Ջաբլեի գավառ

Ջաբլեի գավառ (արաբ․՝ منطقة جبلة‎‎‎), Սիրիայի Արաբական Հանրապետության գավառի կարգավիճակ ունեցող վարչական միավոր, որը հանդիսանում է Լաթակիայի մարզի 4 գավառներից մեկը։ Ըստ 2004 թվականի մարդահամարի Ջաբլեի գավառի բնակչությունը կազմում է 196 171 մարդ։ Գավառիի կենտրոնը Ջաբլե քաղաքն է։

Ջաբլեի գավառ արաբ․՝ منطقة جبلة‎‎
Երկիր	Սիրիա
Կարգավիճակ	Գավառ
Մտնում է	Լաթակիայի մարզ
Ներառում է	Այն ալ-Շարկիայի, Այն Շիկակի, Բեյթ Յաշուտի, Դալիայի, Ալ-Կուտեյլիբիայի, Ջաբլեի շրջաններ
Վարչկենտրոն	Ջաբլե
Հիմնական լեզու	Արաբերեն
Բնակչություն (2014)	196 171
Տարածք	485,54
Ժամային գոտի	UTC+2
Ջաբլեի գավառ Վիքիպահեստում

Ջաբլեի գավառի տնտեսության կարևորագույն ոլորտը գյուղատնտեսությունն է, որը արդյունք է միջերկրածովյան մեղմ կլիմայի։ Այստեղից արտահանվում են ցիտրուսային մրգեր, խնձոր, ձիթապտուղ։ Ամառային ամիսներին զարգացած է նաև զբոսաշրջությունը։ Շատ են միջերկրածովյան անտառները, որոնք ձգվում են ալ-Նուսայրիայի լեռներն ի վեր։ 12-13-րդ դարերում գավառը կազմել է Տրիպոլիի կոմսության մասը։

Ջաբլեի գավառը կազմված է 6 շրջաններից (բնակչության թվաքանակը ներկայացված է 2004 թվականի մարդահամարի տվյալներով)։ Դրանք են՝

• Այն ալ-Շարկիայի շրջան (արաբ․՝ ناحية عين الشرقية‎‎), կենտրոն՝ Այն ալ-Շարկիա, բնակչություն՝ 16 800 մարդ
• Այն Շիկակի շրջան (արաբ․՝ ناحية حرف المسيترة‎‎), կենտրոն՝ Այն Շիկակ, բնակչություն՝ 16 031 մարդ
• Բեյթ Յաշուտի շրջան (արաբ․՝ ناحية بيت ياشوط‎‎), կենտրոն՝ Բեյթ Յաշուտ, բնակչություն՝ 10,086 մարդ
• Դալիայի շրջան (ناحية دالية), կենտրոն՝ Դալիա, բնակչություն՝ 13 608
• Ալ-Կուտեյլիբիայի շրջան (արաբ․՝ ناحية القطيلبية‎‎), կենտրոն՝ Ալ-Կուտեյլիբիա, բնակչություն՝ 32 582 մարդ
• Ջաբլեի շրջան (արաբ․՝ ناحية جبلة‎ ‎‎), կենտրոն՝ Ջաբլե, բնակչություն՝ 107 064 մարդ