Ռաֆայել Ղուկասյան
- Վիքիպեդիայում կան հոդվածներ Ղուկասյան ազգանունով այլ մարդկանց մասին։
Ռաֆայել Եղիշի Ղուկասյան (մայիսի 24, 1929, Վլադիկավկազ, Հյուսիսկովկասյան երկրամաս, ՌԽՖՍՀ, ԽՍՀՄ - մայիսի 18, 2008, Մոսկվա, Ռուսաստան), խորհրդային իրավաբան, իրավաբանական գիտությունների դոկտոր, պրոֆեսոր, քաղաքացիական դատավարության իրավունքի մասնագետ։
| Ռաֆայել Ղուկասյան | |
|---|---|
| Ծնվել է | մայիսի 24, 1929 |
| Ծննդավայր | Վլադիկավկազ, Հյուսիսկովկասյան երկրամաս, ՌԽՖՍՀ, ԽՍՀՄ |
| Մահացել է | մայիսի 18, 2008 (78 տարեկան) |
| Մահվան վայր | Մոսկվա, Ռուսաստան |
| Գերեզման | Վագանկովյան գերեզմանատուն |
| Քաղաքացիություն |  ԽՍՀՄ և  Ռուսաստան |
| Կրթություն | Մոսկվայի պետական իրավաբանական ակադեմիա |
| Գիտական աստիճան | իրավաբանական գիտությունների դոկտոր |
| Մասնագիտություն | իրավաբան |
| Աշխատավայր | Մոսկվայի պետական իրավաբանական ակադեմիա |
Կենսագրություն խմբագրել
Ռաֆայել Եղիշի Ղուկասյանը ծնվել է 1929 թվականի մայիսի 24-ին Վլադիկավկազում։ 1917 թվականին Ղուկասյանի ծնողները փախել են Թուրքիայից և բնակություն հաստատել Վլադիկավկազում։ Արծաթե մեդալով դպրոցն ավարտելուց հետո Ղուկասյանն ընդունվել է Համամիութենական իրավաբանական հեռակա ինստիտուտի Ռոստովի մասնաճյուղ, որն ավարտել է գերազանցությամբ։ Ուսման ընթացքում աշխատել է ՀԻՀԻ-ի նույն մասնաճյուղում որպես հեռակա կրթության խորհրդատու-մեթոդիստ (1951 թվականի դեկտեմբեր - 1954 թվականի նոյեմբեր), 1954-1959 թվականներին աշխատել է որպես ժողովրդական դատավոր Օրջոնիկիձե քաղաքում (Վլադիկավկազ), 1959-1964 թվականներին սովորել է Սարատովի Դ. Ի. Կուրսկու անվան իրավաբանական ինստիտուտի ասպիրանտուրայում, 1961-1973 թվականներին եղել Սարատովի Դ. Ի. Կուրսկու անվան իրավաբանական ինստիտուտի քաղաքացիական դատավարության ամբիոնի ասիստենտ, ավագ դասախոս, ապա՝ դոցենտ, 1964 թվականին Սարատովի Դ. Ի. Կուրսկու անվան իրավաբանական ինստիտուտում իրավաբանական գիտությունների թեկնածուի աստիճանի համար պաշտպանել է դիսերտացիան իրավագիտության դոկտոր, պրոֆեսոր Նիկոլայ Բորիսովիչ Զեյդերի ղեկավարությամբ «Դատարանների կողմից բնակարանային գործերի քննության ընթացակարգային առանձնահատկությունները» թեմայով, 1971 թվականին՝ Խորհրդային օրենսդրության համամիութենական գիտահետազոտական ինստիտուտում իրավաբանության դոկտորի կոչման համար դիսերտացիայի պաշտպանություն՝ «Շահերի խնդիրը խորհրդային քաղաքացիական դատավարության իրավունքում» թեմայով։ Դիսերտացիայի պաշտպանության ընդիմախոսներն են եղել այնպիսի հայտնի գիտնականներ, ինչպիսիք են Պյոտր Յակովլևիչ Տրուբնիկովը, Դմիտրի Միխայլովիչ Չեչոտը, Անատոլի Ալեքսանդրովիչ Մելնիկովը։ 1973-1986 թվականներին աշխատել է Կալինինի (Տվեր) պետական համալսարանի քաղաքացիական դատավարության ամբիոնի վարիչ, 1979-1984 թվականներին՝ Կալինինի (Տվեր) պետական համալսարանի իրավաբանական ֆակուլտետի դեկան, 1986-1989 թվականներին աշխատել է Խորհրդային օրենսդրության համամիութենական գիտահետազոտական ինստիտուտում, 1989-2008 թվականներին եղել է Մոսկվայի պետական իրավաբանական ակադեմիայի քաղաքացիական դատավարության ամբիոնի պրոֆեսոր, դիսերտացիոն խորհրդի նախագահի տեղակալ։
Մահացել է 2008 թվականի մայիսի 18-ին, Մոսկվայում։ Թաղված է Վագանկովյան գերեզմանատանը[1]։
Հիմնական աշխատություններ խմբագրել
- «Рассмотрение судами жилищных дел» (Саратов, 1966);
- «Проблема интереса в советском гражданском процессуальном праве» (Саратов, 1970);
- «Судебная защита жилищных прав нанимателей и членов ЖСК». Учебное пособие (Калинин, 1975);
- «Вопросы развития и защиты прав граждан» (Калинин, 1977);
- «Защита от недобросовестной конкуренции на товарных рынках России» (М.,2000).
- Шутливая мозаика : с юридической начинкой: стихи. — Тверь, Золотая буква, 2005. — 23 с.
- Арбитражный процесс : учебник; под ред. Р. Е. Гукасяна ; Моск. гос. юрид. акад. — М.: Проспект : Велби, 2006. — 444 с. — Из содерж.: Гл. 4, 7
- М. : Проспект : Велби, 2007. — 444 с. — Из содерж.: Гл. 4, 7
- 2-е изд., перераб. и доп. — М. : Проспект, 2008. — 448 с. — Из содерж.: Гл. 4, 7
- Избранные труды по гражданскому процессу / Моск. гос. юрид. акад., Твер. гос. ун-т. — М.: Проспект, 2008. — 478 с.
Գրականություն խմբագրել
- Видные ученые-юристы России (Вторая половина XX века) : энцикл. словарь биографий : по состоянию на 1 авг. 2004 г. / Рос. акад. правосудия; под ред. В. М. Сырых. — М.: Рос. акад. правосудия, 2006. — 547 с. : портр.; ISBN 5-93916-056-5.
- Станиславская Т. Б. Гукасян Рафаэль Егишевич. Библиографический указатель. — Тверь: Тверской государственный университет, 2014. — 41 с.
- In Memoriam. Гукасян Рафаэль Егишевич // Lex Russica : журнал. — Москва, 2008. — № 4. — С. 990—991.
- 90 лет со дня рождения профессора, доктора юридических наук Рафаэля Егишевича Гукасяна // Вестник гражданского процесса : журнал. — Москва, 2018. — № 4. — С. 302.