Ռուդոլֆ Բեռնշտայն
Ռուդոլֆ Բեռնշտայն (գերմ.՝ Rudolf Bernstein, փետրվարի 29, 1896, Բեռլին, Գերմանական կայսրություն - հոկտեմբերի 6, 1977, Արևելյան Բեռլին), գերմանացի կոմունիստ, Կոմինտերնի գործիչ, կինեմատոգրաֆիստ։
| Ռուդոլֆ Բեռնշտայն | |
| Կուսակցություն՝ | Գերմանական սոցիալիստական միասնական կուսակցություն, Գերմանիայի կոմունիստական կուսակցություն և Գերմանական անկախ սոցիալ-դեմոկրատական կուսակցություն |
|---|---|
| Մասնագիտություն՝ | քաղաքական գործիչ |
| Ծննդյան օր | փետրվարի 29, 1896 |
| Ծննդավայր | Բեռլին, Գերմանական կայսրություն |
| Վախճանի օր | հոկտեմբերի 6, 1977 (81 տարեկան) |
| Վախճանի վայր | Արևելյան Բեռլին |
| Թաղված | Ֆրիդրիխսֆելդի կենտրոնական գերեզմանատուն |
| Քաղաքացիություն |  Արևելյան Գերմանիա
|
| Պարգևներ |
 և  |
Կենսագրություն խմբագրել
Ռուդոլֆ Բեռնշտայնը սովորել է Բեռլինում տղաների հրեական դպրոցում, 1906-1912 թվականներին հաճախել է գիմնազիա, այնուհետև ստացել առևտրի գծով կրթություն։ 1915 թվականին զորակոչվել է արևելյան ռազմաճակատ, 1918 թվականի հոկտեմբերին դասալիք է դարձել, մասնակցել ռուս զինվորների հետ եղբայրացմանը[1]։
1919 թվականի սկզբին մտել է Սպարտակ միություն և Գերմանիայի անկախ սոցիալ-դեմոկրատական կուսակցություն, հետագայում` 1920 թվականին՝ Գերմանիայի կոմունիստական կուսակցություն։ Ամուսնացած էր Մարթա Բեռնշտեյնի հետ, որի երկվորյակ քույրը հակաֆաշիստ Էլզա Էմմեն էր։ Դուստրը` Խաննա Պոդիմախինան, ծնվել է 1924 թվականին[2]։
1925 թվականին Բեռնշտեյնն անցել է կուսակցական աշխատանքի, ղեկավարել է տարբեր կուսակցական կազմակերպություններ, 1933 թվականին աշխատել է Գերմանիայի կոմունիստական կուսակցության վարչությունում բաժնի քարտուղար Կարլ Լիբկնեխտի տանը[3]։ Հանդիսացել է Գերմանիայի առաջին կոմունիստական կուսակցության օկրուգային ժողովի պատգամավոր Բեռլինում։
Ռեյխստագի հրկիզումից հետո 1933 թվականին Բեռնշտեյնը ձերբակալվել է և առանց դատի ու քննության պահվել է Ալեքսանդերպլացի ոստիկանական բանտում, Շպանդաուի բանտում և Զոննենբուրգի համակենտրոնացման ճամբարում։ Որպես վկա ընդգրկվել է Գեորգի Դիմիտրովի դեմ դատավարության գործով։ 1934 թվականին Բեռնշտեյնին հաջողվել է ընտանիքի հետ փախչել ԽՍՀՄ, որտեղ նա աշխատել է Կոմինտերնում։ 1943 թվականին Ռուդոլֆ Բեռնշտեյնը ստացել է Բանվորա-գյուղացիական Կարմիր բանակի կապիտանի կոչում, 1945 թվականին նշանակվել է Վիեննայում «Ավստրիական թերթի » (Österreichische Zeitung)-ի խմբագիր։ 1947 թվականին վերադարձել է Բեռլին և նշանակվել СЕПГ-ի Կենտկոմի բաժնի պետ։
1950 թվականին Բեռնշտեյնը գերմանական կողմից հադես է եկել որպես ԽՍՀՄ-ի հետ համատեղ կինովարձույթի Progress Film-Verleih ընկերության տնօրեն[4]։ 1955 թվականի հոկտեմբերի 1-ից նշանակվել է ԳԴՀ-ի Պետական կինոարխիվի առաջին տնօրեն և զբաղեցրել է այդ պաշտոնը մինչև 1958 թվականի ապրիլ։
Թաղված է Ֆրիդրիխսֆելդի Կենտրոնական գերեզմանատանը։
Գրականություն խմբագրել
- Folterhölle Sonnenburg. Tatsachen- und Augenzeugenbericht eines ehemaligen Schutzhäftlings. Verlag der Internationalen Roten Hilfe Zürich / Paris 1934
Ծանոթագրություններ խմբագրել
- ↑ «Sendung Kampfgenossen — Weggefährten, die Städte — die Schüsse von Dannenberg vom 2. November 1967» (PDF). Արխիվացված է օրիգինալից (PDF) 2006 թ․ հոկտեմբերի 11-ին. Վերցված է 2017 թ․ հուլիսի 20-ին.
- ↑ «DRAFD-Information 12/2002, S.14» (PDF). Արխիվացված է օրիգինալից (PDF) 2014 թ․ հուլիսի 14-ին. Վերցված է 2017 թ․ հուլիսի 20-ին.
- ↑ library.fes.de(չաշխատող հղում)
- ↑ Aufstand der Nackten