Սամվել Շահմուրադյան
Սամվել Սարգսի Շահմուրադյան (փետրվարի 25, 1955, Երևան, Հայկական ԽՍՀ, ԽՍՀՄ - սեպտեմբերի 11, 1992, Վաղուհաս, Մարտակերտի շրջան, Արցախ, թաղված է Երևանում), հայ գրող, լրագրող, հասարակական-քաղաքական գործիչ, Արցախյան պատերազմի մասնակից, ՀՀ Գերագույն խորհրդի պատգամավոր (1990-1992):
| Սամվել Սարգսի Շահմուրադյան | |
|---|---|
| Ծնվել է | փետրվարի 25, 1955 |
| Ծննդավայր | Երևան, Հայկական ԽՍՀ, ԽՍՀՄ |
| Մահացել է | սեպտեմբերի 11, 1992 (37 տարեկան) |
| Մահվան վայր | Վաղուհաս, Մարտակերտի շրջան, Արցախ |
| Գերեզման | Երևան |
| Քաղաքացիություն |  ԽՍՀՄ, Հայաստան |
| Կրթություն | Երևանի պետական համալսարան (1980) |
| Մասնագիտություն | գրող և լրագրող |
| Աշխատատու | Լիտերատուրնայա Արմենիա |
| Պարգևներ և մրցանակներ |  և  |
 Արտաքին տեսաֆայլեր
| |
|---|---|
|
|
Ճանաչենք մեր հերոսներին. Սամվել Շահմուրադյան |
Կենսագրություն
խմբագրելՍամվել Շահմուրադյանը ծնվել է 1955 թ. փետրվարի 25-ին Երևանում։ 1980 թ. ավարտել է Երևանի պետական համալսարանը։ 1972-1974 թթ.-ին ծառայել է ԽՍՀՄ ԶՈՒ-ում։ 1980-1990 թթ.-ին՝ «Լիտերատուրնայա Արմենիա» ամսագրի գրական աշխատող։ 1990-1992 թթ.-ին՝ ՀՀ ԳԽ լրատվության հանձնաժողովի քարտուղար, «Արցախի կանչ» պատգամավորական խմբի համանախագահ[1]։ 1990-1992 թթ.-ին եղել է Հայաստանի Գերագույն խորհրդի պատգամավոր։
Արցախյան պատերազմ
խմբագրելՍամվել Շահմուրադյանը Արցախյան շարժման և պատերազմի տարիներին (1988-1992) մամուլում հրապարակել է շարժումը լուսաբանող հրապարակախոսական հոդվածներ և ակնարկներ, ՀՀ ԳԽ նստաշրջաններում պաշտպանել արցախահայության արդարացի պահանջը, դատապարտել Սումգայիթի ցեղասպանությունը, իշխանությունների բռնությունները Ադրբեջանի հայաբնակ շրջաններում։ Բազմիցս եղել է մարտական գործողությունների թեժ կետերում։ «Արծիվ-մահապարտների» կազմում մասնակցել է Մարտակերտի շրջանի բնակավայրերի ազատագրական մարտերին, որտեղ և զոհվել է[2]։
Պարգևներ և շքանշաններ
խմբագրել- Մխիթար Գոշ շքանշան, ԱՀ նախագահ 2003 թ.
- Վազգեն Սարգսյան շքանշան, Արծիվ Մահապարտների Միություն 2007 թ.
- Հայաստանի Երկրապահ Հուշամեդալ, ԵԿՄ 2007 թ.
- ՀՀ Ժուռնալիստների Միության մրցանակ «Ոսկե Գրիչ»
- Մարտական Խաչ 1-ին Աստիճանի Շքանշան, ՀՀ Նախագահ 1996 թ.
- Արիության մեդալ, ԱՀ նախագահ 2014 թ.
Ստեղծագործություններ
խմբագրել2005 թ. մարտի 1-ին Հայաստանի գրողների տանը տեղի ունեցավ գրող, լրագրող, հրապարակագիր, Արցախյան պատերազմի հերոս նահատակ Սամվել Շահմուրադյանի «Մեր քաղցր հողը» հոդվածների և էսսեների ժողովածուի շնորհանդեսը։ Սամվել Շահմուրադյանը հեղինակել է «Սումգայիթյան ողբերգություն ականատեսների վկայությամբ» գիրքը, որը լույս է տեսել ռուսերեն, անգլերեն, ֆրանսերեն և իտալերեն լեզուներով։
Գրականություն
խմբագրել- Մահապարտները (կազնող և խմբագրող՝ Գ. Ջանիկյան), Երևան, 2002։
Ծանոթագրություններ
խմբագրել- ↑ «ՀԱՅԿԱԿԱՆ ՀԱՆՐԱԳԻՏԱՐԱՆ» հրատարակչություն
- ↑ «Սամվել Շահմուրադյան». Արխիվացված է օրիգինալից 2015 թ․ մայիսի 11-ին. Վերցված է 2015 թ․ հոկտեմբերի 22-ին.