Պիետրո Մանի

իտալացի քանդակագործ

Պիետրո Մանի (իտալ.՝ Pietro Magni, հոկտեմբերի 21, 1817(1817-10-21), Միլան, Ավստրիական կայսրություն, Գերմանական միություն - հունվարի 20, 1877(1877-01-20), Միլան, Իտալիայի թագավորություն), իտալացի քանդակագործ։

Պիետրո Մանի
Pietro Magni.jpg
Ծնվել էհոկտեմբերի 21, 1817(1817-10-21)
ԾննդավայրՄիլան, Ավստրիական կայսրություն, Գերմանական միություն
Մահացել էհունվարի 20, 1877(1877-01-20) (59 տարեկանում)
Վախճանի վայրըՄիլան, Իտալիայի թագավորություն
ՔաղաքացիությունFlag of Italy (1861–1946).svg Իտալիայի թագավորություն
ԿրթությունԲրերա գեղարվեստի ակադեմիա
Մասնագիտությունքանդակագործ
Pietro Magni Վիքիպահեստում

ԿենսագրությունԽմբագրել

Պիետրո Մանին ծնվել է Միլանում 1817 թվականին: Սովորել է Բրերա ակադեմիայում, այնուհետև տեղափոխվել է Աբբոնդիո Սանջորջիոյի արվեստանոց: Նրա հետագա ստեղծագործական գործունեության վրա մեծ ազդեցություն է ունեցել քանդակագործ Լորենցո Բարտոլինին, ում աշխատանքներն առաջին անգամ տեսել է 1837 թվականին: Մանին մեկնել է սովորելու Հռոմում: 1849 թվականին միացել է Ջուզեպպե Գարիբալդիին: 1850 թվականին ստեղծել է իր առաջին նշանակալի աշխատանքը՝ «Դավիթը պարսատիկով», որը 1855 թվականին ցուցադրվել է Փարիզի համաշխարհային ցուցահանդեսում: 1860 թվականից քանդակագործության դասեր է տվել Բրերա ակադեմիայում:

Մահացել է Միլանում 1877 թվականին:

ՍտեղծագործություններԽմբագրել

Մանիի հայտնի ստեղծագործություններից են «Ընթերցող աղջիկը» քանդակը (իտալ.՝ La lettrice, 1856), որը գտնվում է Միլանի Ժամանակակից արվեստի պատկերասրահում[1], իսկ կրկնօրինակները տարբեր թանգարանների հավաքածուներում, այդ թվում՝ Աժուդայի ազգային պալատում (Լիսաբոն), Միլանի Լա Սկալա հրապարակում գտնվող Լեոնարդո դա Վինչիի հուշարձանը (ավարտել է 1872 թվականին), Վիկտոր Էմանուիլ II-ի պատկերասրահի քանդակները, այլաբանական քանդակների խումբ «Il taglio dell'istmo di Suez» (1863, նախկինում Տրիեստի Revoltella թանգարան), բազմաթիվ մարմարյա խմբաքանդակներ: 1860 թվականին արձաններ է ստեղծել Միլանի տաճարի համար՝ Հուստինոս Փիլիսոփայի արձան (1863):

Տես նաևԽմբագրել

ՊատկերասրահԽմբագրել

ԾանոթագրություններԽմբագրել

  1. «Pietro Magni - The Reading Girl / La Lettrice, 1856» (it-IT)։ Վերցված է 2016-08-23 

ԱղբյուրներԽմբագրել