Ռուբեն Աղաբաբյան

Ռուբեն Հակոբի Աղաբաբյան (Ռուբեն Աղաբաբ, նոյեմբերի 29, 1911(1911-11-29), Թիֆլիս, Ռուսական կայսրություն - դեկտեմբերի 6, 1970(1970-12-06), Թբիլիսի, ԽՍՀՄ), կրել է հոր՝ գրող Հակոբ Աղաբաբի գրական անունը), հայ բանաստեղծ, ճարտարապետ, ճարտարապետության դոկտոր, պրոֆեսոր (1949 թվականից), Վրացական ԽՍՀ գիտության և տեխնիկայի վաստակավոր գործիչ (1962), ԽՍՀՄ գրողների միության անդամ 1934 թվականից: ԽՄԿԿ անդամ 1939 թվականից:

Ռուբեն Աղաբաբյան
Ծնվել է	նոյեմբերի 29, 1911(1911-11-29)
Ծննդավայր	Թիֆլիս, Ռուսական կայսրություն
Մահացել է	դեկտեմբերի 6, 1970(1970-12-06) (59 տարեկանում)
Վախճանի վայր	Թբիլիսի, ԽՍՀՄ
Ազգություն	հայ
Կրթություն	Վրաստանի տեխնիկական համալսարան
Աշխատավայր	Հայաստանի ազգային պոլիտեխնիկական համալսարան
Պարգևներ	Վրացական ԽՍՀ գիտության վաստակավոր գործիչ
Ռուբեն Աղաբաբյան Վիքիդարանում

Բովանդակություն

Կենսագրություն

Ծնվել է Թիֆլիսում։ 1932 թվականին ավարտել է Թիֆլիսի պոլիտեխնիկական ինստիտուտը և աշխատանքի անցել նույն ինստիտուտի ճարտարապետության ամբիոնում (1960 թվականից ճարտարապետության գիտահետազոտական լաբորատորիայի վարիչն էր)։ 1943-1949 թվականներին դասախոսել է Երևանի Կ. Մարքսի անվան պոլիտեխնիկական ինստիտում։

Նրա նախագծով կառուցվել են բնակելի տներ ու հասարակական շինություններ, Թբիլիսիի հայ մշակույթի գործիչների պանթեոնը։

1941-1945 և 1966-1970 թվականներին եղել է Վրաստանի գրողների միության հայկական մասնաճյուղի նախագահը։ Մահացել է Թբիլիսիում:

Երկեր

• Լիրիկա, Թիֆլիս, 1930, 31 էջ։
• Առաջին ծաղիկներ (մանկական երգեր), Երևան, Պետհրատ, 1939, 44 էջ։
• Այգ (բանաստեղծությունների ժողովածու), Թբիլիսի, Սախելգամի, 1948, 78 էջ։
• Ուղևորություն դեպի անցյալն ու ներկան (տպավորություններ Թուրքիայից), Երևան, «Հայաստան», 1965, 80 էջ։
• Հանդիպում դարերի հետ, Երևան, «Սովետական գրող», 1982, 55 էջ։

Արտաքին հղումներ

• Ռուբեն Աղաբաբյանի մասին հոդվածը «Խորհրդայի Վրաստան» թերթի 1986 թ.-ի դեկտեմբերի 16-ի համարում (թիվ 151)։