Ռուբեն Խլղաթյան
հայ ձյուդոիստ
Ռուբեն Խաչիկի Խլղաթյան (ծնվ. 26 դեկտեմբերի 1961 թ., գ. Ոսկեթաս, Թալինի շրջան), ՀՀ տեղական ինքնակառավարման համակարգի գործիչ, Արմավիրի քաղաքապետ։
Կրթություն խմբագրել
- 1967-1977 թթ. - սովորել և ավարտել է Հոկտեմբերյան քաղաքի թիվ 1 միջնակարգ դպրոցը։
- 1984 թ. ընդունվել և 1995 թ. ավարտել է Նովոչերկասկի պոլիտեխնիկական ինստիտուտը՝ ինժեներ–մեխանիկի մասնագիտությամբ։
- 2001-2006 թթ. - սովորել և հեռակա ուսուցմամբ ավարտել է Ռոստովի Հարավ-Ռուսական Տնտեսագիտության և Սերվիսի պետական համալսարանի իրավաբանական ֆակուլտետը։
Աշխատանքային գործունեությունը խմբագրել
- 1974-1980 թթ. - զբաղվել է ձյուդո ըմբշամարտով։
- 1980-1982 թթ. - ծառայել է Խորհրդային բանակում։
- 1983-1988 թթ. - աշխատել է Ռոստովի մարզի Շախտի քաղաքի կոշիկի ֆաբրիկայի արտադրամասի պետ։
- 1988-1993 թթ. - Ռոստովի մարզի Շախտի քաղաքում հիմնադրել և ղեկավարել է «Գալակտիկա» կոոպերատիվը։
- 1993-1996 թթ. - Ռոստովի մարզի Շախտի քաղաքի «Դրուժբա» ՍՊԸ-ի գլխավոր տնօրեն։
- 1996-2002 թթ. - Արմավիր քաղաքում հիմնադրել է և խորհրդի նախագահի կարգավիճակով ղեկավարել է «Լեգենդա» ՍՊԸ։
Գործունեությունը տեղական ինքնակառավարման համակարգում խմբագրել
- 2002-2004 թթ. - Արմավիրի քաղաքապետի տեղակալ։
- 2004 թ. ընտրվել է Արմավիրի քաղաքապետ։
- 2007 թ. վերընտրվել է Արմավիրի քաղաքապետ։
- 2011 թ. վերընտրվել է Արմավիրի քաղաքապետ։
- 2013 թ. փետրվարին ներկայացրել է հրաժարական, որը 2013 թ. փետրվարի 28-ին ՀՀ Կառավարության որոշմամբ մերժվել է[1]։
- 2015 թ. մարտին վերընտրվել է Արմավիրի քաղաքապետ։
Պարգևներ խմբագրել
- Ձյուդոյի ԽՍՀՄ պատանիների չեմպիոն (1977)։
- ՀԽՍՀ բազմակի չեմպիոն։
- ԽՍՀՄ և ՀԽՍՀ սպորտի վարպետ։
- Հայաստանի Հանրապետության լավագույն համայնքապետ (2006)։
Հայաստանի Հանրապետական կուսակցության անդամ է։ Ամուսնացած է ունի չորս զավակ, չորս թոռ։