Ռութ Ռոման
Ռութ Ռոման (անգլ.՝ Ruth Roman, ծննդյամբ՝ Նորմա Ռոման (անգլ.՝ Norma Roman),դեկտեմբերի 22, 1922[1], Լինն, Էսեքս շրջան, Մասաչուսեթս, ԱՄՆ - սեպտեմբերի 9, 1999[1], Լագունա Բիչ, Օրինջ շրջան, Կալիֆոռնիա, ԱՄՆ ), ամերիկացի դերասանուհի։
| Ռութ Ռոման | |
|---|---|
 | |
| Ծնվել է | դեկտեմբերի 22, 1922[1] |
| Ծննդավայր | Լինն, Էսեքս շրջան, Մասաչուսեթս, ԱՄՆ |
| Մահացել է | սեպտեմբերի 9, 1999[1] (76 տարեկան) |
| Մահվան վայր | Լագունա Բիչ, Օրինջ շրջան, Կալիֆոռնիա, ԱՄՆ |
| Քաղաքացիություն |  ԱՄՆ |
| Մայրենի լեզու | անգլերեն |
| Մասնագիտություն | դերասանուհի, թատրոնի դերասանուհի, հեռուստատեսային դերասանուհի և կինոդերասանուհի |
| Պարգևներ և մրցանակներ | |
 Ruth Roman Վիքիպահեստում | |
Կենսագրություն խմբագրել
Ծնվել է Բոստոնի արվարձանում գտնվող Լինն քաղաքում՝ ռուսական և լեհական արմատներով հրեական ընտանիքում[2]։ Երիտասարդ տարիքից երազում էր դառնալ դերասանուհի, ինչի համար էլ ընդունվել է Բոստոնի դրամատիկական դպրոց։ Ուսման ավարտից հետո տեղափոխվել է Հոլիվուդ, որտեղ 1943 թվականին տեղի է ունեցել նրա առաջին ելույթը։ Առաջին հինգ տարիներին այնտեղ նա անհայտ էր, սակայն հետո «Ջունգլիի թագուհին» ֆիլմում խաղացել է գլխավոր դեր (1945)։ Առաջին մեծ դերերի առաջարկները ստացել է 1940-ական թվականներին, դրանց մեջ էին Էմմա Բրայսը «Չեմպիոն» նուարում և Ջին Քելերսոնը «Պատուհան» նուարում։ Ռոմանը հայտնի է դարձել 1951 թվականին՝ Ալֆրեդ Հիչքոքի «Անծանոթները գնացքում» ֆիլմում Էնն Մորտոնի դերի շնորհիվ։ Այս կինոնկարի նկարահանումները Ռոմանի համար բավականին դժվար էին, քանի որ ֆիլմում նրան ներառել էր Ջեկ Ուորները, իսկ Հիչքոքը նրանից դժգոհ էր, որովհետև Ռոմանին համարում էր կաշկանդված դերասան։
1956 թվականի հունիսին իր առաջին ամուսնությունից ունեցած չորսամյա որդու հետ եղել է «Անդրեա Դորիա» նավի ուղևոր, որը «Ստոքհոլմ» նավի հետ բախվելու պատճառով Նյու Յորքի ափին խորտակվել է։ Վիրահատությունը հաջող է անցել, և Ռոմանն ու որդին ողջ են մնացել։
Իր կարիերայի ընթացքում մեծ բարձունքների չի հասել, սակայն չնայած դրան՝ երկար տարիներ շարունակել է կինոյում և հեռուստատեսությունում, ռադիոյում լինել ակտիվ։ 1959 թվականին արժանացել է Սարի Սիդոնս մրցանակի՝ Չիկագոյի թատերական բեմում բեմադրվելու համար։ 1960-ական թվականներից սկսած՝ մեծամասամբ աշխատել է հեռուստատեսությունում՝ նկարահանվելով «Երկար տաք տարիներ», «Խաղաղ նավակայան», «Նա գրել է սպանություն» և այլ սերիալներում։ Իր ավանդի համար Հոլիվուդյան փառքի ծառուղում նրա անունով աստղ է դրվել։
1973 թվականին թողարկվել է «Փոքրիկ» ֆիլմը, որում Ռոմանը կատարել է գլխավոր՝ հոգեկան հիվանդ ալկոհոլամոլի դերը[3]։
Մահացել է 1999 թվականին՝ 76 տարեկանում, Կալիֆոռնիա նահանգում գտնվող իր տանը։
Ծանոթագրություններ խմբագրել
- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ «Ruth Roman: Hollywood actress who displayed a degree of vulnerability under a worldly exterior». The Guardian, Sept. 16, 1999.
- ↑ Обзор фильма «Малыш» (1973) (անգլ.) на сайте TV Guide
Արտաքին հղումներ խմբագրել
 | Վիքիպահեստն ունի նյութեր, որոնք վերաբերում են «Ռութ Ռոման» հոդվածին։ |