Պապուա Նոր Գվինեա

Պապուա Նոր Գվինեա, պետություն Օվկիանիայում։ Գտնվում է Խաղաղ օվկիանոսի հարավարևմտյան հատվածում և զբաղեցնում է Նոր Գվինեա կղզու արևելյան հատվածը, Բիսմարկի կղզիները, Սողոմոնյան կղզիների հյուսիսային հատվածը և այլ կղզային տարածքներ։ Մակերեսը կազմում է 462 840 կմ², իսկ բնակչությանը թիվը 2009 թվականին՝ 6 մլն։ Մայրաքաղաքաը Պորտ Մորսբին է։ Զբաղեցնում է Նոր Գվինեա կղզու արևելյան մասը, Բիսմարկի, Լուիզիադա կղզեխմբերը, Սողոմոնի կղզիների հյուսիսային մասը, Տրոբրին, Դ’Անտրկաստո, Մուրուա կղզիները և մոտ 200 մեծ ու փոքր այլ կղզիներ։ Երկրի կենտրոնում, արևմուտքից արևելք, ձգվում են 3000-4000 մ բարձրության (առավելագույնը՝ 4 506 մ, Վիլհելմ լեռ) լեռնաշղթաները։ Կան բազմաթիվ գործող և հանգած հրաբուխներ։ Հաճախակի են երկրաշարժերը։ Ընդերքում կան նավթի ու գազի, պղնձի, ոսկու, երկաթի, նիկելի, կապարի, մանգանի, պլատինի հանքավայրեր։ Կլիման հասարակածային և մերձհասարակածային է։ Գետերը ջրառատ են, հարուստ՝ ջրաէներգետիկ պաշարներով։ Կենդանական և բուսական աշխարհները բազմազան են։ Աճում է ավելի քան 20 հազար բուսատեսակ, որոնց մեծ մասը բնաշխարհիկ է։ Տարածված են մշտադալար անտառները, լեռներում խիստ արտահայտված է վերընթաց գոտիականութունը։ Կենդանիներից կան գորշուկ, ծառի ագեվազ և կուսկուս պարկավորներ, օձեր, մողեսներ, ջրերում՝ կոկորդիլոս, կրիա։ Բազմաթիվ ու բազմատեսակ են թռչունները (կազուարներ, դրախտահավեր և այլն)։

Պապուա Նոր Գվինեա Independent State of Papua New Guinea Independen Stet bilong Papua Niugini
Պապուա Նոր Գվինեայի դրոշ Զինանշան
Կարգավիճակ	համագործակցության թագավորություն, կղզային պետություն, երկիր, ինքնիշխան պետություն, կղզեխմբային պետություն և սահմանափակ միապետություն
Ներառում է	Central Province?, Chimbu Province?, Eastern Highlands Province?, East New Britain Province?, East Sepik Province?, Enga Province?, Gulf Province?, Madang Province?, Manus Province?, Milne Bay Province?, Morobe Province?, Նոր Իռլանդիա, Oro Province?, Բուգենվիլի ինքնավար շրջան, Southern Highlands Province?, Western Province?, Western Highlands Province?, Արևմտյան Նոր Բրիտանիա, Sandaun Province?, National Capital District?, Hela Province? և Jiwaka Province?
Պետական լեզու	անգլերեն, Tok Pisin?, Hiri Motu? և Papua New Guinean Sign Language?
Մայրաքաղաք	Պորտ Մորսբի
Օրենսդիր մարմին	National Parliament of Papua New Guinea?
Երկրի ղեկավար	Չարլզ III
Կառավարության ղեկավար	Ջեյմս Մարապե
Մակերես	462 840 կմ²
Ազգաբնակչություն	▲8 935 000 մարդ (2020)
Խտություն	13 մարդ/կմ²
Հիմն	O Arise, All You Sons?
Կարգախոս	A million different journeys
Հիմնադրված է	1975 թ.
Արժույթ	kina?
Կենտրոնական բանկ	Bank of Papua New Guinea?
Ժամային գոտի	UTC+10, UTC+11 և Pacific/Port_Moresby?
Հեռախոսային կոդ	+675
Ինտերնետ-դոմեն	.pg
Մարդկային ներուժի զարգացման ինդեքս	0,558
papuanewguinea.travel

Նոր Գվինեա կղզու հարավարևելյան մասը՝ Պապուան, եղել է Մեծ Բրիտանիայի գաղութը, իսկ հյուսիսարևելյան մասը զավթել է Գերմանիան։ 20-րդ դարի սկզբից Նոր Գվինեան պատկանել է Ավստրալիային։ 1949 թվականին Պապուան և Նոր Գվինեան վարչականորեն միավորվել են։ Երկիրն անկախ է հռչակվել 1975 թվականի սեպտեմբերի 16-ին։ Երկրի հիմնական բնակիչները պապուասներն ու մելանեզացիներն են, որոնք խոսում են ավելի քան 7 0 լեզվով ու բարբառով։ Խոշոր քաղաքներն են՝ Պորտ Մորսբին, Լաեն, Մադանգը։