Սագասոխուկ խանի
| Սագասոխուկ խանի | |
| Դասակարգում | |
| Թագավորություն | Բույսեր (Plantae) |
| Տիպ/Բաժին | Անոթավոր բույսեր (Tracheophyta) |
| Ենթատիպ | Սերմնավոր բույսեր (Spermatophytes) |
| Կարգ | Շուշանածաղկավորներ (Liliales) |
| Ընտանիք | Շուշանազգիներ (Liliaceae) |
| Ենթաընտանիք | Շուշանայիններ (Lilioideae) |
| Ցեղ | Սագասոխուկ (Gagea) |
| Տեսակ | Սագասոխուկ խանի (G. chanae) |
| Միջազգային անվանում | |
| Gagea chanae | |
Սագասոխուկ խանի (լատին․՝ Gagea chanae), շուշանազգիների ընտանիքին պատկանող բույս, որը գրանցված է ՀՀ Կարմիր գրքում։
Բարձրությունը չի անցնում 10-15 սմ-ից։ Հանդիպում է մերձալպյան գոգերում, անտառի վերին գոտում։ Բազմանում է սոխուկների և սերմերի միջոցով, սակայն սոխուկներով բազմացնելը արգելվում է և թույլատրվում է բազմացնել միայն սերմերով, որպեսզի վայրի բուսուտները չվնասվեն։ Ցանքը կարելի է կատարել վաղ գարնանը կամ ուշ աշնանը, անմիջապես բաց գրունտի պայմաններում։ Սերմնաբույսերը ծաղկում են գարնանային ցանքի հաջորդ տարում։ Լուսասեր է, սակայն լավ է աճում նաև կիսաստվերում, բավականին ցրտադիմացկուն է։ Լավ է ձմեռում ձյան հաստ ծածկոցի տակ։ Գերադասում է ավազակավային ու կավավազային հողերը։ Ծաղկում է վաղ գարնանը՝ մարտ-ապրիլ ամիսներին[1]։
Խանի սագասոխուկը անփոխարինելի ծաղկաբույս է հատկապես ալպինարիաների ձևավորման, ինչպես նաև վաղ գարնանային ծաղկադեկորատիվ կոմպոզիցիաներում օգտագործելու համար։ Միաժամանակ կարելի է մշակել քարապարտեզներում և գորգապարտեզային ձևավորումներում։ Այս տեսակը մշակության մեջ մտցնելը կարևոր է նաև պահպանության իմաստով[1]։
Ծանոթագրություններ խմբագրել
 | Վիքիցեղերն ունի նյութեր, որոնք վերաբերում են «Սագասոխուկ խանի» հոդվածին։ |