Սամվել Գալստյան
- Վիքիպեդիայում կան հոդվածներ Գալստյան ազգանունով այլ մարդկանց մասին։
Սամվել Սուրենի Գալստյան (հուլիսի 13, 1949, Քաղցրաշեն, Արտաշատի շրջան, Հայկական ԽՍՀ, ԽՍՀՄ), ՀՀ պետական գործիչ, ՀՀ գյուղատնտեսության նախարարի տեղակալ (2003-2016)։
Սամվել Գալստյան | |
---|---|
Ծնվել է | հուլիսի 13, 1949 (74 տարեկան) |
Ծննդավայր | Քաղցրաշեն, Արտաշատի շրջան, Հայկական ԽՍՀ, ԽՍՀՄ |
Քաղաքացիություն | Հայաստան |
Կրթություն | Հայաստանի ազգային ագրարային համալսարան |
Կրթություն խմբագրել
- 1969-1975 թվականներին սովորել և ավարտել է Հայկական գյուղատնտեսական ինստիտուտը՝ գիտնական-ագրոնոմի որակավորմամբ։
Աշխատանքային գործունեությունը խմբագրել
- 1966-1972 թվականներին աշխատել է Քաղցրաշենի կոլտնտեսությունում որպես կոլտնտեսական։
- 1972-1975 թվականներին աշխատել է Քաղցրաշենի կոլտնտեսությունում որպես դաշտավարական բրիգադի բրիգադավար։
- 1975-1978 թվականներին աշխատել է Քաղցրաշենի կոլտնտեսությունում որպես գլխավոր գյուղատնտես։
- 1978-1984 թվականներին՝ ՀԽՍՀ գյուղատնտեսության մինիստրության Նարեկի խաղողապտղատնկարանային տնտեսության տնօրեն։
- 1984-1991 թվականներին՝ Քաղցրաշենի կոլտնտեսության վարչության նախագահ։
- 1989-1991 թվականներին՝ ԽՍՀՄ Գերագույն խորհրդի ժողովրդական պատգամավոր։
- 1991-1996 թվականներին՝ Արտաշատի շրջանային խորհրդի գործադիր կոմիտեի նախագահի տեղակալ։
- 1996-1998 թվականներին՝ Հայաստանի Հանրապետության Արարատի մարզպետի խորհրդական։
- 1998-2001 թվականներին՝ Հայաստանի Հանրապետության Արարատի մարզպետի աշխատակազմի ղեկավար։
- 2001 թվականին ՀՀ վարչապետի որոշմամբ նշանակվել է Հայաստանի Հանրապետության Արարատի մարզպետի տեղակալ։
- 2003 թվականին ՀՀ վարչապետի որոշմամբ նշանակվել է Հայաստանի Հանրապետության գյուղատնտեսության նախարարի տեղակալ, 2016 թվականին ազատվել է զբաղեցրած պաշտոնից[1]։
Պարգևներ խմբագրել
- ԽՍՀՄ «Աշխատանքային արիության համար» մեդալ։
- ԽՍՀՄ գյուղատնտեսության նվաճումների համար մեդալ։
- Անանիա Շիրակացու մեդալ։
- ՀՀ Ազգային ժողովի պատվո մեդալ։
- ՀՀ վարչապետի հուշամեդալ։
Ամուսնացած է, ունի չորս զավակ և յոթ թոռ։ Անկուսակցական է։
Ծանոթագրություններ խմբագրել
- ↑ «Գյուղատնտեսության երեք փոխնախարար ազատվել է աշխատանքից». www.civilnet.am. Վերցված է 2016 թ․ դեկտեմբերի 2-ին.(չաշխատող հղում)