Ռուստամ սարկավագ
Ռուստամ Իշխանի Պողոսյան (Ռուստամ սարկավագ Պողոսյան) նոյեմբերի 5, 1995, Վաղարշապատ, Էջմիածնի շրջան - հոկտեմբերի 28, 2020, Կարմիր Շուկա, Հայաստանի զինված ուժերի զինծառայող, զոհվել է 2020 թվականին տեղի ունեցած Հայ-ադրբեջանական պատերազմի ժամանակ[1]։
Ռուստամ սարկավագ | |
---|---|
![]() | |
Ծնվել է | նոյեմբերի 5, 1995 |
Ծննդավայր | Վաղարշապատ, Էջմիածնի շրջան |
Մահացել է | հոկտեմբերի 28, 2020 (24 տարեկան) |
Մահվան վայր | Կարմիր Շուկա |
Քաղաքացիություն | ![]() |
Կրթություն | Գևորգյան Հոգևոր Ճեմարան |
Մասնագիտություն | քահանա |
Զբաղեցրած պաշտոններ | սարկավագ |
Կենսագրություն Խմբագրել
Ծնվել է 1995 թվականի նոյեմբերի 5-ին Արմավիրի մարզի Էջմիածին քաղաքում։ 2002 թվականին սովորել է Վոլգոգրադ մարզի Կամիշին քաղաքի 8-րդ միջնակարգ դպրոցում։ Առաջին դասարանը ավարտելուց հետո վերադարձել է Հայաստան։ Մասնակցել է Մ.Գորկու անվան թիվ 5 միջնակարգ դպրոցին կից կազմակերպված «Այծեմնիկ» բակային ճամբարին, այնուհետև սովորել Էջմիածնի Մաքսիմ Գորկու անվան թիվ 5 դպրոցում։
2004 թվականին ընդունվել է Մակար Եկմալյանի անվան թիվ 1 երաժշտական դպրոցի դուդուկի բաժինը։ Երաժշտական գործիքներից տիրապետում էր՝ կլարնետի, դուդուկի, դհոլի, դաշնամուրի, կիթառի։ 2004 թվականին ընդունվել է Էջմիածնի Գրիգոր Նարեկացու անվան թիվ 2 ավագ դպրոցը։ Դպրոցն ավարտելուց հետո 2013 թվականին ընդունվել է Գևորգյան հոգևոր ճեմարան։ Գևորգյան հոգևոր ճեմարանի ուսումնառության տարիներին ամառային արձակուրդներին մասնկացել է ճամբարներին,որպես դպիր։ Ուսումնառությանը զուգահեռ ստեղծել էր «Armenian Hands» հուշանվերների փոքր բիզնեսը։ Պատրաստել է խաչեր զինվորների համար, և նրանց շրջանում հայտնի է եղել որպես՝ խաչեր նվիրող Ռուստամ։ 2013-2019 թվականներին երգել է Գևորգյան հոգևոր ճեմարանի մեծ և փոքր եգչախմբերում, եղել է երգչախմբերի ավագը։ Գրել է մի շարք բանաստեղծություններ՝ նվիրված հայրենիքին, մորը, պանդխտությանը։ 2016 թվականին ձեռնադրվել է ուրարակիր։ 2017 թվականին Գևորգյան հոգևոր ճեմարանի մեծ երգչախմբի հետ եղել է Մոսկվայում։
2017 թվականի ամռանը hոգևոր ծառայութունն անց է կացրել Սանկտ-Պետերբուրգում։ 2018 թվականի ամռանը հոգևոր ծառայությունն անց է կացրել ԱՄՆ-ում։
2016-2019 թվականներին զատկական ծառայությունն անց է կացրել Տավուշի թեմում։ 2018 թվականի դեկտեմբերի 25-ին՝ Սուրբ Ստեփանոս Նախավկայի տոնին, Տ. Հովնան եպիսկոպոս Հակոբյանի ձեռամբ ձեռնադրվել է սարկավագ։ Ծառայել է Էջմիածնի Սուրբ Մարիամ Աստվածածին եկեղեցում՝ որպես սարկավագ[1]։ 2019 թվականի հուլիսի 28-ին մեկնել է Հայաստանի Հանրապետության զինված ուժեր[2][3][4]։ Զոհվել է 2020 թվականի հոկտեմբերի 28-ին՝ Արցախի երկրորդ պատերազմի Հայ-ռազմական գործողությունների ժամանակ Կարմիր շուկա տարածքում։ Հուղարկավորված է Արմավիրի մարզի Ծաղկունք գյուղում։
Ընտանիք Խմբագրել
Ռուստամ սակավագը ամուսնացած չէր, հայրը՝ Իշխան Ռուստամի Պողոսյանն է, մայրը՝ Նարինե Կարապետի Պողոսյանը, տատը՝ Սիլվա Վրույրի Պողոսյանը,քույրը՝ Սիլվա Իշխանի Պողոսյանը։
Ծանոթագրություններ Խմբագրել
- ↑ 1,0 1,1 LLC VIP Studio։ «Մեր Ռուստամ սարկավագն ընկավ կռվի դաշտում. Տեր Եզնիկի գրառումը»։ arevelk.am (անգլերեն)։ Վերցված է 2020-12-02
- ↑ Հայրենիքի պաշտպանության համար մղվող մարտերի ժամանակ մահացել է Ռուստամ սարկավագ Պողոսյանը
- ↑ «Արցախում զոհվել են գնդերեց Նարեկ սարկավագ Պետրոսյանը և շարքային Ռուստամ սարկավագ Պողոսյանը»։ news.am։ Վերցված է 2020-12-02
- ↑ Journalist.am (2020-11-08)։ «Ճեմարանն ինձ սովորեցրեց ծառայել Աստծուն, բանակն էլ թող սովորեցնի ծառայել հայրենիքին. անմահացած հերոս Ռուստամ Պողոսյան»։ Ժուռնալիստիկայի ֆակուլտետ։ Վերցված է 2020-12-02