Ռիչարդ Բեյսհարթ
Ռիչարդ Բեյսհարթ (անգլ.՝ Richard Basehart, օգոստոսի 31, 1914[1][2][3], Զանեսվիլլ, Օհայո, ԱՄՆ[4] - սեպտեմբերի 17, 1984[1][2][3], Լոս Անջելես, ԱՄՆ[4]), թատրոնի, ֆիլմի և հեռուստատեսության ամերիկացի դերասան։
| Ռիչարդ Բեյսհարթ անգլ.՝ Richard Basehart | |
|---|---|
 | |
| Ծնվել է | օգոստոսի 31, 1914[1][2][3] |
| Ծննդավայր | Զանեսվիլլ, Օհայո, ԱՄՆ[4] |
| Մահացել է | սեպտեմբերի 17, 1984[1][2][3] (70 տարեկան) |
| Մահվան վայր | Լոս Անջելես, ԱՄՆ[4] |
| Գերեզման | Վեսթվուդի գերեզմանատուն |
| Քաղաքացիություն |  ԱՄՆ |
| Կրթություն | Bishop Rosecrans High School? |
| Մասնագիտություն | թատրոնի դերասան, կինոդերասան և հեռուստատեսային դերասան |
| Ամուսին | Վալենտինա Կորտեզե |
| Պարգևներ և մրցանակներ | |
| Երեխաներ | Ջեքի Բեյսհարթ |
 Richard Basehart Վիքիպահեստում | |
Երիտասարդություն խմբագրել
Ռիչարդ Բեյսհարթը ծնվել էր լրագրողների բազմազավակ ընտանիքում (ունեցել է մեկ քույր և երեք եղբայր, որոնցից Ռոբերտը մահացել է ինը ամսականում)[5]։ Մայրը մահացել էր ծննդաբերության ժամանակ, այդ պատճառով նրա հայրը, չկարողանալով միաժամանակ զբաղվել երեխաների դաստիարակությամբ և աշխատանքով, ստիպված է եղել նրանց մանկատուն հանձնել[5]։ Տասներկու տարեկանում Ռիչարդը որոշել է շարունակել հոր գործը, որն աշխատում էր THE ZANESVILLE OHIO TIMES SIGNAL շաբաթաթերթում, և դարձել է թերթի թղթակից և ռադիոյի հաղորդավար։ Ավագ եղբոր հետ աշխատել է ջրահեռացման ընկերությունում։ Դրանից բացի նա մասնակցել է հորեղբոր՝ քաղաքապետի նախընտրական քարոզարշավին, որն արդյունքում հաղթել է ընտրություններում[5]։ Միջին դպրոցն ավարտելուց հետո աշխատել է թերթում, բացահայտել է քաղաքային վարչությունում կատարվող խարդախությունները, որի արդյունքում սկսվել է մեծ սկանդալ, և հենց դա էլ եղել է նրա աշխատանքից հեռացման պատճառը (նա հարվածել էր հետաքննությունն կատարող խուզարկուին)[5]։
Գործունեություն խմբագրել
1938 թվականին Ռիչարդ Բեյսհարթն ընդգրկվել է ֆիլադելֆիական Hedgerow Theatre թատրոնի թատերախմբում, որտեղ ելույթ է ունեցել մինչև 1942 թվականը[6]։ Հետո հայտնվե է Բրոդվեյում։ Մի շարք ներկայացումներից հետո հրավիրվել է «Տաք սիրտ» պիեսում կատարելու իսկական շոտլանդացու դեր։ Նրա խաղը բարձր գնահատականի է արժանացել Նյու Յորքի թատերական քննադատների կողմից, որոնք նրան շնորհել են մրցանակ լավագույն սկսնակ դերասանի համար 1945 թվականին[5]։ Կինոյում Բեյսհարթի առաջնախաղը տեղի է ունեցել «Կեղծ ահազանգ» (1947) ֆիլմում, որից կարճ ժամանակ անց պայմանագիր է կնքել 20th Century Fox-ի հետ։ Նկարահանվել է Հաթֆիլդների և Մակկոյների թշնամանքի մասին պատմող «Ռոզաննա Մակկոյ», «Լարվածություն» (երկուսն էլ 1949 թվական), «Տասնչորս ժամ» (ԱՄՆ-ի Ազգային քննադատների խորհրդի կողմից ստացել է մրցանակ տղամարդու լավագույն դերակատարման համար), «Որոշում լուսաբացից առաջ» և «Հեռագրային բլուրի վրայի տունը» (երեքն էլ 1951 թվականին) ֆիլմերում։ Վերջինիս նկարահանումների ժամանակ ծանոթացել է իտալացի դերասանուհի Վալենտինա Կորտեզեի հետ, որի հետ և նույն թվականին ամուսնացել է։ Ինը տարի անց նրանք բաժանվել են։ Ամուսնության ընթացքում ծնվել է նրանց որդին՝ դերասան Ջեքի Բեյսհարթը[7]։
Ռիչարդ Բեյսհարթի ամենահայտնի դերը համարվում է Մատոն Ֆեդերիկո Ֆելինիի «Ճանապարհ» ֆիլմում։ Ռեժիսորը Ռիչարդի այն հարցին, թե ինչու է հենց ինքն ընտրվել այդ դերի համար, պատասխանել է. «Եթե դուք արել եք այն, ինչ «Տասնչորս ժամ» ֆիլմում, ապա Դուք կարող եք ամեն ինչ»[8]։ Բեյսհարթը խաղացել է նաև Ֆելինիի «Խաբեբաները» (1955 թվական) ֆիլմում։
Բեյսհարթը հաջողություն է ունեցել նաև սերիալներում։ Խաղացել է ադմիրալ Նելսոնի դերը «Ճանապարհորդություն դեպի օվկիանոսի հատակը» և Ուիլթոն Նայթի դերը «Ճանապարհների ասպետ» ֆիլմերում։ Նա մասնակցել է նաև «Ծուխ հրացանափողից», «Մթնշաղային գոտի», «Հավայի 5-O», «Բենե Քեյսի» ֆիլմերում և այլն։ «Կոլոմբոյի» «Արվեստի հանդեպ սիրուց»էպիզոդում Հոնոր Բլեքմանի հետ մարմնավորում են թատրոնի երկու դերասաններ, որ սպանել են ներկայացման ռեժիսորին։ Նկարահանվել է մի շարք հեռուստաֆիլմերում։ Բացի դրանից իր խոր և ուժեղ ձայնի շնորհիվ հաճախ կինո- և հեռուստանախագծերում հանդես է եկել որպես պատմող։ 1984 թվականի Ամառային օլիմպիական խաղերի ժամանակ եղել է հաղորդավար։ Ռիչարդ Բեյսհարթը մահացել է մի քանի անգամ ինսուլտ տանելուց հետո Լոս Անջելեսում 70 տարեկանում[6]։
Անձնական կյանք խմբագրել
Բեյսհարթն ամուսնացած է եղել երեք անգամ։ Առաջին կնոջ՝ Ստեֆանի Քլյայնի մահից հետո ամուսնացել է իտալացի դերասանուհի Վալենտինա Կորտեզեի հետ։ 1960 թվականին նրանից բաժանվելուց հետո ամուսնացել է Դայանա Լոթերիի հետ, որի հետ 1971 թվականին կազմակերպել է կենդանիների պաշտպանության Actors and Others for Animals բարեգործական հիմնադրամը[6]։ Երրորդ ամուսնության ընթացքում դերասանն ունեցել է երկու դուստր՝ Ջենան և Գեյլան[5]։
Ծանոթագրություններ խմբագրել
- ↑ 1,0 1,1 1,2 1,3 1,4 Internet Broadway Database — 2000.
- ↑ 2,0 2,1 2,2 2,3 2,4 Discogs — 2000.
- ↑ 3,0 3,1 3,2 3,3 3,4 filmportal.de — 2005.
- ↑ 4,0 4,1 4,2 4,3 4,4 4,5 Deutsche Nationalbibliothek Record #129320277 // Gemeinsame Normdatei (գերմ.) — 2012—2016.
- ↑ 5,0 5,1 5,2 5,3 5,4 5,5 Richard Basehart’s Biography
- ↑ 6,0 6,1 6,2 Irwin Allen News Network
- ↑ Bio for Jackie Basehart
- ↑ Biography for Richard Basehart
 | Վիքիպահեստն ունի նյութեր, որոնք վերաբերում են «Ռիչարդ Բեյսհարթ» հոդվածին։ |