Ռիչարդսոնի բանաձև

Ռիչարդսոնի բանաձև, ջերմաէլեկտրոնային էմիսիայի հոսանքի խտության (j_e) և էլեկտրոններ առաքող մետաղի մակերևույթի ջերմաստիճանի (T) կապն արտահայտող բանաձև։ Նախնական տեսքով ստացել է Օուեն Ռիչարդսոնը՝ մետաղների դասական էլեկտրոնային տեսության հիման վրա, այնուհետև ճշտել ստացած բանաձևը՝ ելնելով ջերմաէլեկտրոնային էմիսիայի թերմոդինամիկական նկարագրությունից։ Ռիչարդսոնի բանաձևը ավարտուն տեսքի է բերել ամերիկացի գիտնական Ս․ Դեշմանը՝ քվանտային տեսության հիման վրա։

Վերջինիս ստացած բանաձևը, որը սովորաբար կոչվում է Ռիչարդսոն-Դեմշանի բանաձև, ունի

$j_{e}=AT^{2}e^{\frac {-W_{0}}{kT}}$

տեսքը (A-ն մետաղի տեսակից և քիմիական մաքրությունից կախված գործակից է, к-ն՝ Բոլցմանի հաստատունը, W_o-ն՝ էլեկտրոնի ելքի աշխատանքը։

Տես նաև

• Ջերմաէլեկտրոնային էմիսիա

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։