Ռաֆայել Հարությունյան (մարզիչ)

հայ մարզիչ
HS Disambig.svg Անվան այլ կիրառումների համար տե՛ս՝ Ռաֆայել Հարությունյան (այլ կիրառումներ)

Ռաֆայել Վլադիմիրի Հարությունյան (հուլիսի 5, 1957(1957-07-05), Թբիլիսի, Վրացական Խորհրդային Սոցիալիստական Հանրապետություն, ԽՍՀՄ), ԱՄՆ-ում աշխատող և բնակվող գեղասահքի հայ մարզիչ, նախկինում` գեղասահորդ։

Ռաֆայել Հարությունյան
Դիմանկար
Ռաֆայել Հարությունյանը,
Տատյանա Տարասովան և
Մաո Ասադան
Ծնվել էհուլիսի 5, 1957(1957-07-05) (64 տարեկան)
ԾննդավայրԹբիլիսի, Վրացական Խորհրդային Սոցիալիստական Հանրապետություն, ԽՍՀՄ
ՔաղաքացիությունFlag of Armenia.svg Հայաստան
Ազգությունհայ
ԿրթությունՖիզիկական կուլտուրայի հայկական պետական ինստիտուտ
Մասնագիտությունգեղասահքի մարզիչ և գեղասահորդ
Rafael Arutyunyan Վիքիպահեստում

ԿենսագրությունԽմբագրել

Գեղասահքով սկսել է զբաղվել Թբիլիսիի խմբակում։ Սիրողական սպորտում մեծ նվաճումների չի հասել, եղել է ԽՍՀՄ սպորտի վարպետության թեկնածու։

Այնուհետև տեղափոխվել է Երևան, ավարտել Ֆիզիկական կուլտուրայի պետական ինստիտուտը։ 1976-1985 թթ. մարզիչ է աշխատել Երևանի գեղասահքի մանկապատանեկան դպրոցում։ Այնուհետև հրավեր է ստացել Մոսկվայից և 1983 թ.-ին տեղափոխվել է այնտեղ, քանի որ Երևանում չկար միջազգային չափանիշներին համապատասխանող սահադաշտ։ «Սոկոլնիկի» սպորտի պալատում աշխատել է կնոջ՝ Վերա Հարությունյանի հետ, որը ևս գեղասահքի խմբակ ուներ։

2000 թվականից բնակվում է ԱՄՆԿալիֆոռնիա նահանգում և աշխատում է Լեյք Էրոուհեդ քաղաքի սահադաշտում[1][2]։ Նրա նախկին սաների թվում են Ջեֆրի Բաթլը, Մաո Ասադան, Մայ Ասադան, Ալեքսանդր Աբտը, Սերգեյ Վորոնովը, Իվան Դինևը, Ալեքսանդր Շուբինը, Անտոն Կլիկովը։

2013 թվականից մարզում է ամերիկացի գեղասահորդուհի Էշլի Վագներին, որպես նրա մարզիչ ներկա էր 2014 թ. Սոչիի ձմեռային օլիմպիական խաղերին, որտեղ Վագները թիմային պայքարում դարձավ բրոնզե մեդալակիր, իսկ անհատական մրցումներում գրավեց 7-րդ տեղը։

Ռուսաստանում Ռաֆայել Հարությունյանը հայտնի է որպես գեղասահորդ Ալեքսանդր Աբտի, իսկ Արևմուտքում՝ աշխարհի հնգակի չեմպիոնուհի Միշել Կվանի վերջին մարզիչ[3]։

ԱղբյուրներԽմբագրել

ԾանոթագրություններԽմբագրել