Ռազմաճակատային թղթակիցների հուշարձան
Ռազմաճակատային թղթակիցների հուշարձան (ռուս.՝ Памятник фронтовым корреспондентам), հուշարձան Ռուսաստանի Դաշնության մայրաքաղաք Մոսկվայում, որը կանգնեցվել է 1993 թվականին Նիկիտսկի բուլվարում` Ժուռնալիստի կենտրոնական տան մուտքի առջև[1]։
Ռազմաճակատային թղթակիցների հուշարձան | |
---|---|
Տեսակ | հուշարձան |
Երկիր | Ռուսաստան |
Բնակավայր | Մոսկվա |
Շինության ձև | Քանդակ |
Ներկա վիճակ | Կանգուն |
Պատմություն խմբագրել
Ինչպես պատմում էր լրագրության վետերան Ֆեոդոր Ցարյովը, նա իր գործընկերների հետ դիմել է քանդակագործ Լև Կերբելին, որն իրենց հետ հանդիպման ժամանակ խոստովանել է, որ ցանկանում է պատկերել «լրագրողի, որը նստել է տաք հետքերով թերթին թղթակցություն գրելու»[2]։
«Ռազմաճակատային թղթակիցների հուշարձան» քանդակագործական հորինվածքը ստեղծել են քանդակագործ Լև Կերբելը և ճարտարապետ Ե. Գ. Ռոզանովը[1]։ Այն պատկերում է Ռայխստագի ավերակների վրա նստած թիկնոց-վրանով թղթակցի։ Նրա կրծքին շքանշաններ են, կախված է լուսանկարչական սարքը, ձեռքին մատիտ է և նոթատետր, ոտքերի մոտ` իրատոպրակ։ Լրագրողի թիկունքում կիսավեր սյուն է, որի վերևում արված է հետևյալ մակագրությունը (մեջբերում ռազմաճակատային թղթակիցների «Մոսկվայից մինչև Բրեստ» երգից[1], խոսքերը` Կոնստանտին Սիմոնովի, երաժշտությունը` Մատվեյ Բլանտերի)[3].
С «Лейкой» и с блокнотом, а то и с пулемëтом сквозь огонь и стужу мы прошли[3] «Լեյկայով»[4] և նոթատետրով, իսկ երբեմն էլ գնդացրով կրակի և ցրտի միջով մենք անցել ենք |
իսկ ներքևում`
Հայրենական մեծ պատերազմի լրագրողներին |
Ամբողջ քանդակագործական հորինվածքը գրանիտե ոչ մեծ պատվանդանի վրա է[1]։
Հուշարձանը բացվել է 1993 թվականին։ Այստեղ տոներին հավաքվում են վետերան լրագրողները, հուշարձանին ծաղիկներ են դրվում[1]։
Ծանոթագրություններ խմբագրել
- ↑ 1,0 1,1 1,2 1,3 1,4 1,5 «Памятник «Фронтовым корреспондентам»».
- ↑ Фёдор Царёв. «Как создавался памятник фронтовым журналистам». Союз журналистов Москвы. Վերցված է 2015 թ․ մայիսի 8-ին.
- ↑ 3,0 3,1 3,2 «Памятник фронтовым корреспондентам». Արխիվացված է օրիգինալից 2014 թ․ օգոստոսի 12-ին. Վերցված է 2018 թ․ մարտի 21-ին.
- ↑ Լուսանկարչական սարքի տեսակ
Արտաքին հղումներ խմբագրել
- «Памятник фронтовым корреспондентам» (ռուսերեն). Intomoscow.ru. Արխիվացված է օրիգինալից 2014 թ․ օգոստոսի 12-ին. Վերցված է 2014 թ․ օգոստոսի 10-ին.
- «Памятник фронтовым корреспондентам» (ռուսերեն). MosGid.ru. Արխիվացված է օրիգինալից 2014 թ․ օգոստոսի 12-ին. Վերցված է 2014 թ․ օգոստոսի 10-ին.
- «Памятник фронтовым корреспондентам» (ռուսերեն). rutraveller. Վերցված է 2014 թ․ օգոստոսի 10-ին.