Ռոմեո Ջուլհակյան

Վիքիպեդիայում կան հոդվածներ Ջուլհակյան ազգանունով այլ մարդկանց մասին։

Ռոմեո Սուրենի Ջուլհակյան (դեկտեմբերի 31, 1937(1937-12-31), Արմավիր - ապրիլի 24, 2005(2005-04-24), Երևան, Հայաստան), հայ ճարտարապետ, ՀՀ վաստակավոր ճարտարապետ (1987), Ճարտարապետության միջազգային ակադեմիայի Մոսկվայի մասնաճյուղի պրոֆեսոր (1999)։

Ռոմեո Ջուլհակյան
Ի ծնե	Ռոմեո Սուրենի Ջուլհակյան
Ծնվել է	1937 դեկտեմբերի 31
Ծննդավայր	Արմավիր
Մահացել է	2005 ապրիլի 24
Վախճանի վայր	Երևան, Հայաստան
Ազգություն	հայ
Ճյուղ(եր)	ճարտարապետություն
Գործունեություն	ճարտարապետ
Կրթություն	ՀԱՊՀ
Romeo Julhakyan Վիքիպահեստում

Կենսագրություն

1960 թվականին ավարտել է Երևանի պոլիտեխնիկական ինստիտուտը, դասախոսել է 1960 թվականից, պրոֆեսոր` 1999 թվականից։ 1963 թվականից աշխատել է Երևաննախագիծ ինստիտուտում, 1975 թվականից` ճարտարապետության արվեստանոցի ղեկավար։ 1990-1991 թվականներին եղել է Երևանի գլխավոր ճարտարապետը, 1991-1993 թվականներին` ՀՀ ճարտարապետության պետական կոմիտեի նախագահ, 1993-1996 թվականներին` ճարտարապետության և քաղաքաշինության պետվարչության պետ, 1996-1997 թվականներին` ՀՀ քաղաքաշինության նախարարի առաջին տեղակալ, 1997 թվականից` նախարարի գլխավոր խորհրդական և քաղաքաշինության խորհրդի նախագահ։

Ստեղծագործականն ուղի

Ռոմեո Ջուլհակյանի հուշատախտակը Երևանի Կորյունի փողոցում

Ռոմեո Ջուլհակյանի նախագծերով և համահեղինակությամբ Երևանում կառուցվել են՝

• ՀԽՍՀ նախարարների խորհրդի ընդունելությունների տուն, 1980
• Դավթաշենի կամուրջը, 1982-1992
• Երևանի մետրոպոլիտենի «Շենգավիթ» (1987) և «Զորավար Անդրանիկ» (1989) կայարանները
• Սուրբ Սարգիս եկեղեցու զանգակատունը, 1997

Հուշարձաններ

Հեղինակ է հետևյալ հուշարձանների ճարտարապետական մասի՝

• Հայրենական պատերազմում զոհված ԵՊՀ-ականների հուշարձան, 1968, Երևան
• Լև Տոլստոյի հուշարձան, 1987, Երևան
• Նիկոլայ Գոգոլի հուշարձան, 1988, Երևան
• «Սահակ Պարթև և Մեսրոպ Մաշտոց» հուշարձան, 2002, ԵՊՀ-ի առջև, Երևան
• Կարո Հալաբյանին նվիրված հուշարձան
• Մարտիրոս Սարյանի հուշարձան, 1985, Դոնի Ռոստով
• «Օրբելի Եղբայրների հուշարձան», 1988, Ծաղկաձոր
• Նիկողայոս Ադոնցի հուշարձան, 1993, Սիսիան
• Մուսա լեռան հերոսամարտին նվիրված հուշահամալիր, 1995, Այնճար, Լիբանան
• Կոմիտասի հուշարձան, 1996, Վալանս, Ֆրանսիա
• Հակոբ Կոջոյանի և Արա Սարգսյանի ցուցասյուներ, 1973 տուն-թանգարանի շենքի առջև
• «Հուշարձան-խորան, 1994, Դսեղ
• Մայր Աթոռ Սուրբ Էջմիածնի մուտք և բացօթյա խորան, 2001, Ջիմ Թորոսյանի հետ համատեղ

Մահարձաններ

• Գեղամ Սարյան, 1985, Երևան
• Մարշալ Հովհաննես Բաբաջանյան, 1985, Մոսկվա

Հուշատախտակներ

• Ավետիք Իսահակյան
• Հասմիկ
• Գուրգեն Մահարի
• Ստեփան Մալխասյանց

Հուշասյուններ

• Մանուկ Աբեղյան
• Հրաչյա Աճառյան
• Հակոբ Մանանդյան

Ցուցահանդեսներ

2013 Հայաստանի ճարտարապետության ազգային թանգարան-ինստիտուտ (հետմահու)

Պատկերասրահ

• 
  Մայր Աթոռ Սուրբ Էջմիածնի մուտք և բացօթյա խորան
• 
  Զորավար Անդրանիկ (մետրոյի կայարան)
• 
  Օրբելի եղբայրների հուշաքանդակը Ծաղկաձորում, քանդակագործ՝ Արտաշես Հովսեփյան
• 
  Լև Տոլստոյի կիսանդրի (Երևան)
• 
  Սահակ Պարթև, Մեսրոպ Մաշտոց (խմբաքանդակ, Երևան)
• 
  Կարո Հալաբյանի հուշարձան
• 
  Սուրբ Սարգիս եկեղեցու զանգակատունը
• 
  Գերեզման Մայիսյան ապստամբության հերոսների (Ստեփան Ալավերդյան, Սարգիս Մուսայելյան, Բագրատ Ղարիբջանյան), Անգլիական այգի
• 
  Հովհաննես Թումանյանի սիրտ (մատուռ)

Արտաքին հղումներ

• Ճարտարապետ Ռոմեո Ջուլհակյան(չաշխատող հղում)