Լեբեդևայի «Վ. Պ. Չկալով» (բրոնզ, 1939), «Կ. Գ. Պաուստովսկի» (գիպս, 1956), գործերը գտնվում են Հայաստանի պետական պատկերասրահում։
Ծանոթագրություններ խմբագրել
- ↑ 1,0 1,1 1,2 1,3 1,4 1,5 1,6 1,7 1,8 Большая российская энциклопедия (ռուս.) — М.: Большая российская энциклопедия, 2004.
- ↑ 2,0 2,1 2,2 Sokolov M. N. Lebedeva, Sarra // Grove Art Online / J. Turner — [Oxford, England], Houndmills, Basingstoke, England, New York: OUP, 2017. — ISBN 978-1-884446-05-4 — doi:10.1093/GAO/9781884446054.ARTICLE.T049825
- ↑ 3,0 3,1 3,2 Կերպարվեստի արխիվ — 2003.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 511)։ 
|