Պետրուշկայի մասին (մուլտֆիլմ)
Պետրուշկայի մասին (ռուս.՝ Про Петрушку (мультфильм)), խորհրդային տիկնիկային մուլտիպլիկացիոն ֆիլմ, որը նկարահանվել է ռեժիսոր Իվան Ուֆիմցևի կողմից, 1973 թվականին, ըստ Սամուիլ Մարշակի «Արտասահմանցի Պետրուշկան» (1927 թվական) պիեսի մոտիվների[1]։ Մուլտֆիլմում ծաղրի է ենթարկվում ուսման հանդեպ թեթևամիտ վերաբերմունքն ու մեծահասակների հանդեպ անհարգալից վերաբերմունքը։
 | |
|---|---|
| Տեսակ | մուլտֆիլմ |
| Ռեժիսոր | Իվան Ուֆիմցև |
| Երկիր |  ԽՍՀՄ |
| Ընկերություն | Սոյուզմուլտֆիլմ |
Սյուժե խմբագրել
Պետրուշկա անունով մի տղա չէր լսում իր ծնողներին և ձևացնում էր, թե իր փորը ցավում է, միայն թե` երաժշտական դպրոց չգնա։ Բժիշկներին կանչելու փորձը վախեցնում է գլխավոր հերոսին, և նա փոխում է միտքը` համաձայնելով գնալ դպրոց։ Բայց փողոց դուրս գալուն պես դեն է նետում դպրոցական պարագաները և գնում է արկածներ փնտրելու։
Որոշ ժամանակ անց Պետրուշկան պարզում է, որ ծնողները փնտրում են նրան։ Որոշելով փախչել նրանցից` նա թաքնվում է ծխախոտի կրպակում, բայց նրան գտնում է խանութի սեփականատերը, ծեծկռտուք է սկսվում, որի ընթացքում կրպակն ընկնում և շուռ է գալիս։ Շախմատ խաղացող երկու դռնապանները դիտելով այս ամենը` կրպակը ողողում են ջրով և ստիպում Պետրուշկային փախչել։ Ծխախոտի վաճառողի հետ միասին նրանք հետապնդում են նրան, իսկ մի քիչ հետո նրանց թվում է, թե տղան թաքնվել է խաղալիքների խանութում։ Ծխախոտ վաճառողը քաշում է այդ խանութի դուռը, որի բռնակը դուրս է գալիս։
Այդ ամենը տեսնում է ոստիկանը, որը կանգնած էր խաչմերուկում, և սուլում է կարգը խախտողներին։ Պետրուշկան ծիծաղում է նրանց վրա, և, դուրս գալով իր թաքստոցից, սկսում է փախչել, սակայն հետապնդումը շարունակվում է։ Գլխավոր հերոսը այլևս թաքնվելու տեղ չունի։ Նա բարձրանում է կամրջի եզրին և պատրաստվում է գետը նետվել, բայց անսպասելիորեն նկատում է ինչ-որ մեկի` ափին ընկած հագուստը։ Այդ ժամանակ Պետրուշկան փոխում է իր հագուստը, որպեսզի նրան ոչ ոք չճանաչի, և իրեն որպես օտարերկրացի է ներկայացնում։ Դրանից հետո նա առանց տոմսի կարուսել է նստում, իսկ հետո կարողանում է շորերը փոխած լինելու շնորհիվ ապակողմնորոշել իր ծնողներին։
Բայց լսելով ոստիկանի սուլիչը, Պետրուշկան ստիպված է նորից վազել, իսկ վերջում նա թաքնվում է պաղպաղակի տուփի մեջ։ Դռնապաններից մեկը պաղպաղակ վաճառողից խնդրում է հինգ ռուբլու պաղպաղակ տալ իրեն, բայց արկղում նրանք հայտնաբերում են Պետրուշկային, որն այդ ընթացքում տաքացրել էր պաղպաղակը։ Ոստիկանը նրանից հետաքրքրվում է, թե ինչ է նրա անունը և ում որդին է նա, բայց Պետրուշկան միայն ի պատասխան ծիծաղում էր։ Այդ ժամանակ զրուցակիցը որոշում է գլխավոր հերոսին տանել ոստիկանության բաժին և ձերբակալել նրան, բայց վերջինիս հայրը խնդրում է չանել դա։ Ոստիկանը համաձայնում է ազատ արձակել Պետրուշկային, բայց պայմանով, որ նա ներողություն կխնդրի ծնողներից։ Պետրուշկան խոստանում է ուղղվել և դրանից հետո անել միայն բարի գործեր։
Հեղինակներ խմբագրել
- Սցենարի հեղինակ՝ Էլեոնորա Թադէ
- Ռեժիսոր՝ Իվան Ուֆիմցև
- Նկարիչ՝ Թամարա Պոլետիկա
- Օպերատոր՝ Վլադիմիր Սիդորով
- Կոմպոզիտոր՝ Վիկտոր Կուպրևիչ
- Հնչյունային օպերատոր՝ Բորիս Ֆիլչիկով
- Մուլտիպլիկատորներ՝ Լիդիա Մայատնիկովա, Պավել Պետրով, Վյաչեսլավ Շիլոբրեև
- Խմբագիր՝ Նատալյա Աբրամովա
- Մոնտաժող՝ Նադեժդա Տրեշչյովա
- Տիկնիկները և դեկորացիան պատրաստել են՝
- Վլադիմիր Աբբակումով (լուսագրերում նշված է որպես Աբակումով)
- Ա. Բարտ
- Պավել Գուսև
- Սվետլանա Զնամենսկայա
- Գ. Կիսելյովա
- Օլեգ Մասաինով
- Մարինա Չեսնոկովա
- Գալինա Ֆիլիպովա
- Սեմյոն Էտլիս
Ռոման Գուրովի ղեկավարությամբ
- Ֆիլմի տնօրեն՝ Նատան Բիտման
Դերերը հնչյունավորել են խմբագրել
- Պետրուշկայի ծնողներ՝ Անատոլի Պապանով
- Պետրուշկա՝ Ագար Վլասովա
- Շորտով տղամարդ (պիեսում` օտարերկրացին)` Գրիգորի Շպիգել
Ծանոթագրություններ խմբագրել
- ↑ «Արխիվացված պատճենը». Արխիվացված է օրիգինալից 2007 թ․ օգոստոսի 31-ին. Վերցված է 2020 թ․ ապրիլի 4-ին.«Արխիվացված պատճենը». Արխիվացված է օրիգինալից 2007 թ․ օգոստոսի 31-ին. Վերցված է 2020 թ․ ապրիլի 4-ին.
Արտաքին հղումներ խմբագրել
- «Պետրուշկայի մասին» մուլտֆիլմը «Անիմատոր.ռու» կայքում
- «Պետրուշկայի մասին» Мультик.ру կայքում
- «Про Петрушку» на сайте Каруника