Ռոզա Պետրոսյան
- Վիքիպեդիայում կան հոդվածներ Պետրոսյան ազգանունով այլ մարդկանց մասին։
Ռոզա (Քնարիկ) Արսենի Պետրոսյան (սեպտեմբերի 21, 1924, Լենինական, Հայկական ԽՍՀ, ԱԽՖՍՀ, ԽՍՀՄ - մայիսի 11, 2007, Երևան, Հայաստան), հայ բանաստեղծուհի, արձակագիր, Հայաստանի Գրողների միության անդամ 1973 թ.-ից։
Ռոզա Պետրոսյան | |
---|---|
Ծնվել է | սեպտեմբերի 21, 1924 |
Ծննդավայր | Լենինական, Հայկական ԽՍՀ, ԱԽՖՍՀ, ԽՍՀՄ |
Վախճանվել է | մայիսի 11, 2007 (82 տարեկան) |
Վախճանի վայր | Երևան, Հայաստան |
Մասնագիտություն | բանաստեղծուհի և արձակագիր |
Քաղաքացիություն | ԽՍՀՄ և Հայաստան |
Անդամակցություն | ՀԳՄ |
Աշխատավայր | Լենինականի բամբակեղենի արտադրական միավորում |
Ռոզա Պետրոսյան Վիքիքաղվածքում | |
Ռոզա Պետրոսյան Վիքիդարանում |
Կենսագրություն խմբագրել
Ռոզա Պետրոսյանը 1941-1946 թթ. աշխատել է Լենինականի տեքստիլ կոմբինատում որպես հերթապահ էլեկտրիկ։ 1949-1951 թթ. սովորել է ՀԿԿ Լենինականի քաղաքային կոմիտեին կից մարքսիզմ-լենինիզմի համալսարանում։ 1951-1953 թթ. աշխատել է Լենինականի մանարան ֆաբրիկայի բանվորական ակումբում որպես գրադարանի վարիչ։ 1953 թվականին ընտանիքով տեղափոխվել է Երևան[1]։
Ստեղծագործական կյանք խմբագրել
Ռոզա Պետրոսյանի առաջին բանաստեղծությունը՝ «Նամակ ռազմաճակատից», տպագրվել է 1946 թ.-ին Լենինականի «Բանվոր» թերթում։ Պետրոսյանի բանաստեղծությունների, պոեմների հիմնական թեման հայրենիքն է, բնությունը, սերը («Սրտի ճամփա», 1958, «Սիրո տավիղ», 1962, «Ֆրագմենտ իմ Զվարթնոցից», 1978, «Ինքնանկար», 1988, ժողովածուներ, «Իմ առասպելը», 1996, «Գրիգոր Լուսավորիչ և Տրդատ արքա», 2002, պոեմներ)։ Լույս է ընծայել «Տարբեր ճակատագրեր» (1959) պատմվածքների ժողովածուն, հետպատերազմյան գյուղի կյանքը պատկերող «Ծաղկալանջ» վեպը, «Ճերմակ թռչուններ» (1974) վիպակների և պատմվածքների ժողովածուն։ «Փոքրիկ, բարի կախարդուհին» (1976) վիպակում շոշափվում են ընտանիքի և բարոյականության հարցեր, «Աշխարհի լույսն ու մութը» (հատոր 1, 2, 1982, 1985) վեպում 1920-1940-ական թվականների հասարակական-քաղաքական իրադարձություններն և այլն։ Կատարել է թարգմանություններ ռուսերենից[1][2]։
Երկեր խմբագրել
- Ծիածան (բանաստեղծություններ), 1955։
- Սրտի ճամփա (բանաստեղծություններ), 1958[3]։
- Տարբեր ճակատագրեր (պատմվածքներ), 1960[4]։
- Սիրո տավիղ (բանաստեղծություններ), 1962[5]։
- Ծաղկալանջ (վեպ), 1968[6]։
- Ճերմակ թռչուններ (պատմվածքներ և վիպակներ), 1976[7]։
- Ֆրագմենտ իմ Զվարթնոցից (բանաստեղծություններ), 1978։
- Աշխարհի լույսն ու մութը (վեպ, գիրք առաջին), 1982։
- Աշխարհի լույսն ու մութը (վեպ, գիրք երկրորդ), 1985[8]։
- Любовь в слезах. М. 1988.
Ծանոթագրություններ խմբագրել
- ↑ 1,0 1,1 «Ով ով է։ Հայեր» հանրագիտարան, հատոր երկրորդ, գլխավոր խմբագիր՝ Հովհաննես Այվազյան, Հայկական հանրագիտարան հրատարակչություն, Երևան, 2007։
- ↑ «AV Production - Ռոզա Պետրոսյան». avproduction.am. Արխիվացված է օրիգինալից 2021 թ․ նոյեմբերի 27-ին. Վերցված է 2019 թ․ մարտի 5-ին.
- ↑ Պետրոսյան, Ռոզա Արսենի (1958). Տարոնցի, Սողոմոն (ed.). Սրտի ճամփա։ Բանաստեղծություններ. Երևան: Հայպետհրատ.(չաշխատող հղում)
- ↑ Պետրոսյան, Ռոզա Արսենի (1959). Այվազյան, Ս (ed.). Տարբեր ճակատագրեր։ Պատմվածքներ. Երևան: Հայպետհրատ.(չաշխատող հղում)
- ↑ Պետրոսյան, Ռոզա Արսենի (1962). Հարությունյան, Միքայել Արտեմի (ed.). Սիրո տավիղ։ Բանաստեղծություններ. Երևան: Հայպետհրատ.(չաշխատող հղում)
- ↑ Պետրոսյան, Ռոզա Արսենի (1968). Դանիելյան, Վլադիմիր Գալուստի (ed.). Ծաղկալանջ. Երևան.
{{cite book}}
: CS1 սպաս․ location missing publisher (link)(չաշխատող հղում) - ↑ Պետրոսյան, Ռոզա Արսենի (1974). Կարճիկյան, Համլետ Թորգոմի (ed.). Ճերմակ թռչուններ։ Պատմվածքներ, վիպակներ. Երևան: Հայաստան.(չաշխատող հղում)
- ↑ Պետրոսյան, Ռոզա Արսենի (1982). Սիմոնյան, Գ Գ (ed.). Աշխարհի լույսն ու մութը։ Վեպ. Երևան: Սովետական գրող.(չաշխատող հղում)
Աղբյուրներ խմբագրել
Հայկ Խաչատրյան «Գրական տեղեկատու», 1986 թ, էջ 454
Վիքիքաղվածքն ունի նյութեր, որոնք վերաբերում են «Ռոզա Պետրոսյան» հոդվածին։ |
Վիքիդարանն ունի նյութեր, որոնք վերաբերում են «Ռոզա Պետրոսյան» հոդվածին։ |