Սամվել Հարությունյան (ազատամարտիկ)
- Անվան այլ կիրառումների համար տե՛ս՝ Սամվել Հարությունյան (այլ կիրառումներ)
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
Սամվել Սերյոժայի Հարությունյան (ՉԱՎՈՒՇ, ապրիլի 1, 1966, Երևան, Արցախյան ազատամարտի մասնակից, Արաբո ջոկատի ազատամարտիկ, ՀՀ բանակի կապիտան (1999 թ.)։
Սամվել Հարությունյան | |
---|---|
Ծնվել է | ապրիլի 1, 1966 (57 տարեկան) |
Ծննդավայր | Երևան, Հայկական ԽՍՀ, ԽՍՀՄ |
Քաղաքացիություն | ԽՍՀՄ և Հայաստան |
Մասնագիտություն | ազատամարտիկ |
Պարգևներ և մրցանակներ |
Գործունեությունը խմբագրել
1983 թվականին ավարտել է Երևանի թիվ 81 միջնակարգ դպրոցը, 1984 թվականին՝ ԴՕՍԱԱՖ-ի ավտոդպրոցը։ 1984-1986 թվականներին ծառայել է խորհրդային բանակում, եղել է տանկիստ։ 1986-1994 թվականներին եղել է Երևանի Հայէլեկտրագործարան միավորման թիվ 31 տեղամասի փականագործ-գործիքագործ։ 1994 թվականին ծառայության է անցել ՀՀ ներքին գործերի նախարարության համակարգում։ 1994 թվականին եղել է Սևանի ռեգիոնալ վարչության հատուկ ջոկատի հրամանատար, 1994-1996 թվականներին՝ Երևան քաղաքի Խորհրդային շրջանի ներքին գործերի բաժնի պարեկա-պահակային ծառայության վաշտի հրամանատար, 1996-1997 թվականներին` Երևանի քաղաքային վարչության հատուկ գումարտակի հրամանատար։ 1997 թվականին փոխադրվել է ՀՀ պաշտպանության նախարարության համակարգ։ 1997-2001 թվականներին եղել է ռազմական ոստիկանության հատուկ գումարտակի հրամանատարի տեղակալ, 2001-2002 թվականներին` նույն գումարտակի հրամանատար, 2002 թվականին՝ ռազմական վարչության պետի սպառազինության գծով տեղակալ։ /2002 թվականին արձակվել է պահեստազոր/։ 2006-2007 թվականներին եղել է «Հայէլեկտրացանցեր» միավորման «Արևմուտք» մասնաճյուղի Շենգավիթի 26-րդ տեղամասի պետ։ 1990-1994 թվականներին մասնակցել է Արցախյան ազատամարտին։ Եղել է «Արաբո» ռազմականացված ջոկատի հատուկ խմբավորման հրամանատար։ Մասնակցել է ԼՂՀ Շահումյանի շրջանի Բուզլուխ-Մանաշիդ գյուղերի (1990 թվականի հոկտեմբեր), Զոդի (1991 թվականի հունվար), Մարտակերտի շրջանի Լևոնարխ-Հակոբ Կամարի գյուղերի (1992 թվականի ապրիլ-մայիս), Կապանի Դավիթ Բեկ գյուղի (1993 թվականի մարտ-հունիս), Քարվաճառի (1994 թվականի հունվար-մարտ) պաշտպանական և հարձակողական մարտերին։ «Արծիվ-Մահապարտ» գումարտակի կազմում մասնակցել է Մարտակերտի շրջանի Հարությունագոմեր-Վաղուհաս գյուղերի պաշտպանական մարտերին (1992 թվականի հունվար-փետրվար)։
Պարգևատրվել է խմբագրել
- ՀՀ «Մարտական ծառայության» մեդալ (1998)[1]
- ՀՀ ՊՆ «Անդրանիկ Օզանյան» մեդալ (2005)
- «Արծիվ-Մահապարտ» շքանշան (2007)
Ծանոթագրություններ խմբագրել
- ↑ «DocumentView». www.arlis.am. Վերցված է 2019 թ․ հուլիսի 6-ին.