Ռոբերտ Գադոխա
Ռոբերտ Գադոխա (լեհ.՝ Robert Gadocha, հունվարի 10, 1946[1], Կրակով, Լեհաստան[2]), լեհ նախկին ֆուտբոլիստ, ով հանդես է եկել ձախ եզրային հարձակվողի դիրքում։ 1972 թվականին դարձել է օլիմպիական չեմպիոն, իսկ 1974 թվականին՝ աշխարհի առաջնության բրոնզե մեդալակիր։
 | |||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|
.jpg) | |||||||||||||||||||||
| Անձնական տվյալներ | |||||||||||||||||||||
| Քաղաքացիությունը |
 Լեհաստան | ||||||||||||||||||||
| Ծննդյան ամսաթիվ | հունվարի 10, 1946[1] (78 տարեկան) | ||||||||||||||||||||
| Ծննդավայր | Կրակով, Լեհաստան[2] | ||||||||||||||||||||
| Հասակ | 170 սմ | ||||||||||||||||||||
| Քաշ | 69 կգ | ||||||||||||||||||||
| Դիրք | հարձակվող | ||||||||||||||||||||
| Ակումբային տեղեկություններ | |||||||||||||||||||||
| Ներկա ակումբ | ավարտել է կարիերան | ||||||||||||||||||||
| Պատանեկան կարիերա | |||||||||||||||||||||
| |||||||||||||||||||||
| Մասնագիտական կարիերա* | |||||||||||||||||||||
| Տարի | Ակումբ | Խաղ | (Գոլ) | ||||||||||||||||||
| |||||||||||||||||||||
| Ազգային հավաքական | |||||||||||||||||||||
| |||||||||||||||||||||
|
| |||||||||||||||||||||
Պարգևներ
 | |||||||||||||||||||||
| * Մասնագիտական կարիերայում ընդգրկված են միայն առաջնության խաղերը և գոլերը: | |||||||||||||||||||||
Կարիերա խմբագրել
Ակումբային խմբագրել
Ռոբերտ Գադոխան Կրակովի «Գարբարնիա» ակումբի սաներից է։ 1965 թվականին նա սկսել է խաղալ «Վավել» ակումբում, սակայն նրա կազմում մեկ մրցաշրջան անցկացնելուց հետո տեղափոխվել է Վարշավայի «Լեգիա» ակումբ, որի կազմում երկու անգամ հաղթել է Լեհաստանի առաջնություններում (1968/69 և 1969/70 մրցաշրջաններում), իսկ 1973 թվականին դարձել է Լեհաստանի գավաթակիր։ 1969/70 մրցաշրջանում Ռոբերտ Գադոխան «Լեգիա» ակումբի կազմում հասել է մինչև Եվրոպայի չեմպիոնների գավաթի կիսաեզրափակիչ։
1975 թվականին Ռոբերտ Գադոխան տեղափոխվել է ֆրանսիական «Նանտ» ակումբ, սակայն վնասվածքի պատճառով չի կարողացել մշտապես հանդես գալ թիմի հիմնական կազմում։ 1976/77 մրցաշրջանում նա դարձել է Ֆրանսիայի չեմպիոն։ Ավելի ուշ Ռոբերտ Գադոխան մեկնել է ԱՄՆ, որտեղ խաղացել է NASL-ի «Չիկագո Սթինգ» և MISL-ի «Հարթֆորդ Հելիոնս» ակումբներում[3]։
Հավաքականում խմբագրել
Լեհաստանի ազգային հավաքականի կազմում Ռոբերտ Գադոխան առաջին անգամ խաղացել է 1967 թվականի հուլիսի 28ին՝ մասնակցելով ԽՍՀՄ հավաքականի հետ հանդիպմանը։ Ազգային հավաքականի կազմում Գադոխան 1972 թվականին դարձել է օլիմպիական չեմպիոն. այդ Օլիմպիական խաղերի ընթացքում Ռոբերտ Գադոխան խփել է 6 գոլ։ 1974 թվականին Գադոխան Լեհաստանի հավաքականի կազմում դարձել է աշխարհի առաջնության բրոնզե մեդալակիր։ Ռոբերտ Գադոխային երբեք չի հաջողվել գոլ խփել Գերմանիայի Ֆեդերատիվ Հանրապետության դաշտերում, որտեղ անցկացվում էր առաջնությունը, սակայն նա կատարել է 7 գոլային փոխանցում, իսկ մրցաշրջանի ավարտին Sport ամագրի կողմից հայտարարվել է որպես «Ոսկե խաղակոշիկ» մրցանակի հավակնորդ։ Լեհաստանի ազգային հավաքականի կազմում իր վերջին խաղը Ռոբերտ Գադոխան անցկացրել է 1975 թվականի հոկտեմբերի 26-ին՝ մասնակցելով Իտալիայի ազգային հավաքականի դեմ խաղին, որ անցկացվում էր 1976 թվականի Եվրոպայի առաջնության նախընտրական փուլի շրջանակներում։ Ազգային հավաքականի կազմում Ռոբերտ Գադոխան անցկացրել է 62 խաղ և խփել 16 գոլ[4]։
Ձեռքբերումներ խմբագրել
- Աշխարհի առաջնության բրոնզե մեդալակիր - 1974
- Օլիմպիական խաղերի չեմպիոն - 1972
- Լեհաստանի չեմպիոն (2) - 1968/69, 1969/70
- Լեհաստանի գավաթակիր - 1972/73
- Ֆրանսիայի չեմպիոն - 1976/77
- «Ոսկե խաղակոշիկ» մրցանակի դափնեկիր - 1974
Ծանոթագրություններ խմբագրել
- ↑ 1,0 1,1 Transfermarkt.com(բազմ․) — 2000.
- ↑ 2,0 2,1 2,2 90minut.pl (польск.) — 2003.
- ↑ North American Soccer League Players — Robert Gadocha (անգլ.)
- ↑ Информация на сайте сборной Польши (լեհ.)
Արտաքին հղումներ խմբագրել
- Էջը 90minut.pl կայքում (լեհ.)
- Վիճակագրությունը ՈՒԵՖԱ-ի կայքում Արխիվացված 2013-01-23 archive.today (անգլ.)
- Վիճակագրությունը National Football Teams կայքում (անգլ.)
- Ռաբերտ Գադոխա Արխիվացված 2012-12-13 Wayback Machine - օլիմպիական վիճակագրությունը Sports-Reference.com կայքում (անգլ.)
 | Վիքիպահեստն ունի նյութեր, որոնք վերաբերում են «Ռոբերտ Գադոխա» հոդվածին։ |