Ռոբերտ ՄաքՆոտ
Ռոբերտ ՄաքՆոտ (անգլ.՝ Robert H. McNaught, 1956, Շոտլանդիա, Միացյալ Թագավորություն), ավստրալիացի աստղագետ, աշխատել է Սայդինգ Սփրինգի աստղադիտարանում։ Ավարտել է Ավստրալիայի ազգային համալսարանի աստղագիտության և աստղաֆիզիկայի գիտական դպրոցը։ Համագործակցել է բրիտանացի աստղագետ Դևիդ Էշերի հետ Հյուսիսային Իռլանդիայում գտնվող Արմանի աստղադիտարանից։
Ռոբերտ ՄաքՆոտ Robert H. McNaught | |
|---|---|
| Ծնվել է | 1956 Շոտլանդիա, Միացյալ Թագավորություն |
| Քաղաքացիություն | .svg){kind=small} Ավստրալիա |
| Մասնագիտություն | աստղագետ |
| Հաստատություն(ներ) | Սայդինգ Սփրինգի աստղադիտարան |
| Գործունեության ոլորտ | աստղագիտություն |
Այժմ ՄաքՆոտը ղեկավարում է Աստոնի արբանյակների հսկողության համալսարանը, իսկ վերջերս սկսել է աշխատել Սայդինգ Սփրինգի աստղադիտարանում։ Ազատ ժամանակում նա հաջողությամբ կատարում է աստերոիդների, գիսաստղերի և նոր աստղերի լուսաչափական հետազոտություններ, ինչպես նաև կատարում է լայնածավալ հետազոտություններ ասուպների և աստերիդների կողմից աստղերի ծածկումների բնագավառում։
Ռոբերտ ՄաքՆոտը շատ արդյունավետ աշխատել է նոր աստերոիդների որոնման ասպարեզում, ինչպես նաև մասնակցել է Սայդինգ Սփրինգ հետազոտություն ծրագրին։ Միանձնյա, և այլ աստղագետների հետ համատեղ նա հայտնաբերել է նաև մեծ քանակությամբ գիսաստղեր, այդ թվում 24 պարբերական, օրինակ՝ 130P/ՄաքՆոտի-Հյուզի գիսաստղը։ Հայտնաբերված գիսաստղերի քանակով նա զիջում է միայն տիեզերական արեգակնային SOHO աստղադիտարանին։ 2006 թվականի օգոստոսի 7-ին օգտագործելով Շմիդտի խցիկ նա հայտնաբերել է C/2006 P1 (ՄաքՆոտի) մեծ գիսաստղը, որը դարձել է վերջին տասնամյակների ամենապայծառ գիսաստղը[1], իսկ պերիհելիի անցման պահին, 2007 թվականի հունվարի 12-ին այն լավ երևում էր նաև հարավային կիսագնդում անզեն աչքով դիտելիս։
Ընդամենը 1978 թվականից 2011 թվականները ՄաքՆոտը հայտնաբերել է 410 աստերոիդ[2] և 70 գիսաստղ, իսկ 1975 թվականից 1996 թվականները 63 գերնոր աստղեր[3], ինչպես նաև 3 նոր աստղեր 1986 թվականից 1987 թվականները ընկած ժամանակահատվածում[4]։
1987 թվականին Ռոբերտ ՄաքՆոտին շնորհվել է Բրիտանական աստղագիտական ասոցիացիայի մրցանակ[5], իսկ շքանշաններ 1988 թվականին[6]։
Նրա պատվին է անվանվել (3173) ՄաքՆոտ աստերոիդը[7]։
Ծանոթագրություններ
խմբագրել- ↑ Cometography.com
- ↑ «Minor Planet Discoverers». Փոքր մոլորակների կենտրոն. Արխիվացված օրիգինալից 2012 թ․ մարտի 14-ին. Վերցված է 2019 թ․ հունվարի 6-ին.
- ↑ List of Supernovae
- ↑ CBAT List of Novae in the Milky Way
- ↑ British Astronomical Association Awards and Medals
- ↑ Australian amateur astronomical conventions: a history of NACAA
- ↑ IAU. «3173 ՄաքՆոտ աստերոիդի անվանումը». Վերցված է 21 ապրիլ 2012-ին.
Արտաքին հղումներ
խմբագրել- Komet MacNaught na Kometografiji (անգլ.)
- Fotos da decoberta do C/2006 P1 (անգլ.)
- Websäit vum Siding Spring Surveys (անգլ.)
- «Earth-threatening space rocks hunted by ANU». Media releases. Ավստրալիայի ազգային համալսարան. 2004 թ․ ապրիլի 6. (անգլ.)
- McNaught, Robert (2007). «C/2006 P1 (Pagina personale di McNaught)». Siding Springs Observatory. Ավստրալիայի ազգային համալսարան. Արխիվացված է օրիգինալից 2012 թ․ մայիսի 14-ին. Վերցված է 2007 թ․ հունվարի 21-ին. (անգլ.)