Վիքիպեդիա

Ջեք Դենիել

(Վերահղված է Ջեք Դանիելից)

Ջեք Դենիել (անգլ.՝ Jack Danielսեպտեմբերի 5, 1850(1850-09-05), Lynchburg, Թենեսի, ԱՄՆ - հոկտեմբերի 10, 1911(1911-10-10)[1], Lynchburg, Թենեսի, ԱՄՆ), ամերիկացի բիզնեսմեն, վիսկի արտադրող, ամերիկյան ամենահայտնի վիսկիի բրենդի՝ Jack Daniel’s-ի ստեղծողը[2][3]։

Ջեք Դենիել
Դիմանկար
Ծնվել էսեպտեմբերի 5, 1850(1850-09-05)
ԾննդավայրLynchburg, Թենեսի, ԱՄՆ
Մահացել էհոկտեմբերի 10, 1911(1911-10-10)[1] (61 տարեկան)
Մահվան վայրLynchburg, Թենեսի, ԱՄՆ
Քաղաքացիություն ԱՄՆ
Մասնագիտությունգործարար և distiller
Կայքjackdaniels.com
 Jack Daniel Վիքիպահեստում

Կենսագրություն խմբագրել

 
Ջեք Դենիելի հուշարձանը Լինչբերգին մերձ աղբյուրի մոտ, որի ջուրը նա օգտագործել է իր վիսկիի արտադրության համար[4]:

Ջասպեր Նյուտոն Դենիելի (գործարարի իրական անունը) ծննդյան ճշգրիտ ամսաթիվը հայտնի չէ․ մի աղբյուրի համաձայն՝ նա ծնվել է 1850 թվականի սեպտեմբերի 5-ին[5], ըստ մյուսների՝ 1849 թվականի հունվարին։ Դա պայմանավորված է նրանով, որ հրդեհի ընթացքում ոչնչացել է Դենիելի ծննդյան փաստաթղթերը։ Չի բացառվում նաև, որ Ջեքը ծնվել է 1846 թվականին[6][7]։ Ծնվել է ԱՄՆ-ի Թենեսի նահանգի Լինչբերգ քաղաքում։ Տասը երեխաներից ամենափոքրն է եղել[7], հայրը՝ Քոլուեյ Դենիել (1800-1863), մայրը՝ Լյուսինդա Դենիել (մինչև ամուսնությունը՝ Կուկ 1805-1850)։ Ջասպերի (Ջեքի) տատիկներն ու պապիկները արտագաղթել էին Ուելսից, Շոտլանդիայից և Իռլանդիայից։ Ջեքի լույս աշխարհ գալուց կարճ ժամանակ անց նրա մայրը մահացել է շատ երեխաներ ունելուց հետո առաջացած հիվանդությունից, իսկ նրա հայրը 1851 թվականի հունիսին կրկին ամուսնացել է Մաթիլդա Վանզանտի (1818-1876) հետ, որից ունեցել է ևս երեք երեխա։

Ջեք Դենիելը կրթություն չի ստացել, դավանանքով պատկանել է «պարզունակ բապտիստներին»[8]։

Յոթ տարեկան հասակում Ջեքը սկսել է աշխատել․ օղեգործարանում որպես օգնական-տարաբանվոր։ Լինելով շատ ջանասեր ու ուշադիր՝ Ջեքն արագ սովորել է վիսկիի պատրաստման իմաստություններն ու արդեն 13 տարեկանում, փաստացի, դարձել է այդ փոքր ձեռնարկության սեփականատերը։ Նրա կյանքի գլխավոր գյուտը դարձել է Jack Daniel’s «փափուկ» վիսկիի պատրաստման նոր տեխնոլոգիան։ Շուտով Ջեք Դենիելի օղեգործարանը դարձել է առաջին գրանցված լիկյորի գործարանը ԱՄՆ-ում (1866 կամ 1875 թվական)[5] և այժմ հանդիսանում է ԱՄՆ-ի ամենահին լիկյորի գործարանը, որը վիսկի է արտադրում։ Դենիելը իր հայրենի Լինչբերգում հիմնել է երկու սրճարան՝ «Սպիտակ նապաստակը» և «Շիկակարմիր շունը»[7]։ Հետաքրքիր է, որ իր ձեռնարկությունների համար Ջեքը վարձել է 13 ոչ պրոֆեսիոնալ տեղի երաժիշտ, ամենատարբեր գործիքներով, որոնք այնպիսի ոգևորությամբ և ջանասիրությամբ էին նվագում, որ շուտով իսկսպես համբավ ձեռք բերեցին և դարձան հայտնի նահանգի սահմաններից դուրս[9]։

Ջեք Դենիելն ամուսնացած չի եղել, և չի ունեցել երեխա։ Սակայն, Ջեքը իր եղբորորդիներից և քրոջորդիներից մի քանիսի խնամակալն է եղել։ Նրանցից մեկը՝ Լեմյուել Մոտլոուն (1869-1947), Ջեքի քրոջ՝ Ֆինետանի (1845-1891) որդին, հատուկ հմտություն է ցուցաբերել վիսկիի արտադրության մեջ, 1917 թվականից Ջեք Դանիելի առողջություն սկսել է ավելի վատանալ և Ջեքը սկսել է աստիճանաբար իր գործերը փոխանցել նրան և իր մեկ այլ եղբորորդուն։ Հետագայում Մոտլոուն գնել է երկրորդ բաժինը և 1911 թվականից մինչև 1942 թվականը (ԱՄՆ-ում ոգելից խմիչքներն արգելելու ժամանակ (1920-1933) շարունակվում էր հանրահայտ վիսկիի կիսալեգալ արտադրությունը) և 1946-1947 թվականներին եղել է Jack Daniel’s վիսկիի արտադրության միանձնյա սեփականատերը[10]։

Մահ խմբագրել

 
Ջեք Դենիելի գանձարկղը

Ջեք Դենիելը վախճանվել է 1911 թվականի հոկտեմբերի 10-ին իր ծննդավայր Լինչբերգ քաղաքում։ Մահվան պատճառը սեպսիսն է եղել։ Կա մի տարբերակ, ըստ որի մի անգամ Ջեք Դենիելը եկել է աշխատանքի և փորձել բացել իր գանձարկղը։ Քանի որ կյանքի յոթերորդ տասնամյակում Ջեքը հիշողությունից թույլ է եղել, հերթական անգամ չի կարողացել հիշել ծածկագիրը, իսկ հաշվապահ-եղբորորդին, որը կարող էր օգնել նրան, տեղում չի եղել։ Կատաղության պահին նա ոտքով հարվածել է գանձարկղին և կոտրել ոտքի մատը։ Անժամանակ բժշկական միջամտությունը հանգեցրել է արյան վարակման և Ջեք Դանիելի մահվանը։ Նրա վերջին խոսքերը խմիչքի խնդրանքի մասին են եղել[11]։ Այդ մահը վերստեղծվել է «Մեռնելու 1000 եղանակ» հեռուստասերիալի դրվագներից մեկում[5]։ Սակայն Ջեք Դենիելի այժմյան կենսագիրները հայտնում են, ուր գանձարկղի պատմությունը մտացածին է։

Տես նաև խմբագրել

Ծանոթագրություններ խմբագրել

  1. ↑ 1,0 1,1 1,2 Hamilton S. Daniel, Jack (05 September 1850?–10 October 1911), distiller // American National Biography Online / S. Ware — [New York]: Oxford University Press, 2017. — ISSN 1470-6229 — doi:10.1093/ANB/9780198606697.ARTICLE.2001834
  2. ↑ «World's best-selling spirits revealed (and the winner is very unexpected)». Mail Online. 2012 թ․ հունիսի 6. Վերցված է 2019 թ․ մարտի 11-ին.
  3. ↑ Jim Stengel (2012 թ․ հունվարի 9). «Jack Daniel's Secret: The History of the World's Most Famous Whiskey» (անգլերեն). The Atlantic. Վերցված է 2019 թ․ մարտի 11-ին.
  4. ↑ Кто такой Jack Daniels? (ռուս.) на сайте livejournal.com, 4 июля 2013
  5. ↑ 5,0 5,1 5,2 Джек Дэниел (անգլ.) на сайте famousbirthdays.com
  6. ↑ Jack Daniel Dies(չաշխատող հղում) (անգլ.) на сайте jackdaniels.com 21+
  7. ↑ 7,0 7,1 7,2 Джек Дэниел (անգլ.) на сайте nndb.com
  8. ↑ Book Discussion on Blood and Whiskey: Jack Daniel (անգլ.) на сайте C-SPAN|c-span.org, 20 мая 2004 Видео 0:34:58
  9. ↑ История бренда Jack Daniel’s (ռուս.) на сайте brandreport.ru, 6 ноября 2011
  10. ↑ Lem Motlow Արխիվացված 2013-06-04 Wayback Machine (անգլ.) на сайте jackdaniels.com 21+ Видео 0:01:34
  11. ↑ Случаи странных смертей в мировой истории — № 2 (ռուս.) на сайте mixednews.ru, 29 июля 2011

Գրականություն խմբագրել

Արտաքին հղումներ խմբագրել

 Վիքիպահեստն ունի նյութեր, որոնք վերաբերում են «Ջեք Դենիել» հոդվածին։
Ստացված է «https://hy.wikipedia.org/w/index.php?title=Ջեք_Դենիել&oldid=9798847» էջից