Ժակլին Ջիլ Ջեքի Քոլինզ, (հոկտեմբերի 4, 1937(1937-10-04)[1][2][3], Համփսթեդ, Քամդեն, Մեծ Լոնդոն, Անգլիա, Միացյալ Թագավորություն - սեպտեմբերի 19, 2015(2015-09-19)[4][1][2][…], Բևերլի Հիլզ, Լոս Անջելես շրջան, Կալիֆոռնիա, ԱՄՆ[4]), ծագումով բրիտանացի ամերիկյան գրող, սիրավեպերի հեղինակ, Բրիտանական կայսրության բարձրագույն շքանշանակիր։ Քոլինզը Լոս Անջելես է տեղափոխվել 1960-ական թվականներին, ընդունել է ԱՄՆ քաղաքացիություն և այստեղ ծավալել իր գործունեությունը[5][6]։ Նա գրել է 32 նովել, որոնք բոլորը հայտնվել են «Նյու Յորք թայմսի» բեսթսելլերների ցանկում[7]։ Ընդհանուր առմամբ նրա գրքերը վաճառվել են 500 մլն օրինակով և թարգմանվել 40 լեզվով[8][9]։ Նրա նովելներից ութը էկրանավորվել է, մի մասը դարձել է հեռուստատեսային սերիալների սցենար։ Նա դերասանուհի Ջոան Քոլինզի կրտսեր քույրն է։

Ջեքի Քոլինզ
անգլ.՝ Jacqueline Jill Collins
Ծննդյան անունանգլ.՝ Jacqueline Jill Collins
Ծնվել էհոկտեմբերի 4, 1937(1937-10-04)[1][2][3]
ԾննդավայրՀամփսթեդ, Քամդեն, Մեծ Լոնդոն, Անգլիա, Միացյալ Թագավորություն
Վախճանվել էսեպտեմբերի 19, 2015(2015-09-19)[4][1][2][…] (77 տարեկան)
Վախճանի վայրԲևերլի Հիլզ, Լոս Անջելես շրջան, Կալիֆոռնիա, ԱՄՆ[4]
ԳերեզմանՎեսթվուդի գերեզմանատուն
Մասնագիտությունդերասանուհի, ոչ գեղարվեստական գրող, սցենարիստ, դրամատուրգ, կինոպրոդյուսեր և գրող
Լեզուանգլերեն
Քաղաքացիություն Միացյալ Թագավորություն և  ԱՄՆ
ԿրթությունՖրենսիս Հոլանդի դպրոց
Ուշագրավ աշխատանքներՀնարավորություններ և Աշխարհում շատ են ամուսնացած տղամարդիկ
Պարգևներ
Բրիտանական կայսրության շքանշան և Բրիտանական Կայսրության շքանշանի սպա
ԱմուսինOscar Lerman?
Կայքjackiecollins.com
 Jackie Collins Վիքիպահեստում

Երիտասարդ տարիներ խմբագրել

Քոլինզը ծնվել է 1937 թվականին Լոնդոնում[10][11]։ Նրա մայրը Էլզա Քոլինզն է, իսկ հայրը Ջոզեֆ Ուիլյամ Քոլինզը, որը թատերական գործակալ էր և վերջինիս հաճախորդների թվում է եղել նաև հանրահայտ The Beatles խումբը։ 15 տարեկանում Ջեքի Քոլինզը հեռացվում է դպրոցից, այդ ժամանակահատվածում սիրավեպ է ունենում Մառլոն Բրանդոյի հետ։ 1950-ական թվականներին խաղում է մի շարք բրիտանական ֆիլմերում։ Լոս Անջելես՝ քրոջ մոտ, տեղափոխվելուց հետո խաղում է հեռուստատեսային մի շարք ֆիլմերում և սերիլաներում։ Չնայած հիանալի դերասանուհի լինելու փաստին, նա 1980-ականներին հրաժարվում է դերասանական կարիերայից։ Որպես գրող առաջին անգամ հանդես է գալիս 1968 թվականին՝«Աշխարհում շատ կան ամուսնացած մարդիկ» վեպով, որը դառնում է բեսթսելլեր։

Գրողի կարիերա խմբագրել

Քոլինզը երկրորդ վեպը գրում է մեկ տարի անց։ Այս, ինչպես և հաջորդ՝ երրորդ վեպը, որը հրատարակվում է 1971 թվականին, դառնում է բեսթսելլեր։ 1974 թվականին տպագրվում է նրա «Սիրուհիներ-մարդասպանները», որը առաջինն էր կազմակերպված հանցավորության մասին նրա վեպերի շարքում։ Այս ժանրում նա հետագայում դառնում է չափազանց հաջողակ։ 1978 թվականին նա գրում է համատեղ սցենար ֆիլմի համար՝ իր երկրորդ վեպի հիման վրա։ Ֆիլմում գլխավոր դերում հանդես է գալիս նրա քույրը։ 1980-ականներին նրա ընտանիքը վերջնականապես տեղափոխվում է Լոս Անջելես։ 1983 թվականին լույս է տեսնում նրա «Հոլիվուդի տիկնայք» վեպը, որը գլխավորում է «Նյու Յորք թայմզի» բեսթսելլերների ցանկը և աշխարհում վաճառվում է 15 մլն օրինակով։

Անձնական կյանք խմբագրել

1959 թ. Ջեքին ամուսնանում է Ուոլես Օսթինի հետ, որից ունեցել է երկու դուստր։ 4 տարվա ամուսնությունից հետո նրանք բաժանվում են։ 1966 թ. Քոլինզն ամուսնանում է երկրորդ անգամ՝ գիշերային ակումբի սեփականատեր Օսկար Լերմանի հետ։ Վերջինիցս նա ունենում է երեք դուստր։ Լերմանը մահանում է 1992 թ.: 1994 թ. Քոլինզն ամուսնանում է Ֆրենկ Կալկանինիի հետ, որը մահանում է 1998 թ.:

Արտաքին հղումներ խմբագրել

Ծանոթագրություններ խմբագրել

  1. 1,0 1,1 1,2 1,3 1,4 Pallardy R. Encyclopædia Britannica
  2. 2,0 2,1 2,2 2,3 2,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
  3. 3,0 3,1 Babelio (ֆր.) — 2007.
  4. 4,0 4,1 4,2 4,3 4,4 4,5 BBC News — 1922.
  5. "Dishing dirt with Jackie Collins, who says her novels pale before real life", Chicago Tribune, 20 July 2001.
  6. "Beloved author Jackie Collins only told older sister Joan two WEEKS before she died that she had been battling breast cancer for six years – because she didn't want to be a burden", Daily Mail, 19 September 2015.
  7. Horwell, Veronica (2015 թ․ սեպտեմբերի 20). «Jackie Collins obituary». The Guardian. Վերցված է 2015 թ․ սեպտեմբերի 22-ին.
  8. Leadbetter, Russell (2007 թ․ հոկտեմբերի 17). «10 things about Jackie Collins». The Evening Times. Glasgow. էջ 27.
  9. Roberts, Oliver (2007 թ․ նոյեմբերի 18). «Mistress of fiction». The Sunday Times. Johannesburg. էջ 16.
  10. Born in 1937 as per findmypast.co.uk
  11. «Birthdays». The Guardian. London. 2006 թ․ հոկտեմբերի 4. էջ 33.