Ռեալ Վալյադոլիդ

	Վալյադոլիդ ՖԱ
Ամբողջական անուն	Վալյադոլիդ ՖԱ (Real Valladolid Club de Fútbol, S.A.D.)
Հիմնադրում	1928
Երկիր	Իսպանիա
Քաղաք	Վալյադոլիդ
Նախագահ	Ռոնալդո
Կայք	http://www.realvalladolid.es
Լիգա	Լա Լիգա
2017-18	Սեգունդայում զբաղեցրել է 5-րդ տեղը և փլեյ օֆֆի արդյունքում անցել Լա Լիգա
Տան դաշտ	Մրցակցի դաշտ

Վալյադոլիդ ՖԱ (իսպ.՝ Real Valladolid Club de Fútbol, S.A.D.), իսպանական ֆուտբոլային ակումբ Վալյադոլիդից։ Հիմնադրվել է 1928 թվականի հունիսի 20-ին, հանդես է գալիս Սեգունդա դիվիզիոնում, տնային խաղերն անց է կացնում Նուևո Խոսե Սորիլա մարզադաշտում, որը ունի 26.512 նստատեղ։ Այն ներկայումս բոլոր ժամանակների Լա Լիգայի աղյուսակում զբաղեցնում է 14-րդ հորիզոնականը։

Պատմություն

Վաղ պատմություն

Ռեալ Յունիոն Դեպորտիվա դե Վալյադոլիդը 1927 թվականին

Ակումբը հիմնադրվել է Ռեալ Յունիոն Դեպորտիվա դե Վալյադոլիդև Դեպորտիվո Էսպանյոլ ակումբների ձուլումից։ Վալյադոլիդը Լա Լիգայում առաջին անգամ հանդես է եկել 1947–48 մրցաշրջանում, որպես Սեգունդա դիվիզիոնի հաղթող։ Հաջորդ տարի ակումբը հասել է Կոպա դել Ռեյի եզրափակիչ և Սանտյագու Բեռնաբեու մարզադաշտում պարտվեց Ատլետիկ Բիլբաոյին 4-1 հաշվով։

Մյուս տասը տարիները ակումբը անցկացրեց Սեգունդա դիվիզիոնում և միայն 1958-59 մրցաշրջանում մեկ մրցաշրջանով վերադարձավ Լա Լիգա։

Հաջորդ տարիները Վալյադոլիդը անցկացրեց հիմնականում Սեգունդա դիվիզիոնում, իսկ 1970-71 մրցաշրջանում հանդես եկավ երրորդ դիվիզիոնում, որը ցածրագունն էր իր պատմության մեջ։ 1992-93 թվականին նորից բարձր տեղ զբաղեցրեց Սեգունդայում և վերադարձավ Լա Լիգա, որից միայն դուրս մնաց 2003-04 մրցաշրջանում։ 1984 թվականին Վալյադոլիդը նվաճեց Իսպանիայի լիգայի գավաթը (առաջնությունը անցկացվել է 1980-ականների սկզբին)` հաղթելով Ատլետիկո Մադրիդին։

Վալյադոլիդը, 11 տարի մնալով Լա Լիգայում, լավագույն յոթերորդ հորիզոնականը զբաղեցրել է 1996–97 մրցաշրջանում, որի այդ ժամանակվա մարզիչն էր Ռաֆայել Բենիտեսը, ով մինչ այդ մարզում էր Ռեալ Մադրիդ Կաստիլիան, որտեղ շատ ֆուտբոլիստներ իր հետ բերել էր Վալյադոլիդ։

Արտաքին հղումներ

Վիքիպահեստն ունի նյութեր, որոնք վերաբերում են «Ռեալ Վալյադոլիդ» հոդվածին։