Պաժերի կորպուս

Պաժերի կորպուս (ռուս.՝ Пажеский корпус, ֆր.՝ Corps des Pages), արտոնյալ զինվորաուսումնական հաստատություն Կայսերական Ռուսաստանում՝ բարձր պալատական ազնվականության և բարձր սպայական կազմի ներկայացուցիչների զավակներին զինվորական և պետական ծառայության պատրաստելու համար։

Կորպուսի խորհրդապատկերը

1802 թվականին վերակառուցվել է կադետական կորպուսների տիպի ուսումնական հաստատության, ուր ընդունվում էին միայն պաժերը (Եվրոպայում պալատական, որը 14 տարեկանից դառնում էր զինակիր։ Ռուսաստանում 1711 թվականից պալատական կոչում, կատարում էր ցարական ընտանիքի անդամների հանձնարարությունները)։

Հիմնադրվել է 1759 թվականին, Պետերբուրգում։ Պաժերի կորպուս ավարտածներն օգտվում էին հիմնականում գվարդիայի և հատուկ զորքերի ծառայական իրավունքներից։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 9, էջ 77)։

Վիքիպահեստն ունի նյութեր, որոնք վերաբերում են «Պաժերի կորպուս» հոդվածին։