Պողոս Մովսեսի Մելիքյանց (Մելիքով, 1777[1], Աստրախան, Ռուսական կայսրություն[1] - 1848[1], Մոսկվա, Ռուսական կայսրություն[1]), ռուսական բանակի գեներալ-մայոր (1819)։

Պողոս Մելիքյանց
1777[1] - 1848[1]
ԾննդավայրԱստրախան, Ռուսական կայսրություն[1]
Մահվան վայրՄոսկվա, Ռուսական կայսրություն[1]
Քաղաքացիություն Ռուսական կայսրություն
Կոչումգեներալ-մայոր[1]
Մարտեր/
պատերազմներ
Երորրդ կուալիցիայի պատերազմ[1], Չորրորդ կոալիցիայի պատերազմ[1] և Ռուս-շվեդական պատերազմ[1]

Կենսագրություն խմբագրել

Ծնվել է մանր ազնվականի ընտանիքում։ 1796 թվականից անցել է զինվորական ծառայության։ Մասնակցել է ռուս-ավստրո-ֆրանսիական (1805), ռուս-պրուսա-ֆրանսիական (1806-1807), ռուս-շվեդական (1808-1809) պատերազմներին։ Աչքի է ընկել Կրեմսայի (Ավստրիա), Լոնդսբերգի, Բալթուսի (Լեհաստան), Ֆրիդլանդի (Պրուսիա), Պրեյսիշ-Էյլաուի (այժմ՝ Բագրատիոնովսկ, Կալինինգրադի մարզում) մարտերում։ Ֆրիդլանդի ճակատամարտում (1807 թվականի հունիսին) ցուցաբերած հերոսության համար պարգևատրվել է Ոսկյա սրով։ 1812 թվականի Հայրենական պատերազմի ժամանակ մասնակցել է Սմոլենսկի, Վյազմայի, Վիտեբսկի մատույցներում մղված կռիվներին և Բորոդինոյի ճակատամարտին, այնուհետև՝ ռուս, բանակի 1813-1814 թվականների արտասահմանյան արշավանքին, պարգևատրվել է Սբ․ Վլադիմիրի և Սբ․ Աննայի 2-րդ աստիճանի ու դաշնակից պետությունների շքանշաններով։ 1816-1823 թվականներին եղել է Բաքվի ամրոցի պարետը։ 1830 թվականին թողել է զինվորական ծառայությունը։ Մասնակցել է Մոսկվայի հայ գաղութի հասարակական կյանքին և Լազարյան ճեմարանի աշխատանքներին։ Մելիքյանցի նախաձեռնությամբ և նյութական օժանդակությամբ է հիմնադրվել Մոսկվայի հայոց «Գասպարյան աղքատանոց»ը (1841), որին և կտակել է իր դրամական խնայողությունները։

Գրականություն խմբագրել

  • Կեոքչյան Հ., Ծանօթութիւն յաղագս կենաց զօրագլխի Պօղոսի Մովսիսեան Մելիքեանց, Մ.,1852:

Ծանոթագրություններ խմբագրել

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 391