Բացել գլխավոր ցանկը

Պայմանական եղանակի (լատ.՝ modus conditionalis) բայաձևերը սովորաբար ցույց են տալիս պայմանով, ենթադրաբար կատարվող գործողություն։ Այդ բայերը կարող են ցույց տալ նաև հաստատապես կատարվող գործողություն. Կ եղանակիչով կազմված բայաձևերը կիրառվում են ներկա և անցյալ անկատար ժամանակների իմաստով որպես սովորության, կրկնության ներկա և անցյալ անկատար, օրինակ՝ Առավոտյան վեր կկենա, շտապ մի կտոր հաց կուտի ու կշտապի դաշտ։[1]։

Պայմանական եղանակն ունի երկու պարզ ժամանակաձև՝ պայմանական ապառնի և պայմանական անցյալ։

Պայմանական եղանակի ապառնիի և անցյալի բայաձևերը կազմվում են ըղձական եղանակի համապատասխան ձևերից, որոնց սկզբում ավելանում է Կ եղանակիչը։ Օրինակ՝

Պայմանական ապառնի

կտեսնեմ կտեսնենք կգնամ կգնանք
կտեսնես կտեսնեք կգնաս կգնաք
կտեսնի կտեսնեն կգնա կգնան

Պայմանական անցյալ

կտեսնեի կտեսնեինք կգնայի կգնայինք
կտեսնեիր կտեսնեիք կգնայիր կգնայիք
կտեսներ կտեսնեին կգնար կգնային

ԾանոթագրություններԽմբագրել

  1. Մ. Ասատրյան, Ժամանակակից հայոց լեզու, Ձևաբանություն, Երևան, 2002

Տես նաևԽմբագրել