Ռոբերտ Ֆուլտոն
Ռոբերտ Ֆուլտոն (Fulton, 14 նոյեմբերի, 1765, Փենսիլվանիա, ԱՄՆ — 24 փետրվարի, 1815, Նյու Յորք), ամերիկացի գյուտարար, գործնականորեն պիտանի առաջին շոգենավի ստեղծողը։ 1790-ական թթ․ զբաղվել է նավերի շարժման համար շոգու կիրառման պրոբլեմով։ 1797-ից ապրել է Փարիզում, որտեղ 1800 թ. կառուցել և հաջողությամբ փորձարկել է «Նաուտիլուս» սուզանավը (ուներ ժամանակակից սուզանավերի հիմնական գծերը)։
| Ռոբերտ Ֆուլտոն Robert Fulton | |
|---|---|
 | |
| Ծնվել է | 14 նոյեմբերի, 1765 |
| Ծննդավայր |  ԱՄՆ, Փենսիլվանիա |
| Մահացել է | 24 փետրվարի, 1815 |
| Մահվան վայր | Նյու Յորք |
| Գերեզման | Trinity Church Cemetery |
| Քաղաքացիություն | .svg){kind=small} ԱՄՆ |
| Ազգություն | ամերիկացի |
| Մասնագիտություն | ինժեներ, գյուտարար |
| Ամուսին | Harriet Livingston Fulton? |
| Պարգևներ և մրցանակներ | |
| Անդամություն | Ամերիկայի հնավաճառության միություն[1] |
| Երեխաներ | Julia Fulton Blight? |
Ստորագրություն | |
 Robert Fulton Վիքիպահեստում | |
1803 թ. Ֆուլտոն Մեն գետում ցուցադրել է առաջին շոգենավը, որը շարժվում Էր 7, 5 կմ/ժ արագությամբ։ Ֆուլտոյի գյուտերի չարժանացան ֆրանսիական կառավարության հավանությանը, և նա տեղափոխվեց ԱՄՆ, որտեղ կառուցեց անվավոր «Կլերմոնտ» շոգենավը, որում տեղակայված Էր 20 ձիաուժ (14, 7 կվտ) հզորությամբ շոգեմեքենա։ 1807 թ. օգոստոսին Հուդզոն գետով Նյու Յորք և Օլբանի քաղաքների միջև այդ շոգենավը կատարեց առաջին երթը։ Հետագայում Ֆուլտոն կառուցեց մի քանի անվավոր շոգենավեր, այդ թվում նաև աշխարհում առաջին «Դեմոլոգոս» (կամ «առաջին») ռազմանավը, որը կիրառվեց անգլիացիների դեմ մղվող պատերազմում։
ԾանոթագրություններԽմբագրել
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ 
|