Ռուսաստանի Դաշնության դաշնային մաքսային ծառայություն
Ռուսաստանի Դաշնության դաշնային մաքսային ծառայություն (Ռուսաստանի ԴՄԾ), ռուս.՝ Федеральная таможенная служба (ФТС России), գործադիր իշխանության դաշնային մարմին, որը րականացնում է Ռուսաստանի Դաշնության օրենսդրության գործառույթները մաքսային գործի վերահսկողության և հսկողության բնագավառում, ինչպես նաև արժութային վերահսկողության և մաքսանենգության, այլ հանցագործությունների և վարչական իրավախախտումների դեմ պայքարի հատուկ գործառույթներում։ Վերաբերում է պետական ռազմականացված կազմակերպություններին, որոնք իրավունք ունեն կրել մարտական հրաձգային և այլ զենքեր[1]։
| Ռուսաստանի Դաշնության դաշնային մաքսային ծառայություն Федеральная таможенная служба | |
|---|---|
 | |
| Տեսակ | Արտահանման տուրքեր և Ռուսաստանի Դաշնության դաշնային ծառայություն |
| Երկիր |  Ռուսաստան |
| Հապավում | Ռուսաստանի ԴՄԾ |
| Ստեղծման թվական | 1994 |
| Փոխարինված է | Federal Service for Financial and Budgetary Supervision? |
| Շտաբակայան | Մոսկվա, Ռուսաստան և Filyovsky park District |
| Կայք | customs.ru/en/ |
Ստեղծվել է Ռուսաստանի Դաշնության նախագահի՝ 2004 թվականի մարտի 9-ի թիվ 314 հրամանագրով «Գործադիր իշխանության համակարգի և դաշնային մարմինների կառուցվածքի մասին», ընդ որում, վերացվել էր Ռուսաստանի Դաշնության մաքսային պետական կոմիտեն։
2016 թվականի հունվարի 15-ի հրամանագրով Ռուսաստանի Դաշնության դաշնային մաքսային ծառայությունը փոխանցվել Ռուսաստանի Դաշնության ֆինանսների նախարարության ենթակայությանը[2]։
Ավելի վաղ այն ենթարկվում էր Ռուսաստանի Դաշնության կառավարությանը, իսկ մինչև 2006 թվականը՝ Ռուսաստանի Դաշնության տնտեսական զարգացման և առևտրի նախարարությանը։
Դաշնային մաքսային ծառայության ղեկավարը՝ Վլադիմիր Իվանի Բուլավինն է[3]։
Լիազորություններ խմբագրել
Ռուսաստանի Դաշնության կառավարության № 459 որոշմամբ 2006 թվականի հուլիսի 26-ին Ռուսաստանի ԴՄԾ-ի մեջ են մտնում հետևյալ հիմնական գործառույթները։
- կազմակերպությունների, օբյեկտների և անձանց գրանցամատյանների վարումը, որոնք ընդգրկված են մաքսային գործի մեջ (մաքսային ներկայացուցիչներ, մտավոր սեփականության օբյեկտներ և այլն)
- վկայականների և գործունեության թույլտվությունների իրավունքը մաքսային գործի որոշակի ոլորտներում
- մաքսային ձևակերպման, հսկողության անմիջական իրականացումը
- ապրանքների դասակարգումը ըստ արտաքին տնտեսական գործունեության ապրանքային նոմենկլատուրայի, երկրի ծագման որոշումն և Ռուսաստանի Դաշնության մաքսային սահմանով տեղափոխվող ապրանքների և տրանսպորտային միջոցների մաքսային արժեքը
- իրավապահ գործունեությունը պայքար է հանցագործությունների և վարչական իրավախախտումների մաքսային գործի բնագավառում
- որոշ խորհրդատվական ծառայություններ, որոնք անվճար հիմունքներով աջակցում են արտաքին տնտեսական գործունեության մասնակիցներին
Առանձնապես աչքի է ընկնում մաքսային վճարների գանձման ֆունկցիան՝ մաքսային տուրքեր, մաքսային վճարներ։ Ներքին հարկերի և պետական գույքի կառավարման վարչության հետ մեկտեղ մաքսային վճարների եկամուտները հանդիսանում են դաշնային բյուջեի եկամուտների հիմնական տեսակներից։ Այսպես, 2011 թվականի օգոստոսին մաքսային մարմինների կողմից դաշնային բյուջեին հատկացվել է 529,72 մլրդ ռուբլի, 2011 թվականի ութ ամիսների ընթացքում դաշնային բյուջեի եկամուտների գումարը, որը տնօրինվում է մաքսային մարմինների կողմից, կազմել է 3642,33 մլրդ ռուբլի, իսկ ողջ 2010 թվականին փոխանցվել է 4329,88 մլրդ ռուբլի։
Ռուսաստանի դաշնային մաքսային ծառայության կառուցվածքը
- Տարածաշրջանային մաքսային վարչություններ (համապատասխանում է Ռուսաստանի Դաշնության դաշնային շրջաններին)
- Տարածաշրջանային մաքսատներ (հաճախ, բայց ոչ միշտ է համապատասխանում Ռուսաստանի Դաշնության սուբյեկտներին)
- Մաքսային պաշտոններ
- Տարածաշրջանային մաքսատներ (հաճախ, բայց ոչ միշտ է համապատասխանում Ռուսաստանի Դաշնության սուբյեկտներին)
- Կենտրոնական ենթակայության մաքսատներ (օրինակ, Մոսկվայի օդանավակայանների մաքսատներ, Կենտրոնական ակցիզային մաքսատուն և այլն)։
Դաշնային մաքսային ծառայության հատուկ կոչումներ խմբագրել
Ռուսաստանի ԴՄԾ-ի հատուկ կոչումները շնորհվում է Ռուսաստանի Դաշնության քաղաքացիներին, որոնք ծառայության են անցել մաքսային մարմիններում, և Ռուսաստանի Դաշնության մաքսային մարմինների աշխատակիցներին։
- Բարձրագույն ղեկավար կազմ
- Ռուսաստանի Դաշնության մաքսային ծառայության գործող պետական խորհրդական
- Մաքսային ծառայության գեներալ-գնդապետ
- Մաքսային ծառայության գեներալ-լեյտենանտ
- Մաքսային ծառայության գեներալ-մայոր
- Ավագ ղեկավար կազմ
- Մաքսային ծառայության գնդապետ
- Մաքսային ծառայության փոխգնդապետ
- Մաքսային ծառայության մայոր
- Միջին ղեկավար կազմ
- Մաքսային ծառայության կապիտան
- Մաքսային ծառայության ավագ լեյտենանտ
- Մաքսային ծառայության լեյտենանտ
- Մաքսային ծառայության կրտսեր լեյտենանտ
- Կրտսեր կազմ
- Մաքսային ծառայության ավագ ենթասպա
- Մաքսային ծառայության ենթասպա