Միքայել Ջաբար
հայ խմբագիր
(Վերահղված է Ջաբարյան Միքայելից)
Միքայել Ալեքսանդրի Ջաբար (Ջաբարյան), (1876, Թիֆլիս, Կովկասի փոխարքայություն, Ռուսական կայսրություն - հունիսի 9, 1917, Թիֆլիս, Թիֆլիսի նահանգ, Ռուսական կայսրություն), հայ թատերական գործիչ, իրավաբան, խմբագիր։
Միքայել Ջաբար | |
---|---|
Ծնվել է | 1876 |
Ծննդավայր | Թիֆլիս, Կովկասի փոխարքայություն, Ռուսական կայսրություն |
Մահացել է | հունիսի 9, 1917 |
Մահվան վայր | Թիֆլիս, Թիֆլիսի նահանգ, Ռուսական կայսրություն |
Մասնագիտություն | խմբագիր |
Ստացել է իրավաբանական կրթություն։ Եղել է Թիֆլիսի քաղաքային դումայի անդամ, քարտուղար, «Տիֆլիսկի լիստոկ» թերթի խմբագիր, Հայոց դրամատիկական ընկերության վարչության նախագահ, դերասանական խմբի ռեժիսոր։ Նրա նախաձեռնությամբ 1908 թվականին Թիֆլիսում նշվել է արևելահայ թատրոնի 50-ամյակը։ Այդ առթիվ հրատարակել է «Հայոց դրամատիկական ընկերությունը Թիֆլիսում 1907-1908։ Տեղեկագիր» ժողովածուն։ Հոդվածներ է գրել Պետրոս Ադամյանի մասին։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ |