Պենելոպա Լայվլի
Պենելոպա Մարգարետ Լայվլի (անգլ.՝ Penelope Margaret Lively, մարտի 17, 1933[1][2][3][…], Կահիրե, Եգիպտոս[4]), անգլիացի գրող, ով գրել է ինչպես մեծերի, այնպես էլ փոքրերի համար։ Երեք անգամ արժանացել է Բուքերյան մրցանակի[9]։ Մի անգամ՝ 1987 թվականին, հաղթող է ճանաչվել իր «Լուսնային վագր» վեպով[10]։ 1973 թվականին «Թոմաս Կեմպի ուրվականը» վիպակի համար ստացել է Կարնեգի շքանշան։
Պենելոպա Լայվլի անգլ.՝ Penelope Lively | |
|---|---|
 | |
| Ծնվել է | մարտի 17, 1933[1][2][3][…] (91 տարեկան) |
| Ծննդավայր | Կահիրե, Եգիպտոս[4] |
| Մասնագիտություն | գրող, վիպասան, ռադիոհաղորդավար և մանկագիր |
| Լեզու | անգլերեն |
| Քաղաքացիություն | .svg){kind=small} Միացյալ Թագավորություն[5][6][7] |
| Կրթություն | Սուրբ Աննայի քոլեջ |
| Ժանրեր | մանկական գրականություն և ֆենթեզի |
| Ուշագրավ աշխատանքներ | Լուսնային վագր, Մարկի խոսքերով և Թոմաս Կեմպի ուրվականը |
| Անդամակցություն | Թագավորական գրական ընկերություն |
| Պարգևներ | |
| Զավակներ | Ադամ Լայվլի |
| Կայք | penelopelively.co.uk |
 Penelope Lively Վիքիպահեստում | |
Կենսագրություն խմբագրել
Պենելոպա Լայվլին ծնվել է 1933 թվականին Կահիրե քաղաքում, մեծբրիտանացիների ընտանիքում։ Վաղ մանկության տարիները նա անց է կացրել Եգիպտոսում, և 12 տարեկանում նա գնացել է Անգլիայի գիշերօթիկ դպրոց։ 1957 թվականին ամուսնացել է ակադեմիկոս Ջեկ Լայվլիի հետ, և միասին ապրել են Սուոնսիում, Օքսֆորդում և այլ վայրերում։ Ամուսինը մահացել է 1998 թվականին, իսկ Պենելոպա Լայվլին մինչև հիմա ապրում է Լոնդոնի հյուսիսում։
Ստեղծագործություններ խմբագրել
Մանկական ֆանտաստիկա խմբագրել
Որպես գրող՝ իր առաջին հաջողությունը Լայվլին ունեցել է մանկական ֆանտաստիկ գրականության ասպարեզում։ Առաջին գիրքը՝ Astercote[11], 1970 թվականին հրապարակվել է Հայնեմի հրատարակչատանը։ Այդ ֆանտաստիկ վեպը պատմում է ժանտախտից կործանված Կոդսուոլդս գյուղի և նրան հարևան միջնադարյան անտառապատ գյուղի մասին։
Առ այսօր Լայվլին հրապարակել է քսանից ավելի մանկական գրքեր, որոնցից նրան ավելի մեծ ճանաչում բերածներից են Թոմաս Կեմպի ուրվականը և Բերքը ժամանակի հետ գրքերը։ 1973 թվականին նա Գրադարանների միության կողմից Բրիտանիայի տարվա լավագույն մանկական գրքի համար արժանացել է Կարնեգի շքանշանի։ Իր վերջին պարգևներից մեկը եղել է 1976 թվականին Ուիտբրեդովյան մրցանակը մանկական գրքի համար։ Այս երեք վեպերը՝ «Astercote», «Թոմաս Կեմպի ուրվականը» և «Բերքը ժամանակի հետ», մարմնավորել են 600, 300 և100 տարիներ առաջ եղած տեղի պատմություններ։ Ժամանակային այս սանդղակը ձևակերպվել է այնպես, թե ներկան մոտենում է, և չկա ճանապարհորդություն դեպի անցյալ։
Գեղարվեստական գրականություն խմբագրել
Մեծահասակների համար Լայվլիի գրած առաջին վեպը՝ «Ճանապարհ դեպի Լիչֆիլդ», հրատարակվել է 1977 թվականին և եղել է Բուքերյան մրցանակի անվանակարգում։ Նրան 1984 թվականին հաջողություն է բերել նաև «Մարկի խոսքերով» գիրքը, որը թաղարկվել է 1984 թվականին։ 1987 թվականին «Լուսնային վագր» գրքով Պենելոպան դարձել է Բուքերյան մրցանակի դափնեկիր։ Գիրքը պատմում է մի կնոջ փորձություննների մասին, ով հիվանդ էր քաղցկեղով։ Ինչպես Լայվլի բոլոր գրքերը, այնպես էլ հատկապես «Լուսնային վագրը», պատմում է հիշողության ուժի, ներկայի վրա անցյալի ազդեցության, ինչպես նաև անձնական և «պաշտոնական» կյանքի մասին։
Լայվլին հետապնդել է նաև ավելի լուսավոր ու պայծառ թեմաներ, որոնք կապ չունեն իր ֆանտաստիկ երկերի հետ։ Այդ աշխատությունններից են 2001 թվականին թողարկված Բաց տունը և 1994 թվականին լույս տեսած Ջակարանդա Օլեանդր․ մանկության ընկալումները գրքերը, որոնք Լայվլիի՝ Եգիպտոսում անցկացրած մանկության հիշողությունների մասին են։ Նրա վերջին աշխատությունը՝ Պարող ձկները, լույս է տեսել 2013 թվականին։
Ծանոթագրություններ խմբագրել
- ↑ 1,0 1,1 Internet Movie Database — 1990.
- ↑ 2,0 2,1 Internet Speculative Fiction Database — 1995.
- ↑ 3,0 3,1 Encyclopædia Britannica
- ↑ 4,0 4,1 4,2 Deutsche Nationalbibliothek Record #119173840 // Gemeinsame Normdatei (գերմ.) — 2012—2016.
- ↑ http://www.nytimes.com/1990/02/02/books/books-of-the-times-a-mother-s-grip-that-reaches-beyond-the-grave.html
- ↑ http://www.nytimes.com/2009/11/29/books/review/Browning-t.html
- ↑ http://www.nytimes.com/books/99/04/11/nnp/lively-road.html
- ↑ https://thebookerprizes.com/fiction/backlist/1987
- ↑ The Man Booker Prize -fiction, 1977: The Shortlist: '...Peter Smart’s Confessions/ Great Granny Webster/ Shadows on our Skin/ The Road to Lichfield/ Quartet in Autumn' Արխիվացված 2019-05-14 Wayback Machine at themanbookerprize.com, Accessed 15 April 2018
- ↑ «Книга «Лунный тигр»». 2013 թ․ ապրիլի 24. Վերցված է 2020 թ․ սեպտեմբերի 1-ին.
- ↑ «Astercote». www.goodreads.com. Վերցված է 2020 թ․ օգոստոսի 31-ին.
Արտաքին հղումներ խմբագրել
 | Վիքիպահեստն ունի նյութեր, որոնք վերաբերում են «Պենելոպա Լայվլի» հոդվածին։ |